မန်စီးတီးအသင်းကွင်းလယ်လူ ဒေးဗစ်ဆေးလ်ဗားသည် စက်တင်ဘာ (၂၈)ရက်ကကစားခဲ့သည့် အဲဗာတန်အသင်းအား (၃-၁)ဂိုးဖြင့် အနိုင်ရသည့်ပွဲတွင် လူစားဝင်ကစားခဲ့ပြီးနောက် ပရီးမီးယားလိဂ်၌ နိုင်ပွဲ (၂၀၀)အမြန်ဆုံးပြည့်သည့် ကစားသ မားအဖြစ် မှတ်တမ်းဝင်ခဲ့ကြောင်း သိရသည်။
အသက် (၃၃)နှစ်ရှိ စပိန်ကွင်းလယ်လူ ဒေးဗစ်ဆေးလ်ဗားသည် အဆိုပါပွဲစဉ်တွင် ပွဲချိန် (၈၆)မိနစ်၌ စတာလင်အစား လူစားဝင်ကာ သူ၏ (၂၈၉)ပွဲမြောက်အဖြစ် ကစားခဲ့ခြင်းဖြစ်သည်။
သို့ဖြစ်ရာ ဆေးလ်ဗားသည် ပရီးမီးယားလိဂ်တွင် နိုင်ပွဲ (၂၀၀)ကို (၃၀၅)ပွဲဖြင့် အမြန်ဆုံးရယူထားသည့် ချယ်လ်ဆီးအသင်းနောက်ခံလူဟောင်း တယ်ရီကိုကျော်ဖြတ်ကာ အမြန်ဆုံး နိုင်ပွဲ (၂၀၀)ပြည့်သူဖြစ်လာခဲ့သည်။
မန်စီးတီးအသင်းခေါင်းဆောင် ဒေးဗစ်ဆေးလ်ဗားသည် ယခုရာသီကို သူ၏နောက်ဆုံးရာသီအဖြစ် ပါဝင်ကစား နေခြင်းဖြစ်ပြီး ပရီးမီးယားလိဂ်ပြိုင်ပွဲ၌ (၁)ဂိုးသွင်းယူကာ ဂိုးဖန်တီးမှု (၄)ကြိမ် ပြုလုပ်ထားသည်။
ထို့ပြင် ဆေးလ်ဗားသည် ၂၀၁ဝခုနှစ် နွေရာသီက ဗလင်စီယာအသင်းမှ ရောက်ရှိလာခဲ့ ပြီးနောက် မန်စီးတီးအတွက် (၉)ရာ သီအတွင်း ပြိုင်ပွဲစုံ (၃၉၅)ပွဲကစား ကာ ဂိုး(၇၀)သွင်းယူပေးထားသည်။
ဆေးလ်ဗားသည် မန်စီးတီးနှင့်အတူ ကစားခဲ့သည့်ကာလအတွင်း ပရီးမီးယားလိဂ်ချန်ပီယံဆု (၄) ကြိမ်၊ FA ဖလား (၂)ကြိမ်နှင့် လိဂ်ဖလား(၄)ကြိမ် ရယူနိုင်ခဲ့သည်။
ပရီးမီးယားလိဂ်တွင် နိုင်ပွဲ (၂၀၀)အမြန်ဆုံးပြည့်သည့်ကစားသမားများ
အမည် အသင်း ကစားသည့်ပွဲ
ဒေးဗစ်ဆေးလ်ဗား မန်စီးတီး ၂၈၉
တယ်ရီ ချယ်လ်ဆီး ၃၀၅
ပီတာချက် ချယ်လ်ဆီး ၃၁၀
ရိုင်ယန်ဂစ် မန်ယူ ၃၁၅
အက်ရှ်လေကိုးလ် အာဆင်နယ်- ချယ်လ်ဆီး ၃၁၈
ပေါလ်စခိုးလ် မန်ယူ ၃၂၃
-
စနေတစ်ရက်တွင် ခွဲစိတ်ဆရာဝန် လုပ်သည့် ဘူတန်ဝန်ကြီးချုပ်
-
ဒဂုံမြို့သစ်(တောင်ပိုင်း)မြို့နယ် ၁၀၇ ရပ်ကွက် အုပ်ချုပ်ရေးမှူးရုံး ဝင်ရောက်ပစ်ခတ်ခံရပြီး အုပ်ချုပ်ရေးမှူးနှင့် ရာအိမ်မှူးတစ်ဦး သေဆုံးကာ တစ်ဦးဒဏ်ရာရရှိ
-
အမေရိကန်သံတမန် တောင်ကိုရီးယားသို့ လာရောက်စဉ်အတွင်း မြောက်ကိုရီးယားက ဒုံးပစ်လွှတ်မှုထပ်မံပြုလုပ်
-
အိန္ဒိယဝန်ကြီးချုပ် မိုဒီက နယူးဒေလီတွင် ရွေးကောက်ပွဲ မတိုင်မီ ဧရာမ လူထုစုဝေးပွဲ ပြုလုပ်
-
အိန္ဒိယနှင့်ပြင်သစ်တို့က အကြီးမားဆုံး ရေတပ် ပူးတွဲ စစ်ရေး လေ့ကျင့်မှုကို ပြုလုပ်