တိုင်ပေ၊အောက်တိုဘာ ၂
စက်တင်ဘာလအတွင်းကတိုက်ခတ်ခဲ့သည့် တိုက်ဖွန်းယာဂီကြောင့် ဗီယက်နမ်၊မြန်မာနှင့်ထိုင်းတို့သည် ရေဘေးအကြီးအကျယ်ကြုံတွေ့ခဲ့ရပြီး မြေပြိုကာ လူအေ-သအပျောက်များပြီး ဆုံးရှုံးခြင်းများလည်းမြင့်မားခဲ့သည်။
ယင်းသို့သော သဘာဝဘေးဒဏ်ခံနိုင်ငံများအတွက် ထိုင်ဝမ်ပြည်သူများနှင့် ထိုင်ဝမ်စီးပွားရေးလုပ်ငန်းရှင်များက လူသားချင်းစာနာထောက်ထားသည့်အနေဖြင့် ကယ်ဆယ်ရေးပစ္စည်းများကို ရက်ရက်ရောရောလှူဒါန်းကာ ပြန်လည်ထူထောင်ရေးအတွက်အကူအညီများကိုလည်း ကူညီပေးခဲ့ကြသည်။
အရှေ့တောင်အာရှနိုင်ငံများသည် ထိုင်ဝမ်၏ အိမ်နီးချင်းနိုင်ငံများဖြစ်ကြပြီး ထိုင်ဝမ်ပြည်သူများအနေဖြင့် ဗီယက်နမ်၊ထိုင်းနှင့်မြန်မာတို့ရှိပြည်သူများနှင့်ထပ်တူခံစားရပါကြောင်းပြောကြားခဲ့သည်။
ယင်းနောက် စက်တင်ဘာ ၂၇ ရက်နေ့ကကျင်းပခဲ့သည့် အကြိမ် ၃၀ မြောက် ကမ္ဘာ့ထိုင်ဝမ်ကုန်သည်ကြီးများအသင်းနှစ်ပတ်လည်ညီလာခံဖွင့်ပွဲနှင့် အဆိုပါအသင်းဒါရိုက်တာများနှင့်ကြီးကြပ်ရေးမှူးများ၏ တတိယအကြိမ်မြောက် ပူးတွဲအစည်းအဝေးဖွင့်ပွဲအခမ်းအနား၌ ထောက်ပံ့ကြေးအစီအစဉ်ကို ထိုင်ဝမ်နိုင်ငံခြားရေးဝန်ကြီးက အတည်ပြုပြောကြားပေးခဲ့ခြင်းလည်းဖြစ်သည်။
ယင်းနောက် ဆက်လက်၍ ဝန်ကြီးက ထိုင်ဝမ်စီးပွားရေးလုပ်ငန်းရှင်များက မြန်မာ၊ဗီယက်နမ်နှင့်ထိုင်းတို့ရှိရေဘေးသင့်ပြည်သူများအတွက် ကန်ဒေါ်လာတစ်သိန်းစီလှူဒါန်းမည်ဖြစ်ကြောင်:ဆိုခဲ့သည်။
ထို့ပြင် အဆိုပါသုံးနိုင်ငံရှိ ထိုင်ဝမ်ကုမ္ပဏီများသည် ထုတ်လုပ်မှုနှင့်လုပ်ငန်းများကို ပုံမှန်အတိုင်း မကြာမီပြန်လည်စတင်နိုင်မည်ဖြစ်ကာ ဒေသတွင်းစီးပွားရေးကိုအထောက်အကူဖြစ်စေကာ ထိုင်ဝမ်နှင့်အရှေ့တောင်အာရှနိုင်ငံများအပြင် နိုင်ငံအသီးသီး၏လူမျိုးများအကြား ချစ်ကြည်ရင်းနှီးမှုပိုတိုးလာစေရန်မျှော်လင့်သည်ဟုလည်းပြောကြားခဲ့သည်။
Source : ထိုင်ဝမ်နိုင်ငံခြားရေးဝန်ကြီးဌာန
-
မုံရွာမြို့ ၊ ရပ်ကွက်များနှင့် အနောက်မြောက်တိုင်း စစ်ဌာနချုပ်နယ်မြေအတွင်း သန်းခေါင်စာရင်း စတင်ကောက်ယူ
-
သုခဒဂုံပြည်သူ့အငှားအိမ်ရာ၏ ထပ်မံပြီးစီးသည့် အခန်းပေါင်း ၆၀၀ တွင် နေထိုင်မည့်သူများကို မကြာခင်ရွေးချယ်မည်
-
ခရီးသည်များဘေးကင်းလုံခြုံမှုအတွက် လေဆိပ်များရှိ X-ray နှင့် CCTV များ ကောင်းမွန်အောင် အလေးထားဆောင်ရွက်ရန် ပို့/ဆက် ဒု-ဝန်ကြီး လမ်းညွှန်မှာကြား
-
■ အစ္စရေးကို အီရန်က ပဲ့ထိန်းဒုံးကျည် ၁၈၀ ခန့်ဖြင့် ပစ်ခတ်တိုက်ခိုက်
-
အင်းလေးဒေသတွင် ရေမသန့်ရှင်းမှုကြောင့် ဖြစ်တတ်သည့် ဝမ်းပျက်ဝမ်းလျောခြင်းနှင့် ယားနာအချို့ ဖြစ်ပွားနေ
