ချယ်လ်ဆီးအသင်းနှင့် စပါးအသင်းတို့သည် ဘန်လေအသင်း၏ အင်္ဂလန်ဂိုးသမား နစ်ပုပ် (၂၇ နှစ်) အား ခေါ်ယူရန် အပြိုင်ကမ်း လှမ်းသွားမည်ဖြစ်ကြောင်း ဗြိတိန်သတင်းစာများက ဖော်ပြခဲ့ကြသည်။
ချယ်လ်ဆီးအသင်းသည် ယခုရာသီတွင် အမှားအယွင်းများခဲ့သည့် စပိန်ဂိုးသမား ကယ်ပါ၏နေရာတွင် အစားထိုး ရန် နစ်ပုပ်ကို ပစ်မှတ်ထားနေခြင်းဖြစ်သလို၊ စပါးအသင်းကလည်း အသက်အရွယ်ကြီးရင့်လာသည့် ပြင်သစ်ဂိုးသမား ဟူဂိုလိုရစ်၏နေ ရာတွင် ၎င်းနှင့်အစားထိုးရန် ရည်ရွယ်ခြင်းဖြစ်ကြောင်း သိရှိရသည်။
နစ်ပုပ်သည် ပြီးခဲ့သည့် (၄)ရာသီအတွင်း ဘန်လေအသင်းတွင် လက်စွမ်းပြကစားနိုင်ခဲ့သဖြင့် ပရီးမီးယားလိဂ်အသင်းကြီးများ၏ ပစ်မှတ်ထားခြင်းကို ခံနေရသူ ဖြစ်သည်။
၎င်းသည် ဘန်လေအသင်းအတွက် ပြိုင်ပွဲစုံ(၇၄)ပွဲ ကစားပေးထားပြီး အင်္ဂလန်လက်ရွေးစင်အသင်းအတွက် (၂)ပွဲကစားခွင့် ရရှိထားသည်။
ကစားသမားဘဝကို ဘူရီ၊ ချာလ်တန်အသင်းများတွင် ဖြတ်သန်းခဲ့ပြီး အငှားကစားခဲ့သည့်အသင်းမှာလည်း (၅)သင်းအထိရှိခဲ့သည်။
ယခုရာသီတွင်မူ နစ်ပုပ်မှာ ဘန်လေအသင်းအတွက် (၂၉)ပွဲကစားကာ ဂိုး(၄၀)ပေးထားရသည်။
ဘန်လေအသင်းနှင့်ချုပ်ဆိုထားသည့် နစ်ပုပ်၏စာချုပ်သက်တမ်းမှာ ၂၀၂၃ ခုနှစ်အကုန်ထိဖြစ်ကြောင်း သိရသည်။
-
စနေတစ်ရက်တွင် ခွဲစိတ်ဆရာဝန် လုပ်သည့် ဘူတန်ဝန်ကြီးချုပ်
-
ဒဂုံမြို့သစ်(တောင်ပိုင်း)မြို့နယ် ၁၀၇ ရပ်ကွက် အုပ်ချုပ်ရေးမှူးရုံး ဝင်ရောက်ပစ်ခတ်ခံရပြီး အုပ်ချုပ်ရေးမှူးနှင့် ရာအိမ်မှူးတစ်ဦး သေဆုံးကာ တစ်ဦးဒဏ်ရာရရှိ
-
အမေရိကန်သံတမန် တောင်ကိုရီးယားသို့ လာရောက်စဉ်အတွင်း မြောက်ကိုရီးယားက ဒုံးပစ်လွှတ်မှုထပ်မံပြုလုပ်
-
အိန္ဒိယဝန်ကြီးချုပ် မိုဒီက နယူးဒေလီတွင် ရွေးကောက်ပွဲ မတိုင်မီ ဧရာမ လူထုစုဝေးပွဲ ပြုလုပ်
-
အိန္ဒိယနှင့်ပြင်သစ်တို့က အကြီးမားဆုံး ရေတပ် ပူးတွဲ စစ်ရေး လေ့ကျင့်မှုကို ပြုလုပ်