Top News

လေဗာကူဆင် - ဟိုင်းဟိုင် (မြန်မာစံတော်ချိန် နိုဝင်ဘာလ ၂၃ ရက် ည ၉:၀၀ နာရီ)

လေဗာကူဆင်အသင်း သရေပွဲတွေများနေပြီး နောက်ဆုံး (၆)ပွဲမှာ (၅)ပွဲ သရေကျခဲ့တယ်။ ဟိုင်းဟိုင်ကလည်း အခြေအနေဆိုးနေပြီး (၅)ပွဲဆက် နိုင်ပွဲပျောက်ထားတယ်။ နိုင်ပွဲပြန်ရှာရမယ့် လေဗာကူဆင် ဂိုးပြတ်လိမ့်မယ်။

စတုဂတ် - ဘိုဟုမ် (မြန်မာစံတော်ချိန် နိုဝင်ဘာလ ၂၃ ရက် ည ၉:၀၀ နာရီ)

စတုဂတ်အသင်း ဘွန်ဒစ်လီဂါနောက်ဆုံး(၆)ပွဲမှာ (၁)ပွဲပဲ အနိုင်ရခဲ့တယ်။ ဘိုဟုမ်ကလည်း ဇယားအောက်ဆုံးရောက်နေလို့ စတုဂတ် ဂိုးပြတ်နိုင်ဖို့များတယ်။

ဒေါ့မွန် - ဖရိုင်းဘတ် (မြန်မာစံတော်ချိန် နိုဝင်ဘာလ ၂၃ ရက် ည ၉:၀၀ နာရီ)

ဒေါ့မွန်အသင်းက အိမ်ကွင်း၊ အဝေးကွင်းရလဒ်ပိုင်း ကွာဟချက် အတော်ကြီးနေတယ်။ ဒီရာသီ အိမ်ကွင်း(၅)ပွဲစလုံးကိုတော့ ဒေါ့မွန်အသင်း အနိုင်ကစားထားတာ တွေ့ရတယ်။  ဒါ့အပြင် ဖရိုင်းဘတ်ကိုလည်း ဘွန်ဒစ်လီဂါ နောက်ဆုံး(၆)ရာသီဆက်တိုက် အိမ်ကွင်းမှာ အနိုင်ကစားခဲ့ပြီး ၂၀၀၁ နောက်ပိုင်းကတည်းက ရှုံးပွဲမရှိခဲ့ဘူး။ ဖရိုင်းဘတ်အသင်းက လက်ရှိအမှတ်ပေးဇယားမှာ ဒေါ့မွန်ထက် ပိုမြင့်နေသလို၊ အဝေးကွင်းတွေမှာ ဘိုင်ယန်၊ လိုက်ပ်ဇစ်တို့ကို အရေးနိမ့်ထားပေမဲ့ မဆိုးဘူးလို့ ပြောရမယ့်အနေအထားပါပဲ။ ဒေါ့မွန်ပဲ ရွေးချယ်တာ ပို ကောင်းမယ်။

ဟော်ဖန်ဟင်မ် - လိုက်ပ်ဇစ် (မြန်မာစံတော်ချိန် နိုဝင်ဘာလ ၂၃ ရက် ည ၉:၀၀ နာရီ)

လိုက်ပ်ဇစ်အသင်း ဘွန်ဒစ်လီဂါ(၂)ပွဲဆက်တိုက် နိုင်ပွဲပျောက်ထားတယ်။ ဒီပွဲပြီးရင်လည်း အင်တာမီလန်နဲ့ ချန်ပီယံလိဂ် အဝေးကွင်းပွဲကျပ် ကစားရဦးမယ်။ အိမ်ရှင် ဟော်ဖန်ဟင်မ်နဲ့ပဲ စွန့်စားတာ ပိုကောင်းမယ်။

ဝုလ်ဖ်ဘတ် - အူန်ယွန်းဘာလင် (မြန်မာစံတော်ချိန် နိုဝင်ဘာလ ၂၃ ရက် ည ၉:၀၀ နာရီ)

အူန်ယွန်းဘာလင်အသင်း (၃)ပွဲဆက်တိုက် နိုင်ပွဲပျောက်နေပေမဲ့ ပွဲကျပ်တွေကစားခဲ့ရတာ သတိပြုရမယ်။ အူန်ယွန်းဘာလင် အမှတ်ရလိမ့်မယ်။

ဖရန့်ဖတ် - ၀ါဒါဘရီမင် (မြန်မာစံတော်ချိန် နိုဝင်ဘာလ ၂၃ ရက် ည ၁၂:၀၀ နာရီ)

လတ်တလော ရလဒ်ပိုင်းအရတော့ မျှနေတယ်ဆိုပေမဲ့ ဖရန့်ဖတ်အသင်းက ပွဲပိုကျပ်ခဲ့တယ်။ အိမ်ကွင်းလည်းဖြစ်လို့ ဖရန့်ဖတ်ပဲ အနိုင်ရဖို့များတယ်။