စစ်တောင်းမြစ်ရေ ဆက်လက်မြင့်တက်နိုင်သဖြင့် မြစ်ကမ်းနဘေး နေထိုင်ကြသူများ ရေဘေးလွတ်ရာသို့ ရှောင်ရှားကြရန် ယနေ့ စက်တင်ဘာ (၁၉) ရက် နံနက်ပိုင်း တိုင်းထွာရရှိချက်ကို မိုးလေဝသနှင့်ဇလဗေဒညွှန်ကြားမှု ဦးစီးဌာန၏ သတိပေးနှိုးဆော်ထားသည်။
ယနေ့ မိုး/ဇလ၏ အသိပေးချက်တွင် စစ်တောင်းမြစ်ရေသည် မဒေါက်မြို့၏ စိုးရိမ်ရေမှတ်အထက်သို့ (၅)ပေခန့်ကျော်လွန်ရောက်ရှိနေပြီး၊ အဆိုပါမြစ်ရေသည် နောက်တစ်ရက်အတွင်း (၂)ပေခန့် ဆက်လက်မြင့်တက်လာနိုင်ကာ စိုးရိမ်ရေမှတ်အထက်တွင် ဆက်လက်တည်ရှိနိုင်သည်ဟု အသိပေးထားသည်။
အလားတူ စစ်တောင်းမြစ်ရေသည် တောင်ငူမြို့၏ စိုးရိမ်ရေမှတ်အထက် (၃)ပေခွဲ ကျော်လွန်ရောက်ရှိနေပြီး၊ အဆိုပါ မြစ်ရေသည် နောက်တစ်ရက်အတွင်း (၃)လက်မခန့်သာ ကျဆင်းနိုင်ပြီး စိုးရိမ်ရေမှတ်အထက်တွင် ဆက် လက်တည်ရှိနေမည်ဖြစ်ကြောင်း ဆိုသည်။
ယင်းအပြင် သံလွင်မြစ်ရေသည် လက်ရှိအချိန်တွင် ဘားအံမြို့၏ စိုးရိမ်ရေမှတ်အထက် (၁)ပေခွဲခန့်ကျော်လွန်ရောက်ရှိနေပြီး၊ အဆိုပါ မြစ်ရေသည် နောက်တစ်ရက်အတွင်း (၁)ပေခွဲခန့် ကျဆင်းလာနိုင်ကာ စိုးရိမ်ရေမှတ်အထက်တွင် ဆက်လက်တည်ရှိနေနိုင်ကြောင်း ဆိုသည်။
ထို့အပြင် ရွှေကျင်မြစ်ရေသည် ရွှေကျင်မြို့၏ စိုးရိမ်ရေမှတ်အောက် (၁)ပေခွဲတွင် ရောက်ရှိနေပြီး ၊ အဆိုပါမြစ်ရေသည် နောက်တစ်ရက်အတွင်း စိုးရိမ်ရေမှတ်သို့ ရောက်ရှိနိုင်ကြောင်း သတိပေးထားသည်။
ထို့ကြောင့် မဒေါက်မြို့ ၊ တောင်ငူမြို့၊ ရွှေကျင်မြို့နှင့် ဘားအံမြို့တို့ရှိ မြစ်ကမ်းနဘေး နေထိုင်ကြသူများအနေဖြင့် ရေဘေးလွတ်ရာ နေရာများသို့ရှောင်ရှားကြရန် သတိပေး နှိုးဆော်ထားသည်။
-
မန္တလေးတိုင်း မြို့နယ်သုံးမြို့နယ်ရှိ ကျေးရွာများသို့ ပြင်ဦးလွင် မူစလင်လူမှုကူညီရေးအသင်း မှကျပ်သိန်း(၄၀၀)တန်ဖိုးရှိ စားနပ်ရိက္ခာများ သွားရောက်လှူဒါန်း
-
စက်သုံးဆီလုပ်ငန်းရှင်များအား အမေရိကန်ဒေါ်လာ သန်း ၃၀ ရောင်းချပေးမည်
-
မြန်မာနိုင်ငံတွင်းရေကြီးရေလျှံမှုကို ပံ့ပိုးကူညီရန်နှင့် ပြန်လည်ထူထောင်ရေးကြိုးပမ်းမှုများအတွက် အက်တမ် (ATOM) မှ ကယ်ဆယ်ရေးပြန်လည်ထူထောင်ရေးမတည်ငွေ မြန်မာငွေကျပ်သိန်းပေါင်း ၁၀,၀၀၀ လှူဒါန်း
-
အပူပိုင်း မုန်တိုင်း “ဆိုးလစ်ခ်” ၏ မုန်တိုင်းအကြွင်းအကျန်နှင့် လေပွေလှိုင်းများကြောင့် နိုင်ငံတစ်ဝန်းနေရာကွက် မိုးကြီးနိုင်
-
ရေဘေးသင့်ပြည်သူများအတွက် မြန်မာဂုဏ်ထူးဆောင် ကောင်စစ်ဝန်က ယန်း(၃)သိန်းလှူဒါန်း