ယနေ့ စက်တင်ဘာ (၂၂)ရက် မွန်းလွဲပိုင်းအချိန်တွင် ကျင်းပသည့် မြန်မာရိုးရာလက်ဝှေ့ ကမ္ဘာ့ချန်ပီယံပြိုင်ပွဲ ပွဲစဉ် (၉) တွင် ရွှေရာမာန် နှင့် အောင်ခိုင် တို့ ယှဉ်ပြိုင်ထိုးသ-တ်ခဲ့ရာ ပူးတွဲသရေ ရရှိခဲ့သည်။
၎င်းတို့နှစ်ဦး သည် ပွဲစဉ်၏ ဒုတိယ ခေါင်တွဲဆိုင်းတွင် (၈၀) ဝိတ်တန်း၌ (၅)ချီ ယှဉ်ပြိုင်ထိုးသ-တ်ခဲ့ကြခြင်းဖြစ်သည်။
ရိုးရာလက်ဝှေ့ ကျော် ရာမာန်သည် ပြီးခဲ့သည့် နှစ်အတွင်းက ကမ္ဘောဒီးယား ထိပ်တန်း လက်ဝှေ့ကျော် ပရွတ်ဆန်နန်အား ရှုံနိမ့်သွားချိန်မှစ၍ ရိုးရာလက်ဝှေ့လောကမှ ခတ္တ ပျောက်ကွယ်ပြီးနောက် ယနေ့ ကျင်းပသည့် မြန်မာ့ရိုးရာလက်ဝှေ့ ကမ္ဘာ့ချန်ပီယံပြိုင်ပွဲတွင် ပွဲဦးထွက် ပြန်လည် ယှဉ်ပြိုင်လာခဲ့ခြင်းလည်းဖြစ်သည်။
ယနေ့ယှဉ်ပြိုင်သည့် ပွဲစဉ်အတွင်း တွဲဆိုင်း (၆)ဆိုင်း ပါဝင်လာခဲ့ပြီး၊ ပထမတွဲဆိုင်းတွင် အောင်ထက်ကျော် နှင့် အောင်ကိုလတ် တို့က ပူးတွဲသရေ၊ ဒုတိယတွဲဆိုင်းတွင်ဆလိုင်းထန်ကွီးရှိန် နှင့် မောင်ဇော် တို့က ပူးတွဲသရေ၊ တတိယတွဲဆိုင်းတွင် စောဘဟိန်း နှင့် မြလုံးချော ပူးတွဲသရေ၊ စတုတ္ထတွဲဆိုင်းတွင် စူပါရေချမ်း နှင့် စိန်လုံးချော တို့က လည်း အသီး သီးပူးတွဲသရေများရှိခဲ့သည်။
အဆိုပါ ပွဲစဉ်အား မြန်မာနိုင်ငံရိုးရာလက်ဝှေ့အဖွဲ့ချုပ်၏ စည်းမျည်းစည်းကမ်းအသစ် ပြဌန်းချက်မူအတိုင်း အလဲထိုး အနားတောင်းစနစ်များဖြင့် ရန်ကုန်မြို့ သိမ်ဖြူအားကစားခန်းမ၌ ယှဉ်ပြိုင်ကစားသွားကြခြင်းလည်းဖြစ်သည်။
-
ဆက်သွယ်ရေးကိရိယာများ ပေါက်ကွဲမှုဖြစ်ပွားသည့်အတွက် လက်စားချေမည်ဟု ဟစ်ဇဘိုလာခေါင်းဆောင်က ပြောကြားခဲ့ပြီးနောက် အစ္စရေးက လက်ဘနွန်ရှိ ပစ်မှတ်များကို လေကြောင်းတိုက်ခိုက်မှုများ လုပ်ဆောင်
-
ဂျပန်တွင် ရေကြီးမှု၊ မြေပြိုမှုများကြောင့် လူပေါင်းသောင်းချီ ဘေးလွတ်ရာရွှေ့ပြောင်းရန် အာဏာပိုင်များက တိုက်တွန်း
-
အစ္စရေးက ဘေရွတ်မြို့ရှိ မြေအောက်ခန်းကို တိုက်ခိုက်ခဲ့ခြင်းကြောင့် ဟစ်ဇဘိုလာ တပ်မှူးကြီးအချို့ သေဆုံး
-
အစွန်းရောက်ရာသီဥတုဒဏ် ခံနေရတဲ့ “ပုဂံ”
-
ဂျပန်ဝန်ကြီးချုပ် ဖုမိယိုကိရှိဒ ပုံဖော်ခဲ့သော ဂျပန်-တောင်ကိုရီးယား ခေတ်သစ်ဆက်ဆံရေး