နေပြည်တော် သပြေကုန်းအဝိုင်းအနီး ယနေ့ (ဖေဖော်ဝါရီ ၉ ရက်) တွင် ဆန္ဒပြသူများအား ရဲတပ်ဖွဲ့က ပစ်ခတ်ဖြိုခွဲရာ ဒဏ်ရာရရှိသူများအနက် ဦးခေါင်းထိမှန်ခဲ့သည့် အမျိုးသမီးတစ်ဦး မှာ စိုးရိမ်ရသည့် အခြေအနေရှိကြောင်း နေပြည်တော် ကုတင် ၁၀၀၀ ဆေးရုံမှ ဆရာဝန်တစ်ဦးက ပြောကြားသည်။
အဆိုပါ အမျိုးသမီးသည် ရရှိသော ဒဏ်ရာများကြောင့် သေဆုံးခဲ့သည်ဟု ကနဦးတွင် သတင်းများ ထွက်ပေါ်ခဲ့သေးသည်။
လက်ရှိတွင် အဆိုပါအမျိုးသမီးအား အထူးကြပ်မတ်ကုသဆောင်ထဲတွင် အသက်ရှုစက် တပ်ထားရသည့် အနေအထားဖြစ်ကြောင်း၊ ခွဲစိတ်ကုသရန် မဖြစ်နိုင်သည့်အနေအထားဖြစ်ကြောင်း အထက်ပါဆရာဝန်က ပြောကြားသည်။
ထို့အပြင် အရေးပေါ်၌ ပစ်ခတ်မှုကြောင့် ရင်ဘတ်ထုတ်ချင်းပေါက် ဒဏ်ရာရရှိသည့် အမျိုးသားတစ်ဦးလည်း ကုသမှု ခံနေရပြီး ၎င်းမှာ စိုးရိမ်ရသည့် အနေအထား မဟုတ်ကြောင်း သိရသည်။
သပြေကုန်းအဝိုင်းအနီး ဆန္ဒပြသူများကို ရဲတပ်ဖွဲ့က ရေကားဖြင့် ဖြိုခွဲခြင်း၊ ပစ်ခတ်များပြုလုပ်၍ မွန်းလွဲ ၁ နာရီခန့်က ဖြိုခွဲခဲ့ရာ ဒဏ်ရာရရှိသူ ခုနစ်ဦးခန့်ရှိခဲ့ကြောင်း သိရသည်။
-
ဇွဲကပင်တောင်တက်လမ်းခုလတ်တွင် ပျောက်ဆုံးခဲ့သည့် လူငယ်တစ်ဦးအား တောင်ခြေတွင် အသက်ရှင်လျက်ပြန်လည်တွေ့ရှိ
-
သောင်ရင်းမြစ်ကို ဖြတ်ကာ မြန်မာဘက်မှ ထိုင်းဘက်သို့ ဝင်ရောက်လာသည့် နိုင်ငံခြားသား ၃၉ ဦးကို ထိုင်းတာဝန်ရှိသူများက နေရပ်ပြန်ပို့မည်ဟုဆို
-
နေပြည်တော် သပြေကုန်းအဝိုင်းအနီး ဆန္ဒပြသူများအား ပစ်ခတ်ဖြိုခွဲမှုတွင် ဒဏ်ရာရရှိသူများအနက် အမျိုးသမီးတစ်ဦးမှာ စိုးရိမ်ရသည့်အခြေအနေရှိ
-
နိုင်ငံ့ဝန်ထမ်းများ တာဝန်ထမ်းဆောင်မှုအပေါ် နည်းလမ်းအမျိုးမျိုးဖြင့် ခြိမ်းခြောက်လာမှုများကို ဖော်ထုတ် အရေးယူရမည် ဖြစ်ကြောင်း နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ပြောကြား
-
မန္တလေးမြို့တွင် ဆန္ဒထုတ်ဖော်နေသူများအား ရဲတပ်ဖွဲ့က စတင်ဖမ်းဆီးရာ ယမန်နေ့ ညနေပိုင်းအထိ ဖမ်းဆီးခံရသူ ၇၀ ဝန်းကျင်ရှိခဲ့
