မယ်ဆိုင် ခရိုင်တွင် ပြင်းထန်ရေကြီးမှုအတွက် တာဝန်ရှိသည်ဆိုသော ဆိုရှယ်မီဒီယာပို့စ်များ ဆက်တိုက်ထွက်ပေါ်ခဲ့ပြီးနောက် မြောက်ပိုင်းတိုင်းရင်းသူပုံစံထုလုပ်ထားသော မယ်ဆိုင် နတ်သမီးရုပ်တုကို မူအန်ခရိုင်ရှိ ချင်းရိုင် ခေတ်ပြိုင်ပန်းချီပြတိုက် (CCAM)သို့ လွန်ခဲ့သော သီတင်းပတ်တွင် ရွှေ့ပြောင်းခဲ့သည်။
ထိုင်းအနုပညာရှင် ခရိုင်ဝတ်ဒွန်ဂျက် ထုလုပ်ထားသော မယ်ဆိုင် နတ်သမီးရုပ်တုကို ရူမျှော်ခင်း ကောင်းမွန်စေရန် ကြိုးပမ်းမှု အစိတ်အပိုင်းအဖြစ် မယ်ဆိုင် ခရိုင်ရှိ ထိုင်း-မြန်မာ နယ်စပ်ဂိတ်၏ အရှေ့တွင် ယခင်က စိုက်ထူထားခဲ့သည်။
အဆိုပါ ရုပ်တုသည် မယ်ဆိုင် ခရိုင်၌ ပြင်းထန်သော ရေကြီးမှု၏အကြောင်းရင်းဖြစ်သည်ဟု နတ်များနှင့်သဘာဝလွန်ဖြစ်ရပ်တို့ကို ခိုင်ခိုင်မာမာယုံကြည်သော ဆိုရှယ်မီဒီယာသုံသူများက ဖော်ပြခဲ့ကြသည်။
အဆိုပါရုပ်တု၌ကျိန်စာ ရှိမနေကြောင်းသက်သေပြရန်ကြိုးပမ်းမှုအဖြစ် ရုပ်တုအား CCAM သို့ရွှေ့ထားရန် အမျိုးသားပန်းချီဆရာချာလမ်ချိုင်းကိုဆစ်ပီတက်ကပန်းချီဆရာများနှင့်အာဏာပိုင်များကို စက်တင်ဘာ ၁၅ ရက်တွင် မေတ္တာရပ်ခံခဲ့သည်။
မယ်ဆိုင်နတ်သမီးက မယ်ဆိုင်ခရိုင်ကို ဝရုန်းသုန်းကား အခြေအနေများ ဖြစ်ပေါ်စေသည်ဟု ပြောဆိုနေခြင်းများသည် အဓိပ္ပာယ်မရှိဟုကြောင်း ချာလမ်ချိုင်းက Facebook fanpage တွင်တင်ခဲ့သော ဗီဒီယို၌ ပြောကြားခဲ့သည်။
ပြည်သူများက ရုပ်တုကို အပြစ်မတင်ကြရန် သို့မဟုတ် ရုပ်တုကို မကြောက်ကြရန် ၎င်းကတိုက်တွန်းခဲ့ပြီး နတ်သမီးရုပ်က ရေကြီးမှုများ သို့မဟုတ်အခြားသော ဘေးအန္တရာယ်များကို မဖြစ်စေနိုင်ဟု ဆိုသည်။
ချင်းရိုင်၌ပြုလုပ်သော အပြည်ပြည်ဆိုင်ရာခေတ်ပြိုင် ပန်းချီပြပွဲဖြစ်သည့် Thailand Biennale ကို မြှင့်တင်ရန် ဖန်တီးခဲ့သော မယ်ဆိုင်နတ်သမီးရုပ်တုသည် ဆိုရှယ်မီဒီယာပို့စ်များ၏ ပစ်မှတ်ဖြစ်လာခဲ့သည်။
နယ်ခံများက မယ်ဆိုင်ရေကြီးမှုအတွက် ရုပ်တုကို အပြစ်တင်ခဲ့ပြီးနောက် ယင်းရုပ်ကို ပြတိုက်သို့ပြောင်းရွှေ့ခဲ့သည်။
Ref:The Nation
Photos:The Nation
-
မန္တလေးတိုင်း မြို့နယ်သုံးမြို့နယ်ရှိ ကျေးရွာများသို့ ပြင်ဦးလွင် မူစလင်လူမှုကူညီရေးအသင်း မှကျပ်သိန်း(၄၀၀)တန်ဖိုးရှိ စားနပ်ရိက္ခာများ သွားရောက်လှူဒါန်း
-
စက်သုံးဆီလုပ်ငန်းရှင်များအား အမေရိကန်ဒေါ်လာ သန်း ၃၀ ရောင်းချပေးမည်
-
မြန်မာနိုင်ငံတွင်းရေကြီးရေလျှံမှုကို ပံ့ပိုးကူညီရန်နှင့် ပြန်လည်ထူထောင်ရေးကြိုးပမ်းမှုများအတွက် အက်တမ် (ATOM) မှ ကယ်ဆယ်ရေးပြန်လည်ထူထောင်ရေးမတည်ငွေ မြန်မာငွေကျပ်သိန်းပေါင်း ၁၀,၀၀၀ လှူဒါန်း
-
အပူပိုင်း မုန်တိုင်း “ဆိုးလစ်ခ်” ၏ မုန်တိုင်းအကြွင်းအကျန်နှင့် လေပွေလှိုင်းများကြောင့် နိုင်ငံတစ်ဝန်းနေရာကွက် မိုးကြီးနိုင်
-
ရေဘေးသင့်ပြည်သူများအတွက် မြန်မာဂုဏ်ထူးဆောင် ကောင်စစ်ဝန်က ယန်း(၃)သိန်းလှူဒါန်း
