နယူးယောက်ရှိ JFK လေဆိပ်နှင့် မန်ဟက်တန် အောက်ပိုင်းအကြား ခရီးသည်များအား သယ်ယူပို့ဆောင်ပေးမည့် ပထမဆုံးရဟတ်ယာဉ် အငှားဝန်ဆောင်မှုများအတွက် အဆင်သင့်ဖြစ်နေပြီဟု Uber က ဇွန် ၇ ရက်တွင် ထုတ်ပြန်ခဲ့သည်။
Uber ၏ ပွဲဦးထွက် လေကြောင်းဝန်ဆောင်မှုသတင်းကို နယူးယောက်တိုင်းမ်တွင် ပထမဆုံး ဖော်ပြခဲ့ပြီး Uber အမှုဆောင်ချုပ် ဒါရာခိုစရိုရှာဟီက အတည်ပြုပေးခဲ့သည်။
ထိုရဟတ်ယာဉ်ပြေးဆွဲမှုများကို ဇူလိုင် ၉ ရက်တွင် စတင်မည်ဖြစ်သည်။ ရှစ်မိနစ်ခန့်ကြာမြင့်မည့် တစ်ကြိမ်စာခရီးစဉ် အတွက် စျေးနှုန်းမှာ ဒေါ်လာ ၂၀၀ မှ ၂၂၅ ကြား ကျသင့်လိမ့်မည်ဟု Uber က ထုတ်ပြန်ခဲ့သည်။ Uber Copter ဟာ မိုးပျံအတွေ့အကြုံရဲ့ ပထမဆုံး စစ်မှန်တဲ့သရုပ်ဖော်မှုကို ပေးစွမ်းမှာပါ” ဟု Uber Elevate ဌာန၏ ဥက္ကဋ္ဌ အဲရစ်အဲလစ်ဆင်က ပြောကြားခဲ့သည်။
ယခု နယူးယောက်ဝန်ဆောင်မှုသည် Uber ၏ Loyalty အစီအစဉ်များထဲ၌ ပါသူများကို ကမ်းလှမ်းမည်ဖြစ်သည်။ လာမည့်နှစ်များအတွင်း စတင်မည့် ပိုမိုကျယ်ပြန့်သော Uber လေကြောင်း သယ်ယူပို့ဆောင်မှုများအတွက် လိုအပ်သော အချက်အလက်များအတွက် ယခုစတင်မည့် လေကြောင်းဝန်ဆောင်မှုများက အကူအညီပေးနိုင်လိမ့်မည်ဟု အဲလစ်ဆင်က ပြောကြားခဲ့သည်။ ဆင်ခြေဖုံးနှင့် မြို့များအကြား၊ အမေရိကန်ထဲမှ မြို့များနှင့် အခြားနိုင်ငံများကြား၌ လေကြောင်းပို့ဆောင်ရေး ဝန်ဆောင်မှုများကို ၂၀၂၃ ခုနှစ်တွင် စတင်ရန် စီစဉ်နေသည်ဟု Uber က ကြေညာခဲ့ဖူးသည်။
-
တေးသံရှင်မျိုးကျော့မြိုင်၏ Mini Concert ကို မေ ၃၁ ရက်တွင် ရန်ကုန်မြို့ရှိ M Cube Music Bar ၌ ပြုလုပ်မည်
-
ဂျန်ဒေါင်ဂန်းနှင့် ဆောင်ဂျွန်ကီတို့ အဓိကဇာတ်ကောင်များအဖြစ် ပါဝင်ထားသည့် Arthdal Chronicles ဇာတ်လမ်းတွဲကို ဇွန် ၁ ရက်တွင် စတင်ထုတ်လွှင့်မည်
-
ပရော်ဖက်ရှင်နယ်မော်ဒယ်တစ်ယောက်အဖြစ် အနုပညာအလုပ်တွေ အများကြီးဆက်လုပ်သွားဖို့ရှိတဲ့ Mဆိုင်းလူရဲ့ ငယ်စဉ်ဘဝ အမှတ်တရ ဖြတ်သန်းရာ
-
1 MDB အရှုပ်တော်ပုံတွင် ပါဝင်ပတ်သက်သည့် ဂျိုလိုနှင့် ညစာစားပွဲတက်ဖူးသည်ဟု PSY ပြောကြား
-
U2 အဖွဲ့က စင်ကာပူတွင် ပထမဆုံးအကြိမ် ဖျော်ဖြေပွဲ ပြုလုပ်မည်
