ရွေးကောက်ပွဲရလဒ်ကို ပြောင်းလဲရန် သို့မဟုတ် မြန်မာ့ဒီမိုကရက်တစ် အသွင်ကူးပြောင်းမှုကို ကြန့်ကြာစေရန် အလို့ငှာ မည်သို့သော ကြိုးပမ်းအားထုတ် မှုမျိုးကိုမဆို မိမိတို့ ဆန့်ကျင်ကန့်ကွက်ကြောင်း မြန်မာနိုင်ငံ အခြေစိုက် သံတမန် အဖွဲ့အစည်းများက ဇန်နဝါရီ ၂၉ ရက်တွင် ပူးတွဲကြေညာချက် ထုတ်ပြန်သည်။
မြန်မာနိုင်ငံ၏ ဒီမိုကရက်တစ် အသွင်ကူးပြောင်းရေးနှင့် နိုင်ငံတော်အတွင်း ငြိမ်းချမ်းရေးနှင့်ဖွံ့ ဖြိုးရေး မြှင့်တင်နိုင်ရန် ကြိုးပမ်းအားထုတ်နေမှုကို အားပေးထောက်ခံကြောင်း မိမိတို့ အခိုင်အမာ အတည်ပြုကြောင်း အဆိုပါ ထုတ်ပြန်ချက်တွင် ပါရှိသည်။
အဆိုပါ ထုတ်ပြန်ချက်တွင် သြစတြေးလျ၊ ကနေဒါ၊ မြန်မာနိုင်ငံဆိုင်ရာ ဥရောပသမဂ္ဂသံရုံးနှင့် ဥရောပသမဂ္ဂ အဖွဲ့ဝင် နိုင်ငံများ၏ သံရုံးများ - ဒိန်းမတ်၊ ချက်သမ္မတနိုင်ငံ၊ ဆွစ်ဇာလန်၊ ပြင်သစ်၊ ဂျာမနီ၊ အီတလီ၊ နယ်သာလန်၊ စပိန်နှင့် ဆွီဒင် - ဆွစ်ဇာလန်၊ ယူကေ၊ အမေရိကန်၊ နော်ဝေနှင့် နယူးဇီလန်နိုင်ငံ ဆိုင်ရာသံရုံးများ ပါဝင်ကြောင်း သိရသည်။
ထို့ပြင် ဖေဖော်ဝါရီလ ၁ ရက်တွင် လွှတ်တော်အသစ် စတင်ရေးနှင့် သမ္မတသစ်တစ်ဦး ရွေးချယ်တင်မြှောက်ရေး လုပ်ငန်းစဉ်ကို ငြိမ်းငြိမ်းချမ်းချမ်း ဆောင်ရွက်နိုင်ရေးအတွက် မိမိတို့ မျှော်လင့်နေပါကြောင်းနှင့် မကြာသေးမီက ကျင်းပခဲ့သော နိုင်ငံတစ်ဝန်း ရွေးကောက်ပွဲတွင် ၎င်းတို့၏ သမိုင်းဝင် ပါဝင်ခဲ့ကြမှုအတွက် မြန်မာနိုင်ငံသားများကို ဂုဏ်ယူဝမ်းမြောက်ကြောင်း ထပ်မံပြောကြားကြောင်း ဖော်ပြပါရှိသည်။
တပ်မတော်နှင့် နိုင်ငံအတွင်းရှိ အခြားသော လူပုဂ္ဂိုလ် အဖွဲ့အစည်းအားလုံး အနေဖြင့် ဒီမိုကရေစီစံနှုန်းများကို လိုက်နာစောင့်ထိန်းကြပါရန် တိုက်တွန်းကြောင်းလည်း ထုတ်ပြန်ထားသည်။
မြန်မာနိုင်ငံသားများအတွက် ပိုမိုကောင်းမွန်သော ဒီမိုကရက်တစ်လွတ်လပ်မှု၊ အဓွန့်ရှည်တည်တံ့သော ငြိမ်းချမ်းမှုနှင့် အားလုံးပါဝင်သော သာယာဝပြောမှုအတွက် ရှေ့ရှုလုပ်ဆောင်နေကြသူ အားလုံးကို မိမိတို့ အားပေးထောက်ခံကြောင်း ထုတ်ပြန်ချက်တွင် ပါရှိသည်။
-
NLD ပါတီက တွေ့ဆုံဆွေးနွေးရန် ဆက်သွယ်ခြင်းမရှိသေးသော်လည်း ရွေးကောက်ပွဲရလဒ်အရ ပြည်နယ်လွှတ်တော်ဥက္ကဋ္ဌနေရာရရှိရန် ကြိုးပမ်းမည်ဟု ANP ပါတီ ပြောရေးဆိုခွင့်ရှိသူ ပြောကြား
-
တာချီလိတ်မှ မြေယာအမှုတစ်ခုကို အရေးယူဆောင်ရွက်ပေးခြင်းမရှိဟုဆိုကာ ရှမ်းပြည်နယ်ဝန်ကြီးချုပ်အား နိုင်လွတ်လုံဖြင့် နစ်နာသူက အမှုဖွင့်မှုအပေါ် တောင်ကြီးမြို့မရဲစခန်းက ကနဦးတိုင်ကြားစာလက်ခံထား
-
မဲဆန္ဒရှင်ပြည်သူလူထု၏ သဘောဆန္ဒကို ပြောင်းလဲမည်ဆိုပါက ဖွဲ့စည်းပုံအခြေခံဥပဒေ၊ ရွေးကောက်ပွဲဥပဒေများကို ချိုးဖောက်ခြင်းဖြစ်ပြီး မဲဆန္ဒရှင်များ၏ဆန္ဒကိုလည်း ဆန့်ကျင်ရာရောက်ဟု ပြည်ထောင်စုရွေးကောက်ပွဲကော်မရှင် ထုတ်ပြန်
-
ရွေးကောက်ပွဲရလဒ် ပြောင်းလဲရန် သို့မဟုတ် မြန်မာ့ဒီမိုကရက်တစ် အသွင်ကူးပြောင်းမှုကို ကြန့်ကြာစေရန် မည်သည့် ကြိုးပမ်းအားထုတ်မှုမျိုးကိုမဆို ကန့်ကွက်ကြောင်း မြန်မာနိုင်ငံ အခြေစိုက် သံတမန် အဖွဲ့အစည်းများ ပူးတွဲထုတ်ပြန်
-
အမျိုးသားလွှတ်တော်ကျင်းပမည့် ရက်အား ဖေဖော်ဝါရီ ၂ ရက်သို့ ရွှေ့ဆိုင်း
