အော်စကာဆုပေးပွဲတွင် အစီအစဉ်တင်ဆက်သူ ဟာသသရုပ်ဆောင် ခရစ္စရော့ခ်ကို စင်ပေါ်တွင် ပါးရိုက်ခဲ့သည့်ဖြစ်စဉ် ဖြစ်ပြီးနောက်ပိုင်း သရုပ်ဆောင်ဝီလ်စမစ်၏ ပထမဆုံးရုပ်ရှင်ဖြစ်သည့် Emancipation အမည်ရှိ သည်းထိတ်ရင်ဖိုဇာတ်ကားကို လာမည့်ဒီဇင်ဘာတွင် ရုံတင်ပြသတော့မည်ဖြစ်သည်။
ဖေဖော်ဝါရီတွင် ပြုလုပ်သည့် အော်စကာပွဲမတိုင်မီ ရိုက်ကူးထားခြင်းဖြစ်သည့် ၎င်းဇာတ်ကားသည် ကျွန်ဘဝမှ လွတ်မြောက်လာသူ၊ ကျောပေါ်မှ ကျာပွတ်ရာအမာရွတ်များကြောင့် Whipped Peter အဖြစ် ကျော်ကြားလာသူ အမျိုးသားတစ်ဦး၏ ဘဝဖြစ်ရပ်မှန်ကို ရိုက်ကူးထားခြင်းဖြစ်ကာ အောက်တိုဘာ ၃ ရက်တွင် ဇာတ်လမ်းအမြည်း ထွက်ရှိထားသည်။
ဆံပင်ကျွတ်ဝေဒနာခံစားနေရသည့် ဇနီးသည်၏ ဆံပင်ပုံစံကို ဟာသလုပ်နောက်ပြောင်ခံရမှုအပေါ် စိတ်မထိန်းနိုင်ဘဲ အော်စကာဆုပေးပွဲညကို အကျည်းတန်စေခဲ့သည့် ဝီလ်စမစ်သည် ၎င်း၏လက်လွန်မှုအတွက် ခရစ္စရော့ခ်ကို လူသိရှင်ကြား တောင်းပန်ခဲ့သော်လည်း အော်စကာဆုပေးပွဲတက်ရောက်ခွင့် ၁၀ နှစ် အပိတ်ခံလိုက်ရသည်။ သို့သော်၎င်းသည် အော်စကာဆုလျာထားခံရခွင့်နှင့် ဆုရခွင့်တို့ ဆက်လက်ရနေမည်ဖြစ်သည်။ ဝီလ်စမစ်သည် ယခုနှစ်အော်စကာပွဲတွင် King Richard ဇာတ်ကားဖြင့် အကောင်းဆုံး ဇာတ်ဆောင်မင်းသားဆု ရထားသည်။
Emancipation ဇာတ်ကားကြီးကို ဒီဇင်ဘာ ၂ ရက်တွင် စတင်ရုံတင်မည်ဖြစ်ပြီး ရုံတင်ပြီးတစ်ပတ်အကြာ ဒီဇင်ဘာ ၉ ရက်တွင် Apple TV+ က ထုတ်လွှင့်ပြသမည်။
-
ကိုရိုနာဗိုင်းရပ်စ်ကြောင့် ကမ္ဘာ့စီးပွားရေး ဒေါ်လာ ၄ ထရီလျံအထိ ဆုံးရှုံးနိုင်ကြောင်း အာရှဖွံ့ဖြိုးရေးဘဏ်သတိပေး
-
နိုင်ငံသားများအား စိတ်ဓာတ်ပိုင်းဆိုင်ရာ မြှင့်တင်မှုပြုလုပ်ရန် အိန္ဒိယဝန်ကြီးချုပ် ကြိုးပမ်း
-
ရောဂါခြေချုပ်ဖြင့် နေထိုင်ပြီးနောက် ဂျာမနီဝန်ကြီးချုပ် မာကယ် ရုံးပြန်တက်
-
အသက်ရှူရာမှတစ်ဆင့် ဗိုင်းရပ်စ်ပျ့ံနှံ့မည်ကို စိုးရိမ်ရသောကြောင့် အမေရိကန်ပြည်သူများ နှာခေါင်းစည်း ဝတ်ဆင်ကြရန် အစိုးရက အကြံပြု
-
ပဋိပက္ခဖြစ်နေသောနိုင်ငံများတွင် ကိုရိုနာဗိုင်းရပ်စ် ကူးစက်မှု အဆိုးဆုံးအခြေအနေအတွက် ပြင်ဆင်ထားရန် ကုလသမဂ္ဂအတွင်းရေးမှူးချုပ် သတိပေး
