ရေဘေးကြောင့်ေ-သဆုံးခဲ့သူများအတွက် နိုင်ငံတော်မှထောက်ပံ့သည့် ထောက်ပံ့ငွေများကို သက်ဆိုင်ရာမိသားစုများထံရောက်ရှိရေးဆောင်ရွက်ရန် နေပြည်တော် သဘာဝဘေးအန္တရာယ်ဆိုင်ရာစီမံခန့်ခွဲမှုအဖွဲ့ဥက္ကဋ္ဌ၊ နေပြည်တော် ဥက္ကဋ္ဌဦးသန်းထွန်းဦးက မှာကြားသည်။
၎င်းက ယမန်နေ့ စက်တင်ဘာ ၂၃ ရက်ညပိုင်းတွင်ကျင်းပခဲ့သည့် နေပြည်တော်သဘာဝဘေးအန္တရာယ်ဆိုင်ရာစီမံခန့်ခွဲမှုအဖွဲ့၏ လုပ်ငန်းညှိနှိုင်းအစည်းအဝေး၌ အမှာစကားပြောကြားရာ၌ ထည့်သွင်းမှာကြားခဲ့ခြင်းဖြစ်သည်။
ထို့အပြင် ရေဝင်ရောက်မှုကြောင့် ပျက်စီးသွားသည့်လူနေအိမ်များတွင် ပြည်သူများပြန်လည်နေထိုင်နိုင်ရေးအတွက် ပူးပေါင်းဆောင်ရွက်ရန်လည်း မှာကြားသည်။
အလားတူ ရေဝင်ရောက်ခဲ့သည့် စာသင်ကျောင်းများ အမြန်ဆုံးပြန်လည်သင်ကြားနိုင်ရန် ပြင်ဆင်ခြင်းလုပ်ငန်းများ၊ သန့်ရှင်းရေးလုပ်ငန်းများ၊ လမ်းဘေးဝဲယာတွင် ရေလွှမ်းမိုးမှုကြောင့် တင်ကျန်ခဲ့သည့် နုန်းမြေများကိုဖယ်ရှားခြင်းလုပ်ငန်းများနှင့် လမ်းဘေးရေမြောင်းများရေစီးရေလာကောင်းမွန်စေရေးလုပ်ငန်းများ၊ ရေတိုက်စား၍ ပျက်စီးသွားသည့် လမ်းတံတားများပြင်ဆင်ရာတွင် စံချိန်စံညွှန်းများနှင့်အညီစနစ်တကျဆောင်ရွက်ရန်တို့ကိုလည်း မှာကြားသည်။
ထို့အတူ ဌာနဆိုင်ရာများအနေဖြင့် သဘာဝဘေး အန္တရာယ်များကျရောက်ပါက အချိန်နှင့်တစ်ပြေးညီ ကူညီကယ်ဆယ်လုပ်ငန်းများ ဆောင်ရွက်နိုင်ရန် ပြည်သူများနှင့်ပူးပေါင်း၍ ဇာတ်တိုက်လေ့ကျင့်မှုများဆောင်ရွက်ရန်မှာကြားခဲ့သည်ဟုသိရသည်။
-
ထိုင်းနိုင်ငံ ကော့စမွေကျွန်းမှ တရားမဝင်ဇိမ်ခံအိမ်များမှထွက်ခွာရန် နိုင်ငံခြားသားများကိုတိုက်တွန်း
-
ပြင်ဦးလွင်မြို့ရှိ DSA နှင့် DSTA စစ်လက်ရုံးရွေးချယ်ပွဲများသို့ ကာချုပ် တက်ရောက် စိစစ်ရွေးချယ်
-
ရေဘေးသင့်ကျောင်းများကို အမြန်ဆုံးပြင်ဆင်၍ အောက်တိုဘာလအတွင်း ပြန်လည်ဖွင့်လှစ်ရန် ပညာရေးဝန်ကြီးမှာကြား
-
မြန်မာ-ဘယ်လာရုစ် သံတမန်ဆက်ဆံရေး (၂၅) နှစ်ပြည့် ဂုဏ်ပြုသဝဏ်လွှာများ အပြန်အလှန်ပေးပို့၊ ဘယ်လာရုစ်သမ္မတက နစကဥက္ကဋ္ဌနှင့်တွေ့ဆုံရန် ဆန္ဒရှိကြောင်းပါဝင်
-
ပြင်ဦးလွင် သုမင်္ဂလာဈေး(ညံတောဈေး) ၆ ထပ်အဆင့်မြင့်ဈေးသစ်၏ ဓာတ်လှေကားအတွက် ဆိုလာစနစ်ထားရှိရန် နစက ဥက္ကဋ္ဌ မှာကြား