ရခိုင်ပြည်နယ်အတွင်းရှိ ဖြစ်ပွားနေသော တိုက်ပွဲများကြောင့် နေရပ်စွန့်ခွာထွက်ပြေးတိမ်း ရှောင်နေကြရသည့် စစ်ဘေးရှောင်စခန်း အများစုအနက် အလယ်အဆင့်ကျောင်းသားများ ပါဝင်နေသော်လည်း လက်ရှိအချိန်ထိ ပညာသင်ကြားနိုင်ခြင်း မရှိသေးကြောင်း စစ်ဘေးရှောင်များက ပြောကြားသည်။
မူလတန်းအဆင့် ကျောင်းသားများကို ပညာသင်ကြားခွင့် ရရှိနေပြီဖြစ်သော်လည်း အလယ်တန်းအဆင့် ကျောင်းသူ၊ ကျောင်းသားများအနေဖြင့် ပညာသင်ကြားခွင့်မရသေးသည်ကို စိုးရိမ်မိကြောင်း၊ မိမိတို့ကျေးရွာများသို့ ပြန်လိုသော်လည်း မပြန်ရဲဖြစ်နေကြောင်းလည်း ဒုံးသိမ်စေတီတော်ပရိဝုဏ်တွင်းသို့ ရောက်ရှိခိုလှုံနေကြသည့် စစ်ဘေးရှောင်များက ပြောကြားသည်။
“ကျွန်တော်တို့ကျေးရွာအနီးမှာ တိုက်ပွဲဖြစ်တော့ တစ်ရွာလုံးထွက်ပြေးကြတာပေါ့။ အဲဒီတုန်းက ဘယ်လိုပြေးခဲ့ရတယ်ဆိုတာကို ကျွန်တော်ဗီဒီယိုရိုက်ပြီး တင်ခဲ့တဲ့အတွက် အားလုံးသိကြပြီး ဖြစ်တယ်။ အခုဖြစ်နေတာက မူလတန်းကျောင်းသားတွေသာ ပညာသင်ကြားခွင့်ရကြပြီး အလယ်တန်းကျောင်းသား ၂၀ ကျော်ရှိတယ်။ သူတို့ကတော့ ပညာသင်ကြားခွင့်မရသေးဘူး ဖြစ်နေတယ်။ အဲဒီအတွက်စိုးရိမ်တယ်၊ ဘယ်လိုစာမေးပွဲဖြေဆိုမလဲ၊ စာဖတ်ဖို့တောင် အဆင်မပြေတဲ့အချိန်မှာ ကျောင်းကလည်းမတက်ရတော့ သူတို့ဘယ် လိုလုပ်ကြမလဲပေါ့။ ရွာကဆိုရင် အပြင်က ကျောင်းဆရာတွေငှားပြီး စာသင်ကြရတာ။ သူတို့လည်း တိုက်ပွဲဖြစ်တော့ မလာကြတော့ဘူး။ မူကြိုမှ အလယ်တန်းအထိ ကျောင်းသား၊ ကျောင်းသူ ၇၈ ဦး ပါတယ်။ အလယ်တန်းတွေကို ကျူရှင်ပုံစံမျိုးတော့ လုပ်ထားတာရှိတယ်” ဟုလည်း အလယ်ချောင်းကျေးရွာမှ ဒုံးသိမ်သို့ ထွက်ပြေးတိမ်းရှောင်လာသူ ကိုကျော်ကျော်နိုင်က ပြောကြားခဲ့သည်။
ရခိုင်ပြည်နယ်ပညာရေးဌာနသို့ ဆက်သွယ်မေးမြန်းချက်များအရ စစ်ဘေးရှောင် ကျောင်းသားများအား ပညာသင်ကြားနိုင်ရေးအတွက်နှင့် စာမေးပွဲဖြေဆိုနိုင်ရန်အတွက် ညွန်ကြားထားပြီးဖြစ်ကြောင်း ပြောဆိုခဲ့သော်လည်း လက်တွေ့တွင် မူလတန်းအဆင့် ကျောင်းသူ/သားများသာ ပညာသင်ကြားခွင့်ရကြပြီး တချို့သော အလယ်တန်းကျောင်းသူ၊ ကျောင်းသားများမှာ ပညာသင်ကြားခွင့် ပျောက်ဆုံးနေသေးကြောင်းလည်း သိရသည်။
ပညာရေးဌာ၏စာရင်းများအရ စစ်ဘေးရှောင်ဒုက္ခသည်များအတွင်း ကျောင်းသူ/ သားနှစ်ထောင်ကျော်ပါဝင်ပြီး ကျောင်းတက်နိုင်ရေးနှင့် စာမေးပွဲဖြေဆိုနိုင်ရေးအတွက် ဆောင်ရွက်ထားပြီးဖြစ်ကြောင်း၊ သို့သော်လည်း တချို့သော ကယ်ဆယ်ရေးစခန်းများတွင် ပညာသင်ကြားနိုင်ရေး အဆင်မပြေမှုများ ရှိနေသေးခြင်းဖြစ်ကြောင်းလည်း သိရသည်။
-
ရခိုင်ပြည်နယ်အတွင်းရှိ စစ်ဘေးရှောင်စခန်းများတွင် ပညာသင်ကြားနိုင်ခြင်းမရှိသည့်အတွက် ကလေးငယ်များ၏ ပညာရေးကို စိုးရိမ်နေရကြောင်း စစ်ဘေးရှောင်များပြောကြား
-
အထက်ချင်းတွင်းဒေသ၏ အရေးပါသည့် ကားလမ်းမကြီးဖြစ်သည့် သက္ကယ်ကျင်း-ဖောင်းပြင်-ဟုမ္မလင်း-ခန္တီးလမ်းကို ၂၀၂၀ ပြည့်နှစ်အကုန်တွင် ရာသီမရွေးသွားလာနိုင်သည့် ကားလမ်းအဖြစ် ဖောက်လုပ်မည်
-
စရဖတပ်ဖွဲ့ဝင်တစ်ဦး သေနတ်ပစ်သတ်ခံခဲ့ရသည့်ကိစ္စနှင့်ပတ်သက်ပြီး ဖမ်းဆီးခံထားရသော လူငယ်လေးဦး၏ အမှုအား ဖေဖော်ဝါရီ ၁ ရက်သို့ ပြန်လည်ချိန်းဆို
-
စစ်ကြောင့်ဖြစ်ရသော ဆိုးကျိုးများ ထပ်မံမဖြစ်ပွားစေရေးအတွက် တစ်တိုင်းပြည်လုံး အတိုင်းအတာဆောင်သော အပစ်အခတ်ရပ်စဲပြီး တိုင်းပြည်၏ ပြဿနာများကို စားပွဲပေါ်တွင် အဖြေရှာနိုင်ရန် ရခိုင်ပြည်လွတ်မြောက်ရေးပါတီ(ALP) တိုက်တွန်း
-
သစ်အခြေခံ အသေးစားနှင့် အလတ်စားလုပ်ငန်း (SME) များအတွက် မြန်မာ့သစ်လုပ်ငန်းက သစ်တန်ချိန် ၅၄၀၀ ကို အိတ်ဖွင့်လေလံစနစ်ဖြင့် ရောင်းချပေးမည်
