အမျိုးသားလွှတ်တော်ကျင်းပမည့် ရက်အား ဖေဖော်ဝါရီ ၂ ရက်သို့ ရွှေ့ဆိုင်းလိုက်ကြောင်း လွှတ်တော် တက်ရောက်မည့် အမျိုးသားလွှွတ်တော် ကိုယ်စားလှယ်အချို့ထံမှ သိရသည်။
မူလက တတိယအကြိမ် အမျိုးသားလွှတ်တော် ပထမ ပုံမှန် အစည်းအဝေးကို ဖေဖော်ဝါရီ ၁ ရက်(တနလာင်္နေ့) တွင် ကျင်းပမည် ဖြစ်သော်လည်း ဖေဖော်ဝါရီ ၂ ရက်(အဂါင်္နေ့) နံနက် ၁၀ နာရီသို့ ပြောင်းလဲခဲ့ခြင်း ဖြစ်သည်။
“တစ်ရက်နောက်ဆုတ်သွားတာ ဆိုတာက ဖေဖော်ဝါရီ ၁ ရက်မှာ ပြည်သူ့လွှတ်တော် စ ကျင်းပမယ်။ ဖေဖော်ဝါရီ ၂ ရက်မှာ အမျိုးသားလွှတ်တော် ကျင်းပမယ်။ ဒါက တတိယအကြိမ် လွှတ်တော်တွေရဲ့ ပြုလုပ်မယ့် အာဂျင်ဒါပေါ့နော်” ဟု ရန်ကုန်တိုင်းဒေသကြီး အမျိုးသားလွှတ်တော် မဲဆန္ဒနယ် အမှတ် ၁၁ မှ လွှတ်တော်ကိုယ်စားလှယ် ဦးဘမျိုးသိန်းက ပြောကြားသည်။
အစည်းအဝေး စတင်သည့် ရက်များတွင် အလုပ်တာဝန်များပြားခြင်းကြောင့် လွှတ်တော် အစည်းအဝေးများကို ခွဲလုပ်ခြင်းဖြစ်ကြောင်း ယင်းသို့ လုပ်ဆောင်ခြင်းမှာ ပုံမှန်သာဖြစ်ကြောင်း ၄င်းက ဆက်လက်ပြောကြားသည်။
လွှတ်တော်တက်ရောက်မည့် အမျိုးသားလွှတ်တော် ကိုယ်စားလှယ်များအား ဇန်နဝါရီ ၂၉ ရက်တွင် COVID-19 စစ်ဆေးရန် နှာခေါင်းတို့ဖက်၊ အာခေါင်တို့ဖက်များ ရယူခဲ့ကြောင်း၊ ဇန်နဝါရီ ၃၀ ရက်တွင် ကိုဗစ် ကာကွယ်ဆေး ထိုးပေးမည်ဖြစ်ကြောင်း ဦးဘမျိုးသိန်း၏ ပြောကြားချက်အရ သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
