ပရီးမီးယားလိဂ်ပွဲစဉ် (၂၅)
စပါး - ချယ်လ်ဆီး (တနင်္ဂနွေည ၈း၀၀ နာရီ)
အန်တိုနီယိုကွန်တီနဲ့ သောမတ်စ်တူဟယ်လ်တို့ရဲ့ ထိပ် တိုက်တွေ့ဆုံမှုတွေမှာ ပွဲဆူခဲ့ကြဖူးပေမဲ့ ဒီတစ်ကြိမ်တော့ အသွင်သစ်၊ ပုံစံသစ်ပါ။ ချယ်လ်ဆီးက ရလဒ်တွေ တော်တော် လေးဆိုးနေပြီး ခြေစွမ်းကတော့ မဆိုးဘူး။ ပြီးတော့ လူအင် အားက စပါးထက် အများကြီး ပိုတောင့်တင်းလာတယ်။ စပါး က နောက်ဆုံးကစားခဲ့တဲ့ (၅)ပွဲမှာ (၃)ပွဲနိုင်ခဲ့တယ်။ ဖူလ်ဟမ်၊ မန်စီးတီး၊ ဝက်စ်ဟမ်းတို့လို အသင်းတွေကို နိုင်ခဲ့တာ ဖြစ်ပြီး ရလဒ်ပိုင်းအရ ချယ်လ်ဆီးထက် ပိုအားကောင်းတယ်။ ဝက်စ် ဟမ်းနဲ့ ပွဲတုန်းက ကွန်တီက ဆွန်ကို အရန်ခုံမှာ ထိုင်ခိုင်းခဲ့ပြီး အရန်ခုံက ထလာတဲ့ ဆွန်က အကောင်းဆုံးပုံစံကို ပြခဲ့တယ်။ ဒီပွဲမှာလည်း ကွန်တီက ဆွန်ကို အရန်ခုံက ထလာတဲ့ ပုံစံကို ပဲ သုံးဖို့များတယ်။ တကယ်တော့ ချယ်လ်ဆီးက ရလဒ်တွေ မကောင်းပေမဲ့ ပွဲအများစုမှာ ချယ်လ်ဆီးကစားတာကောင်း ပြီး၊ စပါးထက်လည်း ပိုကောင်းတယ်။ ချယ်လ်ဆီးမှာ အဆိပ် ရှိတဲ့ ကစားသမားတွေလည်း ရှိနေတယ်။ ချယ်လ်ဆီး မရှုံး အောင်ကစားနိုင်ပါလိမ့်မယ်။
စပိန်လာလီဂါပွဲစဉ် (၂၃)
ဘီလ်ဘာအို - ဟီရိုနာ (တနင်္ဂနွေည ရး၃၀ နာရီ)
ဟီရိုနာရဲ့အဝေးကွင်းကစားပုံအားနည်းနေတတ်တာနဲ့ တော့ ဘီလ်ဘာအိုလိုအသင်းကို တောင့်ခံနိုင်ဖို့လွယ်မှာမဟုတ် ဘူး။ အစဉ်အလာတွေအရလည်း ဘီလ်ဘာအိုကို ဆမ်မာမီးစ်မှာ ယှဉ်နိုင်လေ့မရှိပါဘူး။ ဘီလ်ဘာအိုနဲ့ ဂိုးအနည်းပဲရွေးထားမယ်။
ဆယ်လ်တာဗီဂို - ဗယ်လာဒိုလစ် (တနင်္ဂနွေည ၉း၄၅ နာရီ)
ဒီနှစ်သင်းကအစဉ်အလာတွေအရ သရေပွဲတွေအဖြစ် များလေ့ရှိသလို လက်ရှိမှာလည်း ခြေစွမ်းပိုင်းကသိပ်မကွာလှ ဘူး။ ဗယ်လာဒိုလစ်ရဲ့ အဝေးကွင်းခံစစ်ပိုအားပြုကစားနေမှုကို ဆယ်လ်တာဗီဂိုရဲ့ အိမ်ကွင်းတိုက်စစ်က ဖိအားပေးပြီး ဂိုးတွေရ အောင်ကစားမှာလားပဲစောင့်ကြည့်ရမယ်။ ဂိုးနည်းသရေပွဲပါပဲ။
အယ်မယ်ရီယာ - ဘာစီလိုနာ (တနင်္လာနံနက် ၀၀း၀၀ နာရီ)
