ဇွဲကပင်တောင်တက်လမ်းခုလတ်တွင် ပျောက်ဆုံးခဲ့သည့် အသက်၂၀ နှစ်ခန့်ရှိ လူငယ်တစ်ဦးအား တောင်ခြေတွင် အသက်ရှင်လျက်ပြန်လည်တွေ့ရှိခဲ့ကြောင်း ဒေသခံများ၏ ပြောကြားချက်များအရ သိရသည်။
ပြီးခဲ့သည့် နိုဝင်ဘာ ၂၃ ရက် ၊ ည ၁၀ နာရီဝန်းကျင်အချိန်ခန့်က ဇွဲကပင်တောင်ခြေရှိ ခလောက်နို့ကျေးရွာ၌ ဒေသခံများက ဆိုင်ကယ်တစ်စီးတွေ့ရှိခဲ့ပြီး၊ တောင်တက်လမ်း ရွှေအင်တုံစခန်းအနီးချောက်ကမ်းပါး၌ လက်ကိုင်ဖုန်းတစ်လုံး၊ ဆိုင်ကယ်သော့နှင့် ဖိနပ်တစ်ရံတို့အားတွေ့ရှိရပြီး လူမတွေ့ရသဖြင့် ဒေသခံများက လူမှုကူညီကယ်ဆယ်ရေးအဖွဲ့များထံ အကြောင်းကြားခဲ့ပြီး ရှာဖွေမှုများလုပ်ဆောင်ခဲ့ကြောင်း ဒေသခံတစ်ဦးက ပြောကြားသည်။
ထိုသို့ ရှာဖွေမှုများ ပြုလုပ်ခဲ့ရာ ည ၁၁ နာရီ ၃၀ မိနစ်ခန့်တွင် အဆိုပါအမျိုးသားအား တောင်ခြေအနီးတွင် ဦးခေါင်းဒဏ်ရာဖြင့် အသက်ရှင်လျက် ပြန်လည်တွေ့ရှိခဲ့ခြင်းဖြစ်ကြောင်း သိရသည်။
၎င်းဒေသခံက ဆက်လက်ပြီး “ညဘက်ကြီး မီးသတ်တပ်ဖွဲ့ဝင်တွေရော၊ လူမှုကယ်ဆယ်ရေးအဖွဲ့တွေရော ဒေသခံတွေပါဝိုင်းဝန်းရှာဖွေနေကြတဲ့အခါမှာ ည ၁၁ နာရီ ၃၀ မိနစ်ဝန်းကျင်အချိန်လောက်မှာ ခုန်ချသွားတယ်ဆိုတဲ့ ယောက်ျားလေးတစ်ယောက်ကို တောင်ခြေအနီးမှာ ဦးခေါင်းဒဏ်ရာနဲ့ အသက်ရှင်လျက်ပြန်လည်တွေ့ရှိခဲ့ပါတယ်” ဟု ၎င်းဒေသခံက ဆက်လက်ပြောကြားသည်။
အဆိုပါလူငယ်ပျောက်ဆုံးခဲ့သည့် ရွှေအင်တိုစခန်းအနီး နေရာမှ တောင်ခြေအထိ ပေ (၁၀၀) အနက်ခန့်ရှိကြောင်းလည်း ၎င်းဒေသခံက ဆိုသည်။ ထို့နောက် ဒေသခံလူမှုကူညီကယ်ဆယ်ရေးအဖွဲ့မှ အဆိုပါအမျိုးသားအား ဘားအံမြို့ရှိ ပြည်သူ့ဆေးရုံကြီးသို့ ပို့ဆောင်ပေးခဲ့ကြောင်း သိရသည်။
အဆိုပါ လူငယ်မှာ ဧရာဝတီတိုင်းဒေသကြီးမှ ကရင်ပြည်နယ် ဘားအံမြို့ရှိ လက်ဖက်ရည်ဆိုင်တစ်ဆိုင်တွင် အကြော်ကြော်သည့် အလုပ်ကို လာရောက်လုပ်ကိုင်နေသူတစ်းဖြစ်ကြောင်း ၊ မည်သည့်အကြောင်းကြောင့် ဇွဲကပင်တောင်တက်လမ်းခုလတ်မှ ခုန်ချခဲ့သည်ကို သက်ဆိုင်ရာမှ စုံစမ်းစစ်ဆေးမှုများလုပ်ဆောင်နေကြောင်း သိရသည်။
-
NLD ပါတီက တွေ့ဆုံဆွေးနွေးရန် ဆက်သွယ်ခြင်းမရှိသေးသော်လည်း ရွေးကောက်ပွဲရလဒ်အရ ပြည်နယ်လွှတ်တော်ဥက္ကဋ္ဌနေရာရရှိရန် ကြိုးပမ်းမည်ဟု ANP ပါတီ ပြောရေးဆိုခွင့်ရှိသူ ပြောကြား
-
တာချီလိတ်မှ မြေယာအမှုတစ်ခုကို အရေးယူဆောင်ရွက်ပေးခြင်းမရှိဟုဆိုကာ ရှမ်းပြည်နယ်ဝန်ကြီးချုပ်အား နိုင်လွတ်လုံဖြင့် နစ်နာသူက အမှုဖွင့်မှုအပေါ် တောင်ကြီးမြို့မရဲစခန်းက ကနဦးတိုင်ကြားစာလက်ခံထား
-
မဲဆန္ဒရှင်ပြည်သူလူထု၏ သဘောဆန္ဒကို ပြောင်းလဲမည်ဆိုပါက ဖွဲ့စည်းပုံအခြေခံဥပဒေ၊ ရွေးကောက်ပွဲဥပဒေများကို ချိုးဖောက်ခြင်းဖြစ်ပြီး မဲဆန္ဒရှင်များ၏ဆန္ဒကိုလည်း ဆန့်ကျင်ရာရောက်ဟု ပြည်ထောင်စုရွေးကောက်ပွဲကော်မရှင် ထုတ်ပြန်
-
ရွေးကောက်ပွဲရလဒ် ပြောင်းလဲရန် သို့မဟုတ် မြန်မာ့ဒီမိုကရက်တစ် အသွင်ကူးပြောင်းမှုကို ကြန့်ကြာစေရန် မည်သည့် ကြိုးပမ်းအားထုတ်မှုမျိုးကိုမဆို ကန့်ကွက်ကြောင်း မြန်မာနိုင်ငံ အခြေစိုက် သံတမန် အဖွဲ့အစည်းများ ပူးတွဲထုတ်ပြန်
-
အမျိုးသားလွှတ်တော်ကျင်းပမည့် ရက်အား ဖေဖော်ဝါရီ ၂ ရက်သို့ ရွှေ့ဆိုင်း
