ပြီးခဲ့သည့်ရက်ပိုင်းအတွင်းကဖြစ်ပေါ်ခဲ့သည့် ရေကြီးရေလျှံမှုကြောင့် ကရင်ပြည်နယ်အတွင်းရှိ ရေဘေးသင့်ပြည်သူများအတွက် ကူညီကယ်ဆယ်ရေးနှင့်ပြည်လည်ထူထောင်ရေးတို့အတွက် စက်တင်ဘာ ၂၁ ရက်မွန်းလွဲ ၂ နာရီက အလှူငွေပေးအပ်ပွဲအခမ်းအနားအား ဘားအံမြို့၊ ဇွဲကပင်ခန်းမ၌ကျင်းပစဉ် အလှူငွေကျပ်သိန်း(၈)ထောင်ကျော်ရရှိခဲ့ကြောင်း သိရသည်။
အခမ်းအနားသို့ ကရင်ပြည်နယ် ဝန်ကြီးချုပ်ဦးစောမြင့်ဦးတက်ရောက်၍ စေတနာရှင်၊အလှူရှင်(၂၄၆)ဦး၏ အလှူငွေများကိုလက်ခံရယူကာ ဂုဏ်ပြုမှတ်တမ်းလွှာများပေးအပ်ပြီး ကျေးဇူးတင်စကားပြောကြားခဲ့ကြောင်း သိရသည်။
၎င်းက ကရင်ပြည်နယ်အတွင်း နှစ်ကြိမ်တိုင် စံချိန်တင်ရေကြီးရေလျှံမှုများနှင့်မြေပြိုမှုများ ဖြစ်ပေါ်ခဲ့မှုကြောင့် ထိခိုက်ပျက်စီးမှုများမှုရှိခဲ့သဖြင့် ပြန်လည်ထူထောင်ရေးအပိုင်းကိုလုပ်ကိုင်နိုင်ရန် ဝိုင်းဝန်းပူးပေါင်းကူညီပေးကြခြင်းမှာ အလွန်မွန်မြတ်လှသည်ဟုလည်း ကျေးဇူးတင်ဇကားပြောကြားစဉ် ထည့်သွင်းပြောကြားခဲ့သည်။
အလှူငွေပေးအပ်ပွဲတွင် ရေဘေးသင့်ပြည်သူများအတွက် ပြည်နယ်ဝန်ကြီးချုပ်မိသားစု၊ ပြည်နယ်အစိုးရအဖွဲ့ဝင်များနှင့် မိသားစုများ၊ ဌာနဆိုင်ရာအကြီးအကဲများနှင့် ဝန်ထမ်းမိသားစုများ၊ စီးပွားရေးလုပ်ငန်းရှင်များ၊ ကုမ္ပဏီများ၊ လူပုဂ္ဂိုလ်တစ်ဦးချင်း၊ အစုအဖွဲ့လိုက်တို့မှ လှူဒါန်းခဲ့သည်ဟု သိရသည်။
-
MLWC-9 ပွဲစဉ် အတွင်း ဒုခေါင်တွဲဆိုင်းအဖြစ် ယှဉ်ပြိုင်ထိုးသ-တ်ခဲ့ကြသည့် ရွှေရာမာန် နှင့် အောင်ခိုင် ပူးတွဲသရေ ရရှိ
-
ခြိမ့်ကေကို (banana)၏ “ရိုးသားကြိုးစား” သီချင်း လေလံတင် ရောင်းချရငွေအား ခိုင်နှင်းဝေဖောင်ဒေးရှင်းသို့ ပေးအပ်လှူဒါန်း
-
ရေဘေးသင့်ဒေသများတွင် ကူညီကယ်ဆယ်ရေးနှင့် ပြန်လည်ထူထောင်ရေးလုပ်ငန်းများ ဆောင်ရွက်ရန် စေတနာရှင်၊ အလှူရှင်များက ကျပ် ၃၂ ဘီလျံကျော် ပေးအပ်လှူဒါန်း
-
ဘေရွတ်သို့ပျံသန်းမည့် အီရန်လေကြောင်းလိုင်း လေယာဉ်များတွင် ပေဂျာနှင့် ဝေါ်ကီတော်ကီများ ယူဆောင်ခြင်းမပြုရ
-
မြန်မာ့ရေဘေး ခံစားရသူ ရှစ်သိန်းရှစ်သောင်းကျော်ရှိလာပြီး သေဆုံးသူ ၃၀၀ ကျော်ရှိကာ ထိခိုက်ဒဏ်ရာရရှိမှုများလည်းရှိဟု UNOCHA ထုတ်ပြန်
