ဆည်မြောင်းနှင့် ရေအသုံးချမှု စီမံခန့်ခွဲရေးဦးစီးဌာနက ထိန်းသိမ်းထားသည့် ရေလှောင်တမံနှင့် ရေထိန်းတမံများ ကြံ့ခိုင်မှုကောင်းမွန်လျက်ရှိပြီး စိုးရိမ်ရန်မရှိကြောင်း စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာနမှ သိရသည်။
ထို့ပြင် ပြည်ထောင်စုနယ်မြေ နေပြည်တော်တွင် ထိန်းသိမ်းထားသော ရေလှောင်တမံနှင့် ရေထိန်းတမံစုစုပေါင်း (၁၂)ခု ရှိပြီး စက်တင်ဘာ (၂၉) ရက်၌ ပေါင်းလောင်းရေလှောင်တမံတွင် (၃ ဒသမ ၉၀)ပေနှင့်
ငလိုက်ရေလှောင်တမံတွင် (၀ ဒသမ ၁၀)ပေ ကန်ရေပြည့်အမှတ် အထက်ကျော်လွန်၍ ရေပိုလွှဲမှ ရေကျော်စီးဆင်းနေပြီး ယခင်နေ့နှင့် နှိုင်းယဉ်ပါက ရေကျော်စီးဆင်းမှုအခြေအနေမှာ လျော့ကျလာလျက်ရှိကြောင်း သိရသည်။
အလားတူ ဆည်မြောင်းနှင့် ရေအသုံးချမှုစီမံခန့်ခွဲရေးဦး စီးဌာနက ထိန်းသိမ်းထားသော ရေလှောင်တမံ (၂၄၆) ခုအနက်မှ ကန်ရေပြည့် အမှတ်အထက်ကျော်လွန်၍ ရေပိုလွှဲမှရေကျော် စီးဆင်းနေသည့်
ရေလှောင်တမံများမှာ ကရင် ပြည်နယ်တွင် (၁)ခု၊ ချင်းပြည်နယ်တွင် (၃)ခု၊ စစ်ကိုင်းတိုင်းဒေသကြီးတွင်(၂)ခု၊ ပဲခူးတိုင်းဒေသကြီးတွင် (၁၁) ခု၊ မကွေးတိုင်းဒေသကြီးတွင် (၁၁) ခု၊ မန္တလေးတိုင်းဒေသကြီးတွင် (၄) ခု၊ နေပြည်တော်တွင် (၂)ခု၊ မွန်ပြည်နယ်တွင် (၂)ခု၊ ရခိုင်ပြည်နယ်တွင် (၁)ခု၊ ရန်ကုန်တိုင်းဒေသကြီးတွင် (၃) ခု၊ ရှမ်းပြည်နယ် (တောင်ပိုင်း) တွင် (၂) ခု၊ ရှမ်းပြည်နယ် (မြောက်ပိုင်း) တွင် (၁)ခုနှင့် ဧရာဝတီတိုင်းဒေသကြီးတွင် (၄) ခုဖြစ်ပြီး စုစုပေါင်း (၄၇) ခုရှိပြီး ယခင်နေ့ ရေကျော်ခဲ့သည့် ရေလှောင်တမံ (၅၀)ခုထက် (၃) ခု လျော့နည်းခြင်းဖြစ်သည်။
အဆိုပါရေလှောင်တမံများ၏ ကြံ့ခိုင်မှုအခြေအနေမှာ ကောင်းမွန်လျက်ရှိပြီး တာဝန်ကျဝန်ထမ်းများအား (၂၄) နာရီ ရေကင်းတာဝန်ချထား၍ အနီးကပ်စောင့်ကြပ်စစ်ဆေးလျက်ရှိကြောင်း၊ယင်းကြောင့် စိုးရိမ်ရန်မရှိကြောင်း သိရသည်။
-
တရုတ်နိုင်ငံမှ အလိုရှိနေသည့် တရားခံပြေး ချန်တာဝေ့ အပါအဝင် ကျားဖြန့်လုပ်ငန်း လုပ်ကိုင်သော တရုတ်နိုင်ငံသား ၂၀ ဦးအား ဖမ်ဆီးရမိခဲ့ပြီး တရုတ်နိုင်ငံသို့ လွှဲပြောင်းပေးအပ်
-
ပင်လယ်ပြင်အတွင်း ၁၆ ရက်ခန့် မျောပါနေသည့် မြန်မာလှေလုပ်သား သုံးဦးအား ဗီယက်နမ်နိုင်ငံ အလံတင် စားအုန်းဆီတင်သင်္ဘောမှ ကယ်ဆယ်ခဲ့
-
ရွှေစည်းခုံစေတီတော် အထွေထွေပြုပြင်ထိန်းသိမ်းရေးအတွက် Master Plan ရေးဆွဲရေး လုပ်ငန်းများ ပြုလုပ်နေ
-
ပြည်တွင်း ဈေးကွက်တွင် အမေရိကန် ဒေါ်လာစျေး ထပ်မံကျဆင်း
-
ရေလှောင်တမံနှင့် ရေထိန်းတမံများ ကြံ့ခိုင်မှုကောင်းမွန်၍ စိုးရိမ်စရာမရှိဟုဆို