ရေကြီး၊ ရေလျှံမှုကြောင့် ပျက်စီးခဲ့ရသည့် ရန်ကုန် – မန္တလေး ရထားလမ်းပိုင်းနေရာများ ပြန်လည် ပြုပြင်လျက်ရှိရာ လမ်းပိုင်းပြုပြင်ပြီးစီးသည့် အခြေအနေအရ ရန်ကုန် – သာစည်၊ သာစည် – ရန်ကုန် ရထားခရီးစဉ်ကို ပြေးဆွဲပေးလျက်ရှိကြောင်း မြန်မာ့ရထားမှ စက်တင်ဘာ (၂၃)ရက်က အသိပေးထားသည်။
ရန်ကုန်-မန္တလေး ရထားလမ်းပိုင်းအတွင်း ရထားလမ်းတာပေါင်နေရာများနှင့် တံတားများ ရေတိုက်စား၍ ပျက်စီးခဲ့မှုများကြောင့် ယာယီရပ်တန့်ထားရသည့် ရန်ကုန်-မန္တလေး ပြေးဆွဲပေးနေသော အမှတ်(၁၁)အဆန်၊ (၁၂)အစုန်အမြန်ရထားခရီးစဉ်ကို လမ်းပိုင်းပြုပြင်ပြီးစီးသည့် အခြေအနေအရ စက်တင်ဘာ (၂၁) ရက်မှ စတင်၍ ပြေးဆွဲပေးနေခြင်း ဖြစ်သည်။
ရန်ကုန်-မန္တလေးရထားလမ်းပိုင်းတွင် ရေကြီးရေလျှံမှုကြောင့် အချို့ရထားလမ်း တာဘောင်နေရာများနှင့် တံတားများ ရေတိုက်စားပျက်စီးခဲ့သဖြင့် စက်တင်ဘာ (၁၆) ရက်မှ စတင်၍ လူစီးရထားနှင့် ကုန်ရထားခရီးစဉ်များ ပြေးဆွဲမှုကို ယာယီရပ်ဆိုင်းပြီး မြန်မာ့မီးရထားမှ ကျွမ်းကျင်ဝန်ထမ်းများက ပြန်လည် ပြုပြင်ခဲ့ကြကြောင်း သိရသည်။
ရန်ကုန်-မန္တလေးရထားလမ်းပိုင်း၌ ရန်ကုန်-သာစည် အမှတ် (၁၁)အဆန် လူစီးအမြန်ရထားမှာ ရန်ကုန်ဘူတာမှ နံနက် (၅) နာရီတွင် ထွက်ခွာ၍ သာစည်ဘူတာသို့ ည (၈) နာရီခွဲတွင် ဆိုက်ရောက်ပြီး သာစည်-ရန်ကုန် အမှတ် (၁၂) အစုန် လူစီးအမြန်ရထားမှာ သာစည်ဘူတာမှ နံနက် (၆) နာရီတွင် ထွက်ခွာ၍ ရန်ကုန်ဘူတာသို့ ည (၉) နာရီခွဲတွင် ရောက်ရှိပြေးဆွဲပေးလျက်ရှိကြောင်း သိရသည်။
ရထား အထက်တန်း လက်မှတ်ခ တစ်ဦးလျှင် ကျပ် (၁၇၀၀၀) ကျပ်နှင့် ရိုးရိုးတန်းလက်မှတ်ခ တစ်ဦးလျှင် ကျပ် (၉၀၀၀) ကျပ်ကျသင့်မည်ဖြစ်ကြောင်း သိရသည်။
မြန်မာ့မီးရထားအနေဖြင့် ရန်ကုန်-မန္တလေးလမ်းပိုင်းအတွင်း ရန်ကုန် – သာစည်ခရီးစဉ် လူစီးရထားများဖြင့် ပြေးဆွဲပေးနေမှုအပေါ် ခရီးသည် စီးနင်းမှုများပြားလာသည်နှင့်အမျှ ရထားတွဲဆိုင်းများ ပိုမိုချိတ်ဆက်ခြင်း၊ ရထားစင်းရေ တိုးမြှင့်ခြင်းများ ဆောင်ရွက်ပေးသွားမည်ဖြစ်ကြောင်း သိရသည်။
-
အစ္စရေးတပ်ဖွဲ့များက အနောက်ဘက်ကမ်းဒေသရှိ အယ်လ်ဂျာဇီးယားသတင်းဌာန၏ ရုံးခန်းကို ဝင်ရောက်စီးနင်း
-
ရေဘေးသင့်ခဲ့သည့် ရေတာရှည်နှင့် ဆွာမြို့နယ်မှ ပြည်သူများအတွက် ဗောဓိဆာယာတောရမိသားစု၊ ရောင်စဉ်မဲ့လူမှုကူညီရေးအသင်းနှင့် စေတနာရှင်များစုပေါင်းကာ ကျပ်သိန်း ၁၃၀၀ လှူဒါန်း
-
ရေဘေးကြောင့်ေ-သဆုံးခဲ့သူများအတွက် နိုင်ငံတော်၏ထောက်ပံ့ငွေများ သက်ဆိုင်ရာမိသားစုများထံရောက်ရှိရေးဆောင်ရွက်ရန် နေပြည်တော် ဥက္ကဋ္ဌမှာကြား
-
မြန်မာတွင် တရုတ်နှင့် အာဆီယံနိုင်ငံများ ရင်းနှီးမြှုပ်နှံမှုပြုလုပ်ရန် ဖိတ်ခေါ်
-
ရန်ကုန် – မန္တလေး ရထားလမ်းပိုင်းမှ ပြုပြင်ပြီးစီးသည့် အခြေအနေအရ ရန်ကုန်-သာစည်၊သာစည် – ရန်ကုန် ရထားခရီးစဉ်များ ပြေးဆွဲပေးလျက်ရှိ