မန်စီးတီး - ဖူလ်ဟမ် (တနင်္ဂနွေည ၇:၃၀ နာရီ)
ဖူလ်ဟမ်က လိဂ်ချန်ပီယံရှစ်မှာ အဆင့် (၃)နေရာရောက် နေပြီး ခြေစွမ်းရော၊ ရလဒ်ပိုင်းပါ တည်ငြိမ်နေတယ်။ ဒါပေမဲ့ ပွဲစဉ်တွေက အကြိတ်အနယ်ဖြစ်ပြီး အမှားမခံတဲ့အနေအထားလို့လည်း ပြောရမယ်။ မန်စီးတီးကတော့ သေချာပေါက် အားထည့်ကစားမှာပါ။ လူစုံမထုတ်ရင်တောင် ဒီပွဲမှာ ဂိုးတွေသွင်းနိုင်ဖို့ ကြိုးစားလိမ့်မယ်။ မန်စီးတီး ဂိုးပြတ်ဖို့ များတယ်။
ထရန်မဲ - မန်ယူ (တနင်္ဂနွေည ၉:၃၀ နာရီ)
ဝက်ဖို့ဒ်ကို ကျော်ဖြတ်လာခဲ့တဲ့ ထရန်မဲအသင်းရဲ့ စွမ်းဆောင်မှုကို အသိအမှတ်ပြုရမှာဖြစ်ပေမယ့် ဝက်ဖို့ဒ်အသင်းက ဒီပြိုင်ပွဲအပေါ် အလေးမထားတာကြောင့်လို့လည်း ဆိုနိုင်ပါတယ်။ League One မှာတောင် တန်းဆင်းဇုန်ထဲရောက်နေတဲ့ ထရန်မဲအသင်းရဲ့ လတ်တလောရလဒ်တွေကလည်း ဆိုးရွားနေပါတယ်။ အိမ်ကွင်းမှာ နိုင်ပွဲမရတာလည်း ကြာပါပြီ။ မန်ယူကလည်း ပရီးမီးယားလိဂ်မှာ ရှုံးပွဲဆက်ထားပေမယ့် ထရန်မဲနဲ့တော့ အဆင့်ချင်းကွာပါတယ်။ ဖိအားတွေအောက် ရောက်နေတဲ့ နည်းပြ ဆိုးလ်ရှားအတွက် ဒီပွဲက မှားလို့မရတဲ့ပွဲလို့ ဆိုရမှာပါ။ ဒီလိုပွဲမျိုးမှာမှ ခြေချော်လက်ချော်ဖြစ်ခဲ့ရင် ဆိုးလ်ရှား ကူကယ်ရာမဲ့သွားမှာပါ။ အဝေးကွင်းဖြစ်ပေမယ့် မန်ယူအသင်းရဲ့ ပေါက်ကွဲမှုကို မြင်တွေ့ရနိုင်ပါတယ်။ မန်ယူအသင်း ဂိုးပြတ်အနိုင်ယူဖို့ အလားအလာများပါတယ်။
ရှရူးဘူရီ - လီဗာပူးလ် (တနင်္ဂနွေည ၁၁:၃၀ နာရီ)
ရှရူးဘူရီက League One ကလပ်ဖြစ်တဲ့အပြင် လက်ရှိခြေစွမ်းနဲ့ ရလဒ်ပိုင်းကလည်း စိတ်ပျက်စရာပါ။ လီဗာပူးလ်က ဒီရာသီမှာ ၁၉၉၉ မန်ယူလို အောင်မြင်မှုမျိုးကို မျှော်လင့်လို့ ရနေတဲ့အသင်းဖြစ်ပြီး ဒီပြိုင်ပွဲကိုလည်း အပြည့်အဝအာရုံစိုက်လို့ရပါတယ်။ မာတစ်၊ မီလ်နာ၊ အော်ရီဂီတို့လို ကစားသမားတွေပါလာမယ်။ လက်ရှိ Rhythm က အားရစရာဖြစ်သလို၊ စိတ်ပိုင်းဆိုင်ရာအမြင့်ဆုံး ရောက်နေတယ်။ ခပ်လွယ်လွယ်ပဲ နိုင်မယ်။
-
အဆင့်မြင့် တစ်ပိုင်းလျှပ်ကူးပစ္စည်းများအား တရုတ်၏ထုတ်လုပ်မှုစွမ်းရည်ကို ပစ်မှတ်ထားသော ပို့ကုန်ကန့်သတ်ချက်အသစ်များကို အမေရိကန်ပြည်ထောင်စုက ထုတ်ပြန်
-
ရုရှားအား ထောက်ခံခြင်းကိုရပ်၍ ယူကရိန်းငြိမ်းချမ်းရေးအတွက် ကူညီရန် ဂျာမနီက တရုတ်အား တိုက်တွန်း
-
Miss Grand International 2024 ပြိုင်ပွဲတွင် အလှမယ်သဲစုညိမ်းရရှိခဲ့သည့် 2nd Runner-Up ဆုကို ရုပ်သိမ်းကြောင်း MGI ထုတ်ပြန်
-
ထိုင်းငါးဖမ်းသင်္ဘောများကို မြန်မာရေတပ်က ပစ်ခတ်ခဲ့သည့်ဖြစ်ရပ်အား ဆန့်ကျင်ကြောင်း ထိုင်းဝန်ကြီးချုပ် ပြောကြား
-
ဖိလစ်ပိုင်တွင် လိပ်သားဟင်းစားပြီး သုံးဦးသေဆုံးကာ လူ ၃၀ ကျော် ဆေးရုံတင်လိုက်ရ
