အမေရိကန်သံတမန်တစ်ဦး တောင်ကိုရီးယားသို့ လာရောက်စဉ် မြောက်ကိုရီးယားက ဒုံးလက်နက်တစ်ခုအား ပစ်လွှတ်ခဲ့ကြောင်း၊ မေ ၉ ရက်တွင် လုပ်ဆောင်ခဲ့သည့် အဆိုပါဒုံးပစ်လွှတ်မှုသည် သီတင်းပတ်တစ်ပတ်အတွင်း ဒုတိယအကြိမ်မြောက် လုပ်ဆောင်ခြင်းဖြစ်ကြောင်း တောင်ကိုရီးယား စစ်တပ်က ပြောကြားခဲ့သည်။
မေ ၄ ရက်တွင် မြောက်ကိုရီးယားသည် စစ်ရေးလေ့ကျင့်မှုတစ်ခုပြုလုပ်ခဲ့ပြီးတာတို ပစ်ဒုံးကျည်တစ်ခုထက်မနည်းပါဝင်သည်ဟု ခန့်မှန်းရသော ဒုံးလက်နက်အမြောက်အမြားကို ပစ်လွှတ်ခဲ့ပြီးနောက် ယခုတစ်ကြိမ် ဒုံးပစ်လွှတ်မှု ပြုလုပ်ခဲ့ခြင်းဖြစ်သည်။ မြောက်ကိုရီးယားအရေးဆိုင်ရာ အမေရိကန်အထူးကိုယ်စားလှယ် စတီဖင်ဘိုင်ဂန်က မဟာမိတ်များက ပြုံယမ်းသို့ဦးတည်ချဉ်းကပ်မည့် အ ရေးနှင့်ပတ်သက်၍ တောင်ကိုရီးယားတာဝန်ရှိသူများနှင့် ဆွေးနွေးရန် မေ ၉ ရက်နှောင်းပိုင်းတွင် ဆိုးလ်သို့ ရောက်ရှိလာခဲ့ပြီးနောက် နာရီပိုင်းအကြာတွင် မြောက်ကိုရီးယား၏ ဒုံးပစ်လွှတ်မှု ထွက်ပေါ်လာခြင်းဖြစ်သည်။
အမေရိကန်သမ္မတ ဒေါ်နယ်ထရန့်နှင့် မြောက်ကိုရီးယားခေါင်းဆောင် ကင်ဂျုံအွန်တို့၏ သဘောတူညီမှုမရရှိခဲ့သော ဟနွိုင်းထိပ်သီးဆွေးနွေးပွဲကျင်းပခဲ့ပြီးနောက်ပိုင်း သံတမန်ဘိုင်ဂန်သည် ဆိုးလ်သို့ ပထမဆုံးအကြိမ် လာရောက်ခြင်းဖြစ်သည်။ မေ ၉ ရက်တွင် ဘိုင်ဂန်သည် တောင်ကိုရီးယားသံတမန် လီဒုံဟွန်းနှင့် တွေ့ဆုံခဲ့ပြီး မေ ၁၀ ရက်တွင် တောင်ကိုရီးယားနိုင်ငံခြားရေးဝန်ကြီး နှင့် ပေါင်းစည်းရေးဝန်ကြီးတို့နှင့် တွေ့ဆုံဆွေးနွေးမည်ဖြစ်သည်။
မြောက်ကိုရီးယားပစ်လွှတ်လိုက်သည့် ဒုံးလက်နက်မှာ တစ်ခုတည်းပစ်လွှတ်ခြင်း သို့မဟုတ် ဒုံးလက်နက်အမြောက်အမြားစု ပြုံပစ်လွှတ်ခြင်းလားဆိုသည်ကို စစ်ဆေးနေမှု လုပ်ဆောင်နေဆဲဖြစ်ကြောင်း၊ အဆိုပါဒုံး လက်နက်အား အရှေ့ဘက်လားရာအတိုင်း ပစ်လွှတ်ခဲ့ခြင်းဖြစ်ပြီး မြောက်ကိုရီးယား နော့သ်ပြုံဂန်ပြည်နယ်ရှိ စီနိုရီမြို့မှ ပစ်လွှတ်ခဲ့ဖွယ်ရှိကြောင်း ပူးတွဲစစ်ဦးစီးချုပ်များအဖွဲ့မှ ပြောခွင့်ရပုဂ္ဂိုလ် ကင်ဂျွန်ရာက အေအက်ဖ်ပီသို့ ပြောကြားခဲ့သည်။
