လီဗာပူးလ်အသင်းသည် လာမည့်နွေရာသီတွင် အသင်း၏ကွင်းလယ်လူတစ်ဦးဖြစ်သူ ရှာကီရီအား ရောင်းချရန်စီစဉ်နေပြီး ၎င်းင်းကိုရောင်းချခြင်းမှ ပြောင်းရွှေ့ကြေး ပေါင်(၂၈)သန်းရရှိရန် မျှော်မှန်းထားကြောင်း သိရှိရသည်။
ရှာကီရီသည် ယခုရာသီ လီဗာပူးလ်အသင်းတွင် ပုံမှန်နေရာရရန် ရုန်းကန်နေရသူဖြစ်ပြီး ပရီးမီးယားလိဂ် ပွဲဦးထွက် (၂)ပွဲသာ ကစားခွင့်ရရှိထားသူဖြစ်သည်။
ပြီးခဲ့သည့်ဇန်နဝါရီအပြောင်းအရွှေ့ကာလအတွင်း ရှာကီရီအား အငှားခေါ်ယူရန် အသင်းအချို့က ကမ်းလှမ်းခဲ့သော်လည်း လီဗာပူးလ်အသင်းက ငြင်းဆန်ပယ်ချခဲ့သည်။
လီဗာပူးလ်အသင်းတာဝန်ရှိသူများသည် ရှာကီရီကို အငှားချရန်ထက် အပြီးသတ်ရောင်းချရန်သာ ပိုမိုဆန္ဒရှိနေကြောင်း သိရှိရသည်။
၎င်းအား ခေါ်ယူရန် စပိန်ကလပ် ဆီဗီလာအသင်း၊ စီးရီးအေကလပ် ရိုးမားအသင်းနှင့် ရုရှားကလပ် CSKAမော်စကိုအသင်းတို့က စိတ်ဝင်စားနေကြောင်း သိရှိရသည်။
ရှာကီရီသည် ၂၀၁၈ နွေရာသီတွင် စတုတ်စီးတီးအသင်းမှ လီဗာပူးလ်အသင်းသို့ ပြောင်းရွှေ့ ကြေး ပေါင်(၁၃.၅)သန်းဖြင့် ရောက်ရှိလာသူဖြစ် သည်။
-
စနေတစ်ရက်တွင် ခွဲစိတ်ဆရာဝန် လုပ်သည့် ဘူတန်ဝန်ကြီးချုပ်
-
ဒဂုံမြို့သစ်(တောင်ပိုင်း)မြို့နယ် ၁၀၇ ရပ်ကွက် အုပ်ချုပ်ရေးမှူးရုံး ဝင်ရောက်ပစ်ခတ်ခံရပြီး အုပ်ချုပ်ရေးမှူးနှင့် ရာအိမ်မှူးတစ်ဦး သေဆုံးကာ တစ်ဦးဒဏ်ရာရရှိ
-
အမေရိကန်သံတမန် တောင်ကိုရီးယားသို့ လာရောက်စဉ်အတွင်း မြောက်ကိုရီးယားက ဒုံးပစ်လွှတ်မှုထပ်မံပြုလုပ်
-
အိန္ဒိယဝန်ကြီးချုပ် မိုဒီက နယူးဒေလီတွင် ရွေးကောက်ပွဲ မတိုင်မီ ဧရာမ လူထုစုဝေးပွဲ ပြုလုပ်
-
အိန္ဒိယနှင့်ပြင်သစ်တို့က အကြီးမားဆုံး ရေတပ် ပူးတွဲ စစ်ရေး လေ့ကျင့်မှုကို ပြုလုပ်
