ယာဂီမုန်တိုင်းဒဏ်ကြောင့် ရေဘေးဒဏ်ကြုံတွေ့ခဲ့သော ပဲခူးတိုင်း၊ တောင်ငူခရိုင်၊ တောင်ငူမြို့ရှိ မိုးကောင်းကျေးရွာ၊ ရွာသစ်ကျေးရွာ၊ ညောင်ပင်သာကျေးရွာများသို့ Help To Others ပရဟိတအသင်းမှ ပြည်တွင်း၊ ပြည်ပ အလှူရှင်များနှင့် ပူးပေါင်းကာ တစ်အိမ်ထောင်ကို ငွေကျပ် ၂၅၀၀၀ နှုန်းဖြင့် အိမ်ထောင်စု ၂၅၀ စာအတွက် ငွေကျပ်သိန်း ၅၀ လှူဒါန်းခဲ့သည့်အပြင် စားသောက်ကုန်၊ အိမ်သုံးဆေးဝါး၊ အဝတ်အထည်၊ ရေသန့်၊ လစဉ်သုံး၊ ဓာတ်မီး၊ မီးခြစ်၊ ခြင်ဆေး၊ ဖယောင်းတိုင်နှင့် မုန့်မျိုးစုံ စသဖြင့် ငွေကျပ် သိန်း ၁၅၀ ကျော် တန်ဖိုးရှိ ပစ္စည်းများကို နယ်မြေခံ ပရဟိတအသင်းများနှင့် ပူးပေါင်းကာ ကိုယ်တိုင်ကိုယ်ကျ သွားရောက်လှူဒါန်းခဲ့ကြောင်း သိရသည်။
ထို့အပြင် Help To Others ပရဟိတအသင်းမှ ပြည်သူ+လူရွှင်တော် ပရဟိတအသင်းအား ၅သိန်းကျပ်၊ မဏိဇောတ လူမှုကူညီရေးအသင်းအား ၄ သိန်းကျပ်နှင့် ကရုဏာရင်ခွင် လူမှုကူညီကယ်ဆယ်ရေးအသင်းအား ၁သိန်းကျပ် အသီးသီးထောက်ပံ့လှူဒါန်းခဲ့သည်။
“ ကျွန်တော်တို့က ဒါ (၉) ကြိမ်မြောက် လှူဒါန်းခြင်းပါ။ ရေက ခါးကနေရင်ညွှန့်လောက်ထိရှိပြီး တော်တော်နဲ့ မကျဘူးဗျ။ ထပ်တက်လာချိန်ဆို လူတစ်ရပ်ကျော်တယ်။ ရွာကကျဉ်းတော့စက်လှေမောင်းမရတာနဲ့ ဝါးဖောင်တွေလုပ်ပြီး သွားရတယ်။ တချို့နေရာတွေဆို အလှူရှင်တွေ တော်ရုံမရောက်ကြဘူး။ ဒီလကုန်တော့ အိမ်ဆုံးရှုံးသွားတဲ့ မိသားစုတွေအတွက် ပြန်လည်ထူထောင်ရေးမှာ အိမ်အလုံး (၂၀) လောက် ဆောက်ပေးမှာဖြစ်လို့ အလှူရှင်တွေကိုလည်း ဖိတ်ခေါ်ချင်ပါတယ် ” ဟု Help To Others ပရဟိတအသင်းမှ တာဝန်ရှိသူတစ်ဦးက ပေါ်ပြူလာနယူးစ်သို့ ပြောသည်။
-
အစ္စရေးတပ်ဖွဲ့များက အနောက်ဘက်ကမ်းဒေသရှိ အယ်လ်ဂျာဇီးယားသတင်းဌာန၏ ရုံးခန်းကို ဝင်ရောက်စီးနင်း
-
ရေဘေးသင့်ခဲ့သည့် ရေတာရှည်နှင့် ဆွာမြို့နယ်မှ ပြည်သူများအတွက် ဗောဓိဆာယာတောရမိသားစု၊ ရောင်စဉ်မဲ့လူမှုကူညီရေးအသင်းနှင့် စေတနာရှင်များစုပေါင်းကာ ကျပ်သိန်း ၁၃၀၀ လှူဒါန်း
-
ရေဘေးကြောင့်ေ-သဆုံးခဲ့သူများအတွက် နိုင်ငံတော်၏ထောက်ပံ့ငွေများ သက်ဆိုင်ရာမိသားစုများထံရောက်ရှိရေးဆောင်ရွက်ရန် နေပြည်တော် ဥက္ကဋ္ဌမှာကြား
-
မြန်မာတွင် တရုတ်နှင့် အာဆီယံနိုင်ငံများ ရင်းနှီးမြှုပ်နှံမှုပြုလုပ်ရန် ဖိတ်ခေါ်
-
ရန်ကုန် – မန္တလေး ရထားလမ်းပိုင်းမှ ပြုပြင်ပြီးစီးသည့် အခြေအနေအရ ရန်ကုန်-သာစည်၊သာစည် – ရန်ကုန် ရထားခရီးစဉ်များ ပြေးဆွဲပေးလျက်ရှိ
