လီဗာပူးလ်အသင်းနောက်ခံလူ ဗန်ဒိုက် က ယခုရာသီ ပရီးမီးယားလိဂ်ပြိုင်ပွဲတွင် ရာနှုန်းပြည့်နိုင်ပွဲရထားသော်လည်း ချန်ပီယံဆုအကြောင်းပြောရန် စောလွန်းသေးကြောင်း တုံ့ပြန်ပြောကြားသည်။
လီဗာပူးလ်အသင်းသည် ယခုရာသီအစ ခုနစ်ပွဲစလုံး ရာနှုန်းပြည့်အနိုင်ရထားသလို အသင်းသမိုင်းတစ်လျှောက် အမှတ်ပေးပွဲ ၁၆ ပွဲဆက်တိုက်အနိုင်ရသည့် စံချိန်သစ်လည်း ရရှိထားသည်။
လီဗာပူးလ်အသင်းအနေဖြင့် နှစ်ကြိမ်ဆက်ချန်ပီယံ မန်စီးတီးအသင်းကို ငါးမှတ်ဖြတ်၍ ဆက်လက်ဦးဆောင်ထားနိုင်သော်လည်း ဗန်ဒိုက်က ''အရမ်းစောပါသေးတယ်။ အခုမှ အောက်တိုဘာထဲ ရောက်လုဆဲဆဲပဲရှိသေးပြီး ပွဲကျပ်ကာလတွေလာတော့ မှာပါ။ ပွဲတွေအများကြီး ကျန်ပါသေးတယ်။ ကျွန်တော်တို့ကတော့ နောက်လာမယ့်ပွဲကိုပဲ အာရုံစိုက်ထားပါတယ်။ ပြီးခဲ့တဲ့ရာသီမှာ အချိုးအကွေ့က ဘယ်လောက်မြန်လဲဆိုတာ အားလုံးကောင်းကောင်းသိထားပြီးသားပါ''ဟု ပြောကြားသည်။
၂၀၁၈-၁၉ ရာသီတွင် ချန်ပီယံဖြစ်သွားသည့် မန်စီးတီးအသင်း၏နောက် တစ်မှတ်အကွာဖြင့် လီဗာပူးလ်အသင်း (၉၇ မှတ်)က ဒုတိယရရှိခဲ့ပြီး အများဆုံးရရှိနိုင်သည့်အမှတ်ထက် (၁၇)မှတ်သာ လျော့နည်းခဲ့သည်။
ဒုတိယဆုရှင် လီဗာပူးလ်အသင်း၏အမှတ်ပေါင်းမှာ ၂၀၁၇-၁၈ ရာသီချန်ပီယံ မန်စီးတီး(၁၀၀ မှတ်)မှအပ ကျန်ပရီးမီးယားလိဂ်ချန်ပီယံအသင်းအားလုံး၏ရမှတ်ထက် သာလွန်ခဲ့ကြောင်း သိရသည်။
-
စနေတစ်ရက်တွင် ခွဲစိတ်ဆရာဝန် လုပ်သည့် ဘူတန်ဝန်ကြီးချုပ်
-
ဒဂုံမြို့သစ်(တောင်ပိုင်း)မြို့နယ် ၁၀၇ ရပ်ကွက် အုပ်ချုပ်ရေးမှူးရုံး ဝင်ရောက်ပစ်ခတ်ခံရပြီး အုပ်ချုပ်ရေးမှူးနှင့် ရာအိမ်မှူးတစ်ဦး သေဆုံးကာ တစ်ဦးဒဏ်ရာရရှိ
-
အမေရိကန်သံတမန် တောင်ကိုရီးယားသို့ လာရောက်စဉ်အတွင်း မြောက်ကိုရီးယားက ဒုံးပစ်လွှတ်မှုထပ်မံပြုလုပ်
-
အိန္ဒိယဝန်ကြီးချုပ် မိုဒီက နယူးဒေလီတွင် ရွေးကောက်ပွဲ မတိုင်မီ ဧရာမ လူထုစုဝေးပွဲ ပြုလုပ်
-
အိန္ဒိယနှင့်ပြင်သစ်တို့က အကြီးမားဆုံး ရေတပ် ပူးတွဲ စစ်ရေး လေ့ကျင့်မှုကို ပြုလုပ်