မန်စီးတီးနည်းပြ ဂွါဒီယိုလာက အသင်း တိုက်စစ်မှူး ဟော်လန်းအား ကစားကွက်ပါ ဝင်ပတ်သက်မှုနည်းပါးခြင်းနှင့်ပတ်သက်ပြီး ဝေဖန်နေမှုမှာ ကစားသမားကို အပြစ်မတင်ဘဲ မိမိတို့အသင်းကို အပြစ်တင်သင့်ကြောင်း ပြောကြားခဲ့သည်။
ဒေါ့မွန်အသင်းမှ ပြောင်းရွှေ့ လာခဲ့သည့် နော်ဝေလက်ရွေးစင်တိုက်စစ်မှူး ဟော်လန်းသည် ယခုရာသီတွင် မန်စီးတီးအသင်းအတွက် ပြိုင်ပွဲစုံ ၃၃ ပွဲတွင် ၃၃ ဂိုးအထိ သွင်းယူခဲ့သည်။ သို့သော် မန်စီးတီးအသင်းမှာ ပြီးခဲ့သည့်ရာသီကလို ခြေစွမ်းပြနိုင်ခြင်း မရှိသည့်အတွက် ဟော်လန်းမှာ ဝေဖန်မှုများနှင့် ရင်ဆိုင်နေရသည်။
အထူးသဖြင့် ဟော်လန်းအနေဖြင့် အသင်းကစားကွက်တွင် ပါဝင်ပတ်သက်မှုနည်းပါးခြင်းကို ဝေဖန်ကြခြင်းဖြစ်ပြီး မန်စီးတီးမှာ ၎င်းကြောင့် အရင်ကထက် ပိုအားနည်းသွားကြောင်း သုံးသပ်ကြသည်။
သို့သော် ဂွါဒီယိုလာက "ဒါက ဟော်လန်းရဲ့ အမှားမဟုတ်ပါဘူး။ ကျွန်တော်တို့ရဲ့ အမှားသာဖြစ်ပါတယ်။ ဟော်လန်းက တစ်ရာသီလုံး ထင်ကြီးလောက်စရာကောင်းတဲ့ ခြေစွမ်းကို ပြသနေတာပါ။ ကျွန်တော်ကတော့ ပွဲစဉ်တစ်ပွဲအပြီးမှာ ဘယ်ကစားသမားက အသင်းရဲ့ကစားကွက်မှာ ဘယ်လောက်အထိ ပါဝင်ပတ်သက်တယ်ဆိုတာကို သတိတောင် မထားမိပါဘူး။ ဒါပေမဲ့ သေချာတာတစ်ခုကတော့ ဒါက ဟော်လန်းရဲ့ အမှားမဟုတ်ပါဘူး။ ကျွန်တော်တို့ရဲ့ အမှားပါ။ သူ့ရဲ့ ရွေ့လျားမှုတွေ ဘယ်လောက်အထိ ကောင်းမွန်တယ်ဆိုတာကို ဘောလုံးပွဲကြည်သူတိုင်း မြင်မှာပါ"ဟု ပြောကြားခဲ့သည်။
-
အိန္ဒိယ ကမ်းခြေစောင့်တပ်က ကပ္ပလီပင်လယ်တွင် မြန်မာငါးဖမ်းလှေပေါ်မှ မက်သ်အဖက်တမင်း ၅ ဒသမ ၅ တန် ဖမ်းဆီး
-
တိုင်းဒေသကြီးအစိုးရရန်ပုံငွေဖြင့် ပြုပြင်ထိန်းသိမ်းခဲ့သည့် စစ်ကိုင်းမြို့ အစေခံတပ်နှင့် ကနောင်မင်းသားကြီး သံချက်ဖိုသို့ ပြည်တွင်းပြည်ပ ခရီးသွားဝင်ရောက်မှုနည်းပါးနေ
-
အဂတိလိုက်စားပြီး တရားစီရင်နေသည်ဟုဆိုကာ ရေနံချောင်းမြို့ နယ်တရားသူကြီးအား ငါးရက်ဆက်တိုုက်ဆန္ဒပြ
-
ချင်းပြည်နယ် ရိခေါဒါရ်မြို့တွင် ရေရှားပါးမှု စတင်ကြုံတွေ့နေရပြီး ရိဒ်ရေကန်မှရေများကို ခပ်ယူသုံးစွဲနေရကာ နွေရာသီရောက်ရှိလာပါက ယခုထက်ပိုမိုခက်ခဲလာမည်ကို ဒေသခံများစိုးရိမ်
-
YBS (၃၇) ယာဉ်လိုင်းတွင် ငွေကြေး မသမာမှုများရှိသည်ဟုဆိုကာ အရေးယူပေးရန် အပါအဝင် အချက် ခြောက်ချက်အား တောင်းဆိုသည့် လက်ပတ်နီလှုပ်ရှားမှု ယာဉ်မောင်းများ ပြုလုပ်