ပြုံယမ်းအနောက်မြောက်ဘက် ၇၅ ကီလိုမီတာ (၄၅ မိုင်) အကွာရှိ ဆယ်စုနှစ်များစွာသက်တမ်းရှိသော စီနိုရီ ဒုံးကျည်အခြေစိုက်စခန်းသည် မြောက်ကိုရီးယား၏ သက်တမ်းအရှည်ကြာဆုံး ဒုံးကျည်အခြေစိုက် စခန်းများထဲမှ တစ်ခုဖြစ်ပြီး Nodong - 1 တာလတ်ပစ်ဒုံးကျည်များ ထောက်ပ့ံထားသော တပ်ရင်းကြီးအရွယ်အစားရှိသည့် တပ်ဖွဲ့တစ်ဖွဲ့ကို ထားရှိထားကြောင်း မဟာဗျူဟာမြောက် အပြည်ပြည်ဆိုင်ရာလေ့လာရေး ဗဟိုဌာနက ဆိုသည်။
အဆိုပါအခြေစိုက်စခန်းမှ အရှေ့ဘက်သို့ ဦးတည်ပစ်လွှတ်သည့် မည့်သည့်ဒုံးလက်နက်မဆို ပင်လယ်ထဲသို့ မကျရောက်မီ ကိုးရီးယားကျွန်းဆွယ်သို့ ဖြတ်သန်းသွားရမြဲ ဖြစ်သည်။ မေ ၄ ရက်ကလုပ်ဆောင်သော ဒုံးစမ်းသပ်ပစ်လွှတ်မှုတွင် ပြုံယမ်း၏ တာဝေးပစ် ဒုံးလက်နက်များစွာနှင့် တာတိုပစ်ပဲ့ထိန်းဒုံးကျည်များပါဝင်ကြောင်း မြောက်ကိုရီးယားက ပြောကြားခဲ့သည်။ ကျွမ်းကျင်ပညာရှင်များကမူ စမ်းသပ်မှုအတွင်း တာတိုပစ်ဒုံးကျည်တစ်ခုထက်မနည်းကို မြောက်ကိုရီးယားက ပစ်လွှတ်ခဲ့ကြောင်းနှင့် 38 North ဝက်ဘ်ဆိုက်ပေါ်တွင်ထုတ်ပြန်ထားသော သတင်းနှင့်စပ်လျဉ်း၍ အဆိုပါဒုံးလက်နက်သည် ရုရှားနိုင်ငံထုတ် Iskander ဒုံးကျည်ကို တိုက်ရိုက်တင်သွင်းထားခြင်းဖြစ်သည်ဟု ယူဆရကြောင်း ပြောကြားထားသည်။ Ref; AFP
-
စနေတစ်ရက်တွင် ခွဲစိတ်ဆရာဝန် လုပ်သည့် ဘူတန်ဝန်ကြီးချုပ်
-
ဒဂုံမြို့သစ်(တောင်ပိုင်း)မြို့နယ် ၁၀၇ ရပ်ကွက် အုပ်ချုပ်ရေးမှူးရုံး ဝင်ရောက်ပစ်ခတ်ခံရပြီး အုပ်ချုပ်ရေးမှူးနှင့် ရာအိမ်မှူးတစ်ဦး သေဆုံးကာ တစ်ဦးဒဏ်ရာရရှိ
-
အမေရိကန်သံတမန် တောင်ကိုရီးယားသို့ လာရောက်စဉ်အတွင်း မြောက်ကိုရီးယားက ဒုံးပစ်လွှတ်မှုထပ်မံပြုလုပ်
-
အိန္ဒိယဝန်ကြီးချုပ် မိုဒီက နယူးဒေလီတွင် ရွေးကောက်ပွဲ မတိုင်မီ ဧရာမ လူထုစုဝေးပွဲ ပြုလုပ်
-
အိန္ဒိယနှင့်ပြင်သစ်တို့က အကြီးမားဆုံး ရေတပ် ပူးတွဲ စစ်ရေး လေ့ကျင့်မှုကို ပြုလုပ်
