ပရီးမီးယားလိဂ်နှင့် ဥရောပပြိုင်ပွဲများ ထုတ်လွှင့်ပြသနေသည့် ဗြိတိန်အခြေစိုက် BT Sport ရုပ်သံဌာနက ဘောလုံးသုံးသပ်ဝေဖန်သူများကို Live ပြသသည့် ပွဲအရေအတွက်ဖြင့်သာ လစာပေးချေသွားမည်ဟု ထုတ်ပြန်ခဲ့ကြောင်း သိရသည်။
ကိုရိုနာဗိုင်းရပ်စ် (COVID-19) ဖြစ်ပွားမှုကြောင့် ဘောလုံးပွဲများ ရပ်နားထားရသဖြင့် BT Sport ရုပ်သံက ဘောလုံးသုံးသပ် သူများအတွက် လစာပေးချေမှုကို လျှော့ချရန် စီစဉ်နေခြင်းဖြစ်သည်။
BT Sport ရုပ်သံတွင် နာမည်ကျော် ဘောလုံးသမားဟောင်းများ ဖြစ်သည့် ရီယိုဖာဒီနန်၊ မက်မန်နာမန်၊ ဖလက်ချာ၊ ဂျာမိန်းဂျီးနပ်စ်၊ ရော်ဘီဆာဗေ့ချ်၊ ခရစ္စဆပ်တန်၊ မာတင်ကီအွန်၊ ဂျိုးကိုးလ်၊ ဂလင်း ဟော်ဒယ်လ်၊ မိုက်ကယ်အိုဝင်၊ ဟားဂရေ့ဗ်စ်၊ ဟာရီရက်နပ်၊ ပေါလ်အင့်စ်တို့ ဘောလုံးသုံးသပ်သူအဖြစ် ဆောင်ရွက်လျက်ရှိပြီး လက်ရှိအခြေအနေအရ ၎င်းတို့အနေဖြင့် လစာ အပြည့်ရဖွယ်မရှိတော့ကြောင်း သိရသည်။
ပုံမှန်အားဖြင့် ဘောလုံးသုံးသပ်သူများ၏လစာကို ရာသီကုန်ဆုံးချိန်တွင် ပေးချေလေ့ရှိသော်လည်း ကိုရိုနာဗိုင်းရပ်စ်အကျပ်အတည်းကာလကြောင့် Live ထုတ်လွှင့်စဉ် ပါဝင်ဆောင်ရွက်ခဲ့သည့် ပွဲအရေအတွက်ဖြင့်သာ ပေးချေတော့မည်ဖြစ်သည်။
BT Sport အနေဖြင့် အခပေးစနစ်ဝယ်ယူထားသူများကို ငွေပြန်အမ်းမည်မဟုတ်သော်လည်း တစ်လစာဆိုင်းငံ့ပေးခြင်း (သို့မဟုတ်) လစဉ်ကြေးကို ဗြိတိန်အမျိုးသားကျန်းမာရေးဌာန (NHS) အတွက် လှူဒါန်းခြင်းပြုလုပ်နိုင်ရန် စီစဉ်ပေး ထားသည်။
BT Sport သည် တစ်ရာသီလျှင် ပရီးမီးယားလိဂ်ပွဲစဉ် ၅၂ ပွဲကို Exclusive Live ပြသခွင့် ဝယ်ယူထားသည်။
-
စနေတစ်ရက်တွင် ခွဲစိတ်ဆရာဝန် လုပ်သည့် ဘူတန်ဝန်ကြီးချုပ်
-
ဒဂုံမြို့သစ်(တောင်ပိုင်း)မြို့နယ် ၁၀၇ ရပ်ကွက် အုပ်ချုပ်ရေးမှူးရုံး ဝင်ရောက်ပစ်ခတ်ခံရပြီး အုပ်ချုပ်ရေးမှူးနှင့် ရာအိမ်မှူးတစ်ဦး သေဆုံးကာ တစ်ဦးဒဏ်ရာရရှိ
-
အမေရိကန်သံတမန် တောင်ကိုရီးယားသို့ လာရောက်စဉ်အတွင်း မြောက်ကိုရီးယားက ဒုံးပစ်လွှတ်မှုထပ်မံပြုလုပ်
-
အိန္ဒိယဝန်ကြီးချုပ် မိုဒီက နယူးဒေလီတွင် ရွေးကောက်ပွဲ မတိုင်မီ ဧရာမ လူထုစုဝေးပွဲ ပြုလုပ်
-
အိန္ဒိယနှင့်ပြင်သစ်တို့က အကြီးမားဆုံး ရေတပ် ပူးတွဲ စစ်ရေး လေ့ကျင့်မှုကို ပြုလုပ်
