မြန်မာ့ရေဘေး ခံစားရသူ ရှစ်သိန်းရှစ်သောင်းကျော်ရှိလာပြီး သေဆုံးသူ ၃၀၀ ကျော်ရှိကာ ထိခိုက်ဒဏ်ရာရရှိမှုများလည်းရှိဟု UNOCHA Myanmar ကထုတ်ပြန်သည်။
မြန်မာနိုင်ငံတွင် ရေကြီးရေလျှံမှုများဖြစ်ပွားအပြီး ဆယ်ရက်အကြာတွင် ကောက်ယူရရှိထားသည့် စာရင်းဖြစ်ပြီး ပဲခူး၊ ကယား၊ ကရင်၊ မကွေး၊ မန္တလေး၊ မွန်၊ နေပြည်တော်၊ ရခိုင်၊ စစ်ကိုင်း၊ ရှမ်း အရှေ့ပိုင်းနှင့် တောင်ပိုင်း တိုင်းဒေသကြီး/ ပြည်နယ်များ ရှိ ၆၅ မြို့နယ်တွင် နေရပ်စွန့်ခွာသူများအပါအဝင် ခန့်မှန်းခြေ လူဦးရေ ၈၈၇၀၀၀ ခန့် ရေဘေးသင့်ခဲ့ကြောင်း UNOCHA Myanmar က ထုတ်ပြန်သည်။
သေဆုံးသူမှာ စက်တင်ဘာ ၂၀ ရက်အထိ ဦးရေ ၃၀၀ ကျော်ရှိပြီး၊ ထိခိုက်ဒဏ်ရာရဦးရေ ၁၀၀ ကျော် ရှိကြောင်း၊ ထိခိုက်မှုအကြီးမားဆုံးနေရာများတွင် နေအိမ်များ၊ အိမ်သုံးပစ္စည်းများ၊ ရေအရင်းမြစ်များနှင့် လျှပ်စစ်ဓာတ်အားလိုင်းများ ပျက်စီးမှုများပြားခဲ့သည်ဟု သိရသည်။
ထို့ပြင် လမ်းများ၊ တံတားများ၊ ဆက်သွယ်ရေး ကွန်ရက်များ၊ ကျောင်းများ၊ ပြည်သူ့ဝန်ဆောင်မှုအဆောက်အဦများ၊ ဘာသာရေး အဆောက်အဦများအပြင် ကောက်ပဲသီးနှံနှင့် လယ်မြေများလည်း ထိခိုက်မှုများပြားပြီး၊ အလုံးစုံပျက်စီးခြင်းများလည်း ရှိခဲ့သည်ဟု UNOCHA Myanmar က ဖော်ပြထားသည်။
ရန်ပုံငွေအနေဖြင့် ၂၀၂၄ ခုနှစ် လူသားချင်းစာနာမှုဆိုင်ရာ လိုအပ်ချက်များနှင့် တုံ့ပြန်ရေး စီမံကိန်း လိုအပ်ချက်၏၂ ၇ ရာခိုင်းနှုန်းမျှသာ ရရှိထားသည့် ရန်ပုံငွေ မလုံလောက်မှုရှိရာမှ OCHA နှင့်အတူလူသားချင်းစာနာမှုဆိုင်ရာ ယာယီညှိနှိုင်းရေးမှူးတို့သည် လက်ရှိဆောင်ရွက်နေသည့် ရေဘေးတုံ့ပြန်ရေး လုပ်ငန်းများကို လျင်မြန်စွာ တိုးမြှင့်လုပ်ဆောင်နိုင်ရန်အတွက် ထပ်တိုးရန်ပုံငွေများရရှိရေးအတွက် အားစိုက် ကြိုးပမ်းလျက်ရှိကြောင်း၊ အရေးပေါ် ကယ်ဆယ်ရေးလုပ်ငန်းများ အလျင်အမြန် စတင်နိုင်ရန်အတွက် အရေးပေါ်တုံ့ပြန်ရေး ဗဟိုရန်ပုံငွေ (CERF) မှ အမေရိကန်ဒေါ်လာ ၄ သန်း ခွဲဝေချထားပေးရန် ခွင့်ပြုပေးထားကြောင်း သိရသည်။
လတ်တလောတွင် ရေးဘေးသင့် မြို့နယ်များရှိရာ ရေဘေးဒဏ်ခံရသည့်ပြည်သူများကို အရေးပါသည့် အထောက်အပံ့များ ပေးအပ်နိုင်ရေးအတွက် ကနဦး တုံ့ပြန်ရေး လုပ်ငန်းများ ဆက်လက်ဆောင်ရွက်လျက်ရှိပြီး ယင်းဒေသခများတွင် သောက်ရေ၊ စားနပ်ရိက္ခာ၊ အခြေခံ ဆေးဝါး၊ အိမ်သုံး ပစ္စည်းများ၊ အဝတ်အထည်၊ အမိုးအကာ နှင့် အရေးပေါ် ကြိုတင်ပြင်ဆင်ရေးအတွက် အသက်ကယ် ပစ္စည်းများ အရေးတကြီး လိုအပ်လျက်ရှိကြောင်း၊ ရေဘေးသင့် ဒေသများရှိ ရေဘေးဒဏ်ခံရသူများ၏ လိုအပ်ချက်များကို ထိရောက်စွာ တုံ့ပြန်ဆောင်ရွက်ပေးနိုင်ရန်အတွက် လူသားချင်းစာနာမှုဆိုင်ရာ အဖွဲ့အစည်းများတွင် ရန်ပုံငွေနှင့် ရေဘေးသင့်ရာ ဒေသများသို့ အကန့်အသတ်မရှိဘဲ သွားလာခွင့်များ ရရှိရန် အရေးကြီးကြောင်း UNOCHA Myanmar ကထုတ်ပြန်သည်။
-
ဂျပန်ဝန်ကြီးချုပ် ဖုမိယိုကိရှိဒ ပုံဖော်ခဲ့သော ဂျပန်-တောင်ကိုရီးယား ခေတ်သစ်ဆက်ဆံရေး
-
MLWC-9 ပွဲစဉ် အတွင်း ဒုခေါင်တွဲဆိုင်းအဖြစ် ယှဉ်ပြိုင်ထိုးသ-တ်ခဲ့ကြသည့် ရွှေရာမာန် နှင့် အောင်ခိုင် ပူးတွဲသရေ ရရှိ
-
ခြိမ့်ကေကို (banana)၏ “ရိုးသားကြိုးစား” သီချင်း လေလံတင် ရောင်းချရငွေအား ခိုင်နှင်းဝေဖောင်ဒေးရှင်းသို့ ပေးအပ်လှူဒါန်း
-
ရေဘေးသင့်ဒေသများတွင် ကူညီကယ်ဆယ်ရေးနှင့် ပြန်လည်ထူထောင်ရေးလုပ်ငန်းများ ဆောင်ရွက်ရန် စေတနာရှင်၊ အလှူရှင်များက ကျပ် ၃၂ ဘီလျံကျော် ပေးအပ်လှူဒါန်း
-
ဘေရွတ်သို့ပျံသန်းမည့် အီရန်လေကြောင်းလိုင်း လေယာဉ်များတွင် ပေဂျာနှင့် ဝေါ်ကီတော်ကီများ ယူဆောင်ခြင်းမပြုရ
