Top News

ဗီရိုနာ - အင်တာမီလန် (မြန်မာစံတော်ချိန် နိုဝင်ဘာလ ၂၃ ရက် ည ၈:၃၀ နာရီ)

ဗီရိုနာက စီးရီးအေအိမ်ကွင်းနောက်ဆုံးပွဲမှာ ရိုးမားကို အနိုင်ရခဲ့တယ်။ ဒါပေမဲ့ ဗီရိုနာရဲ့ ခံစစ်ကစားပုံကတော့ ဆိုးရွားနေဆဲဖြစ်ပြီး ထိပ်သီးတွေနဲ့ ရင်ဆိုင်ရတဲ့ပွဲတွေဆိုရင် ဂိုးအလှူပေးနေရတာကို တွေ့ရတယ်။ အင်တာမီလန်ကတော့ အမှတ်ရသင့်တဲ့ပွဲတိုင်း အနိုင်ကစားခဲ့တယ်။ လက်ရှိချန်ပီယံ အင်တာမီလန် ဂိုးပြတ်နိုင်ပွဲတောင် ရသွားနိုင်တယ်။ (၀-၂၊ ၁-၃)ရလဒ်တွေ ဖြစ်နိုင်တယ်။

အေစီမီလန် - ဂျူဗင်တပ်စ် (မြန်မာစံတော်ချိန် နိုဝင်ဘာလ ၂၃ ရက် ည ၁၁:၃၀ နာရီ)

အေစီမီလန်ရဲ့ ကွင်းတွင်းခြေစွမ်းကိုတော့ တည်ငြိမ်မှုနည်းပါးနေဆဲဖြစ်တယ်လို့ ဆိုရမယ်။ နောက်ဆုံးပွဲမှာလည်း ကာဂလီယာရီကို ခံစစ်အားနည်းချက်တွေကြောင့် သရေသာကစားနိုင်ခဲ့တယ်။ နည်းပြ ဖွန်ဆီကာရဲ့ အသင်းက ကစားပုံမဆိုးပေမဲ့ Rhythm မှန်ဖို့ ကြိုးစားနေရတုန်းပဲ။ ဂျူဗင်တပ်စ်ကလည်း ရှုံးပွဲမရှိသေးပေမဲ့ သရေပွဲတွေများနေတယ်။ ဒါပေမဲ့ စီးရီးအေ အဝေးကွင်းနောက်ဆုံး (၅)ပွဲမှာ (၄)ပွဲအထိ Clean Sheet ရခဲ့တဲ့ ဂျူဗင်တပ်စ်ရဲ့ ခံစစ်ကစားပုံကတော့ အထင်ကြီးစရာကောင်းပါတယ်။ မီလန်မြေမှာ ကစားရမှာဖြစ်ပေမဲ့ ဂျူဗင်တပ်စ်အသင်း မရှုံးနိုင်ဘူး။

ပါးမား - အတ္တလန်တာ (မြန်မာစံတော်ချိန် နိုဝင်ဘာလ ၂၄ ရက် နံနက် ၂:၁၅ နာရီ)

အတ္တလန်တာက အကောင်းဆုံးပုံစံပြနေတဲ့အသင်းဖြစ်ပြီး ချန်ပီယံဆုကိုပါ မျှော်လင့်လို့ရနိုင်တဲ့ အနေအထားကို ရောက်လာတယ်။ လွတ်ခ်မန်းဦးဆောင်တဲ့ တိုက်စစ်က အတော့်ကို အားကောင်းနေပြီး ကြယ်ပွင့်တိုက်စစ်မှူး ရေတယ်ဂီကလည်း တကယ်ကို အားကိုးရတယ်။ ပါးမားကလည်း ဂျူဗင်တပ်စ်၊ အေစီမီလန်တို့လို ထိပ်သီးတွေကိုတောင် ဒုက္ခပေးခဲ့တဲ့အသင်းပါ။ ဒါပေမဲ့ အတ္တလန်တာကိုပဲ ကြိုက်တယ်။ ဂိုးများနိုင်တယ်။