နိုင်ငံတကာ ရာဇဝတ်မှုခုံရုံး (ICC) ၏ တရားသူကြီးများက အစ္စရေးဝန်ကြီးချုပ်၊ ကာကွယ်ရေးဝန်ကြီးဟောင်းနှင့် ဟားမာ့စ်တပ်မှူးတို့ကို ဖမ်း၀ရမ်းများထုတ်ပြန်လိုက်ကြောင်း ဘီဘီစီသတင်းတွင် ဖော်ပြခဲ့သည်။
ICC ၏ တရားစီရင်ပိုင်ခွင့်နှင့်ပတ်သက်ပြီး အစ္စရေး၏ စိန်ခေါ်မှုများကို ကနဦးကြားနာစစ်ဆေးမှုတွင် ပယ်ချခဲ့ပြီးနောက် အစ္စရေးဝန်ကြီးချုပ် ဘင်ဂျမင် နေတန်ယာဟုနှင့် ကာကွယ်ရေးဝန်ကြီးဟောင်း ယိုအက် ဂဲလန့်တို့ကို ဖမ်း၀ရမ်းများ ထုတ်ပြန်ခဲ့ခြင်းဖြစ်သည်။
ထို့ပြင် ဟားမာ့စ်အဖွဲ့၏ တပ်မှူးတစ်ဦးဖြစ်သည့် မိုဟာမက် ဒီအစ်ဖ်ကိုလည်း ICC က ဖမ်း၀ရမ်းထုတ်ပြန်ခဲ့ပြီး အစ္စရေးစစ်တပ်ကမူ ဒီအစ်ဖ်သည် ဇူလိုင်လအတွင်းက ဂါဇာတွင် လေကြောင်းတိုက်ခိုက်မှုအတွင်း သေဆုံးသွားကြောင်း ပြောကြားထားသည်။
ဖမ်း၀ရမ်းထုတ်ခံခဲ့ရသည့် အမျိုးသား သုံးဦးသည် အစ္စရေး-ဟားမာ့စ်စစ်ပွဲအတွင်း စစ်ရာဇဝတ်မှုများနှင့် လူသားမျိုးနွယ်အပေါ်ဆန့်ကျင်သည့် ရာဇဝတ်မှုများအတွက် ပြစ်မှုဆိုင်ရာ တာဝန်ရှိကြောင်း ခိုင်လုံသည့်အကြောင်းအချက်များရှိသည်ဟု တရားသူကြီးများက ပြောကြားခဲ့သည်။
အစ္စရေးနှင့် ဟားမာ့စ်အဖွဲ့တို့ကမူ ICC ၏ စွပ်စွဲချက်များကို ငြင်းဆိုခဲ့သည်။
ICC က ဖမ်း၀ရမ်းထုတ်ခဲ့သည့်တိုင် ICC ၏ အဖွဲ့ဝင် ၁၂၄ နိုင်ငံအနေဖြင့် ၎င်းတို့ကို ဖမ်းဆီးမည် ဟုတ်၊ မဟုတ်ကို ကိုယ်တိုင်ဆုံးဖြတ်ပိုင်ခွင့်ရှိသည်။
Ref: BBC
-
■ ဘွန်ဒစ်လီဂါပွဲစဉ် (၁၁) ပွဲကြိုသုံးသပ်ချက်
-
■ ကလပ်ကမ္ဘာ့ဖလားအတွက် စီးရီးအေ အထူးအပြောင်းအရွှေ့ကာလ သတ်မှတ်ပေးမည်
-
■ မန်စီးတီးအသင်းနှင့် (၂) နှစ်သက်တမ်းတိုးစာချုပ်ချုပ်ဆိုခဲ့ခြင်းမှာ ပြိုင်ပွဲစုံ(၄)ပွဲဆက် ရှုံးနိမ့်ခဲ့ခြင်းကြောင့် ဖြစ်နိုင်သည်ဟု ဂွါဒီယိုလာ ပြောကြား
-
■ လာလီဂါပွဲစဉ် (၁၄) ပွဲကြိုသုံးသပ်ချက်
-
■ စီးရီးအေပွဲစဉ် (၁၃) ပွဲကြိုသုံးသပ်ချက်
