ဟားမာ့စ်အဖွဲ့သည် မြောက်ကိုရီးယား၏ လက်နက်များကိုအသုံးပြုပြီး အစ္စရေးကို တိုက်ခိုက်နေသည်ဟု ဖော်ပြထားသည့် သတင်းများကို မြောက်ကိုရီးယားက အောက်တိုဘာ ၁၃ ရက်တွင် ငြင်းဆိုခဲ့သည်။
အချို့မီဒီယာများ၏ သတင်းဖော်ပြချက်များသည် အစ္စရေး-ဟားမာ့စ် စစ်ပွဲနှင့်ပတ်သက်ပြီး တတိယနိုင်ငံအပေါ် အပြစ်ပုံချရန် အမေရိကန်၏ အားထုတ်ကြိုးပမ်းမှုဖြစ်သည်ဟု မြောက်ကိုရီးယားက ပြောကြားခဲ့သည်။
ဟားမာ့စ်အဖွဲ့သည် မြောက်ကိုရီးယားလက်နက်များကို အသုံးပြုနေဖွယ်ရှိပြီး ထွက်ပေါ်လာသည့် ဗီဒီယို မှတ်တမ်းများတွင် ဟားမာ့စ်တို့သည် မြောက်ကိုရီးယားနိုင်ငံကထုတ်လုပ်ခဲ့သည်ဟု ယူဆရသော ဒုံးပစ်လောင်ချာတစ်ခုကို ပြသခဲ့သည်ဟု စစ်ရေးကျွမ်းကျင်သူများ၏ ပြောကြားချက်ကိုကိုးကားပြီး RFA သတင်းဌာနက ယခုသီတင်းပတ်အတွင်း ဖော်ပြခဲ့သည်။
ထို့ပြင် အမေရိကန်အစိုးရပိုင် VOA သတင်းဌာနကလည်း ဟားမာ့စ်တို့ အသုံးပြုနေသည့် လက်နက်များသည် မြောက်ကိုရီးယားက ပြုလုပ်ခဲ့သည့် လက်နက်များဖြစ်နိုင်သည်ဟု ထောက်လှမ်းရေး အရာရှိတစ်ဦး၏ ပြောကြားချက်ကို ကိုးကားဖော်ပြခဲ့သည်။
သို့သော် မြောက်ကိုရီးယားကမူ အဆိုပါသတင်းများကို ငြင်းဆိုခဲ့ပြီး အမေရိကန်အစိုးရ၏ လက်အောက်ခံမီဒီယာများသည် သတင်းအမှားများကို ဖြန့်နေကြောင်းနှင့် အမေရိကန်၏ ဗိုလ်ကျကြီးစိုးရေး မူဝါဒကြောင့် ဖြစ်ပွားလာခဲ့သည့် အရှေ့အလယ်ပိုင်းပဋိပက္ခကို အခြားနိုင်ငံအပေါ် အပြစ်ပုံချရန် ကြိုးပမ်းနေကြောင်း ပြောကြားခဲ့သည်။
Ref: Reuters
-
ပဲ့ထိန်းဒုံးကျည်တပ် အမေရိကန်စစ်သင်္ဘော USS Milius ထိုင်ဝမ်ရေလက်ကြားကို ဖြတ်သန်း
-
ငြိမ်းချမ်းရေး သဘောတူညီမှုရရှိခဲ့သည့် နှစ်ပတ်လည်နေ့ အထိမ်းအမှတ်အတွက် ကုလသမဂ္ဂ အတွင်းရေးမှူးချုပ် ကိုလံဘီယာသို့ သွားရောက်
-
တရုတ်၏ ဟိုက်ပါဆောနစ် ဒုံးကျည်စမ်းသပ်မှုအတွင်း ဒုတိယဒုံးကျည်တစ်စင်း ပစ်လွှတ်မှုကိုပါ တစ်ပါတည်း လုပ်ဆောင်ခဲ့သည်ဟု သတင်းများတွင် ဖော်ပြ
-
အစ္စရေးတွင် ကိုရိုနာဗိုင်းရပ်စ်ကူးစက်မှုများ မြင့်တက်နေစဉ် အသက်ငါးနှစ်မှ ၁၁ နှစ်အရွယ် ကလေးငယ်များကို ကိုဗစ်ကာကွယ်ဆေး စတင်ထိုးနှံပေးနေ
-
ကိုရိုနာဗိုင်းရပ်စ်ကူးစက်မှုများ ပြန်လည်မြင့်တက်နေသည့် ဂျာမနီနှင့် ဒိန်းမတ်သို့ မိမိနိုင်ငံသားများ သွားလာခြင်းမပြုကြရန် အမေရိကန်နိုင်ငံခြားရေးဝန်ကြီးဌာနက အကြံပြု
