တောင်ကိုရီးယားတွင် နှစ်ရက်ဆက်တိုက် နှင်းထူထပ်စွာ ကျဆင်းမှုကြောင့် လူလေးဦး သေဆုံး
တောင်ကိုရီးယားတွင် နိုဝင်ဘာ ၂၈ရက်က နှစ်ရက်ဆက်တိုက် နှင်းထူထပ်စွာကျဆင်းသည့်အတွက် လူလေးဦးသေဆုံးခဲ့ကာနှင်းကျ ဆင်းမှုအခြေအနေ လျော့နည်းလာကြောင်း လက္ခဏာများရှိသော်လည်း လေကြောင်းခရီးစဉ်ရာချီနှင့် ကူးတို့သင်္ဘောပြေးဆွဲမှုများကို ဆိုင်းငံ့ခဲ့သည်။
ဆိုးလ်မြို့တော်တွင်ယခုနှစ် ဆောင်းရာသီနှင်းထူထပ်စွာကျဆင်းမှုသည် မှတ်တမ်းစတင်ကောက်ယူသည့် ၁၉၀၇ ခုနှစ်နောက်ပိုင်း တတိယမြောက် အပြင်းထန်ဆုံးဖြစ်ကြောင်း ယွန်ဟတ်သတင်းတွင်ဖော်ပြခဲ့ သည်။ ဆိုးလ်မြို့တော်၏ နေရာအချို့တွင်နိုဝင်ဘာ ၂၈ ရက်နံနက် ၈ နာရီအချိန်တွင်နှင်းထုသည် ၄၀ စင်တီမီတာကျော်ရှိသည်။
နိုဝင်ဘာ ၂၈ ရက် နံနက် ၁၀ နာရီအချိန်တွင်မြို့ တော်၏နေရာအချို့တွင် နှင်းထူထပ်စွာကျ ဆင်းမှုသတိပေးချက်များကို မိုးလေဝသတာဝန်ရှိသူများက ရုပ်သိမ်းခဲ့သော်လည်းလေကြောင်းခရီးစဉ် ၁၄၀ ကျော်ကို ဖျက်သိမ်းခဲ့သည်။
နိုဝင်ဘာ ၂၇ ရက်က ဂေါက်ကွင်းတစ်ခုတွင် နှင်းထုဖုံးလွှမ်းနေသောပိုက်ကွန်တစ်ခုပြိုကျပြီး လူတစ်ဦးသေဆုံးကာနှစ်ဦးဒဏ်ရာရခဲ့သည်။ကားပါကင်တစ်ခုတွင်အလား တူမတော်တဆမှုကြောင့် နောက်ထပ်တစ်ဦး သေဆုံးခဲ့သည်။အဝေးပြေးလမ်းမပေါ်တွင် နိုဝင်ဘာ ၂၇ ရက်က မော်တော်ယာဉ် ၅၃စီး ဆင့်တိုက်ခဲ့ပြီး လူနှစ်ဦးသေဆုံးကာ ၁၁ ဦး ထိခိုက်ဒဏ်ရာရခဲ့ကြောင့် ရဲတပ်ဖွဲ့ကပြောကြားခဲ့သည်။
Ref: Reuters