အစဉ်အလာတွေအရတော့ ဘာစီလိုနာက အယ်မယ်ရီ ယာကိုတွေ့တိုင်းနိုင်နေတဲ့အသင်းဖြစ်နေလို့ ဒီတစ်ပွဲလည်း သက်သောင့်သက်သာရှိနေဦးမယ်ထင်စရာပါပဲ။ အယ်မယ်ရီ ယာကလည်း ခုတလေခြေကျသလိုဖြစ်နေပြီး နောက်ဆုံး (၃)ပွဲဆက်အရှုံးပေါ်ထားသေးတယ်။ အိမ်ကွင်းကစားပုံမဆိုးလှပေ မဲ့ ခံစစ်ပိုင်းအားပျော့လာမှုက ဘာစီလိုနာအတွက်အခွင့်အရေး ကောင်းသလိုဖြစ်နေပြန်တယ်။ ဘာစီလိုနာကလည်း လာလီဂါ မှာနိုင်ပွဲဆက်နေပြီး အဝေးကွင်းပွဲတွေမှာတော့ ဂိုးသွင်းအား လျော့နေသလိုတွေ့ရတယ်။ နောက်ပြီး ဒီပွဲမတိုင်မီမှာ မန်ယူ အသင်းနဲ့ ယူရိုပါလိဂ် Knockout အဝေးကွင်းအဆုံးအဖြတ်ပွဲ စဉ်နွှဲထားရသေးလို့ အဲဒီပွဲရလဒ်က အခုအယ်မယ်ရီယာနဲ့ ပွဲ အပေါ် ရိုက်ခတ်မှုရှိလာနိုင်မလားဆိုတာလည်း သတိထားရမ လိုဖြစ်နေတယ်။ ဘာစီလိုနာတို့ ကပ်နိုင်ဖို့ပဲရှိလိမ့်မယ်။
ဆီဗီလာ - အိုဆာဆူနာ (တနင်္လာနံနက် ၂း၃၀ နာရီ)
ဆီဗီလာက နည်းပြ ဆမ်ပါအိုလီလက်ထဲမှာ တည်ငြိမ်မှု တစ်ခုပြန်ရလာနေတယ်။ အိမ်ကွင်းဆိုရင် ကစားပုံပိုမိုကျစ်လျစ် လာပြီး တိုက်စစ်ကလည်း ဂိုးတွေပြန်ရလာနေတယ်။ ဒါကြောင့် အခုပွဲမှာလည်း အိုဆာဆူနာတို့ အဝေးကွင်းမှာ ဘယ်လောက်အ ထိတောင့်ခံကစားနိုင်မှာလဲဆိုတာကပဲ အဓိကစဉ်းစားစရာလို ဖြစ်နေတယ်။ လက်ရှိခြေအရတော့ ဆီဗီလာရဲ့အိမ်ကွင်းအား ကို အိုဆာဆူနာတို့ တောင့်ခံကစားနိုင်ဖို့မရှိပါဘူး။ ဆီဗီလာပဲ ကြိုက်တယ်။ ဂိုးနည်းမယ်။
-
အိန္ဒိယ ကမ်းခြေစောင့်တပ်က ကပ္ပလီပင်လယ်တွင် မြန်မာငါးဖမ်းလှေပေါ်မှ မက်သ်အဖက်တမင်း ၅ ဒသမ ၅ တန် ဖမ်းဆီး
-
တိုင်းဒေသကြီးအစိုးရရန်ပုံငွေဖြင့် ပြုပြင်ထိန်းသိမ်းခဲ့သည့် စစ်ကိုင်းမြို့ အစေခံတပ်နှင့် ကနောင်မင်းသားကြီး သံချက်ဖိုသို့ ပြည်တွင်းပြည်ပ ခရီးသွားဝင်ရောက်မှုနည်းပါးနေ
-
အဂတိလိုက်စားပြီး တရားစီရင်နေသည်ဟုဆိုကာ ရေနံချောင်းမြို့ နယ်တရားသူကြီးအား ငါးရက်ဆက်တိုုက်ဆန္ဒပြ
-
ချင်းပြည်နယ် ရိခေါဒါရ်မြို့တွင် ရေရှားပါးမှု စတင်ကြုံတွေ့နေရပြီး ရိဒ်ရေကန်မှရေများကို ခပ်ယူသုံးစွဲနေရကာ နွေရာသီရောက်ရှိလာပါက ယခုထက်ပိုမိုခက်ခဲလာမည်ကို ဒေသခံများစိုးရိမ်
-
YBS (၃၇) ယာဉ်လိုင်းတွင် ငွေကြေး မသမာမှုများရှိသည်ဟုဆိုကာ အရေးယူပေးရန် အပါအဝင် အချက် ခြောက်ချက်အား တောင်းဆိုသည့် လက်ပတ်နီလှုပ်ရှားမှု ယာဉ်မောင်းများ ပြုလုပ်
