မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီးမှ သီးခြားဖွဲ့စည်းထားသည့် သဘာဝဘေးသင့်ပြည်သူများ ပံ့ပိုးကူညီရေးကော်မတီက ယနေ့ စက်တင်ဘာ(၁၉)ရက်တွင် တောင်ငူနှင့် တပ်ကုန်းဒေသရှိ ရေဘေးသင့်ပြည်သူ အိမ်ထောင်စု (၃,၀၀၀) အတွက် စားနပ်ရိက္ခာများ စတင်ထောက်ပံ့ပေးသွားမည်ဖြစ်ကြောင်း သိရသည်။
အဆိုပါ ကော်မတီအနေဖြင့် ယနေ့ နံနက်ပိုင်းတွင် ရေဘေးသင့်ပြည်သူများထံသို့ စတင်
ထွက်ခွာနေပြီး၊ ဒေသခံပြည်သူများနှင့်တွေ့ဆုံဆွေးနွေးကာ မည်သည့်ဒေသ ၊မည်သို့သောထောက်ပံ့မှု လိုအပ်သည်ကို ကော်မတီမှ ပြန်လည်ဆွေးနွေးကာ ဆက်လက်ထောက်ပံ့သွားရန်ရှိသည်ဟု ဆိုသည်။
” ကျွန်တော်တို့ဒီနေ့ စထွက်ပါပြီ။ကျွန်တော်တို့ တစ်မိသားစု တစ်ပတ် ဆယ်ရက်စာ စားနိုင်မယ့် ဆန်တို့ဆီတို့ပေါ့။ မိသားစုသုံးထောင်စာလောက်လှူဒါန်းဖို့ရှိတယ်။ အခုက ပထမအကြိမ်ဆိုတော့ ဒေသခံတွေကို မေးမြန်းပြီး ဘာဒေသတွေမှာ ဘာတွေလိုအပ်တယ်ဆိုတာကို ကော်မတီက ဆုံးဖြတ်ပြီးနောက်ပိုင်းတွေဆက်လက် ထောက်ပံ့ကူညီဖို့ရှိပါတယ်”ဟု သဘာဝဘေးသင့်ပြည်သူများ ပံ့ပိုးကူညီရေးကော်မတီ ပြန်ကြားရေးတာဝန်ခံဦးဝင်းထွန်းစိုးက ပြောသည်။
ရေဘေးသင့်ပြည်သူများကို ကူညီရန် ယခုလ စက်တင်ဘာ (၁၄)ရက်၌ မြန်မာ နိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီးက နာယက(၅)ဦးပါဝင်သည့် အဖွဲ့ဝင်(၄၅)ဦးဖြင့် ဖွဲ့စည်းခဲ့ခြင်းဖြစ်ကြောင်း သိရသည်။
-
မန္တလေးတိုင်း မြို့နယ်သုံးမြို့နယ်ရှိ ကျေးရွာများသို့ ပြင်ဦးလွင် မူစလင်လူမှုကူညီရေးအသင်း မှကျပ်သိန်း(၄၀၀)တန်ဖိုးရှိ စားနပ်ရိက္ခာများ သွားရောက်လှူဒါန်း
-
စက်သုံးဆီလုပ်ငန်းရှင်များအား အမေရိကန်ဒေါ်လာ သန်း ၃၀ ရောင်းချပေးမည်
-
မြန်မာနိုင်ငံတွင်းရေကြီးရေလျှံမှုကို ပံ့ပိုးကူညီရန်နှင့် ပြန်လည်ထူထောင်ရေးကြိုးပမ်းမှုများအတွက် အက်တမ် (ATOM) မှ ကယ်ဆယ်ရေးပြန်လည်ထူထောင်ရေးမတည်ငွေ မြန်မာငွေကျပ်သိန်းပေါင်း ၁၀,၀၀၀ လှူဒါန်း
-
အပူပိုင်း မုန်တိုင်း “ဆိုးလစ်ခ်” ၏ မုန်တိုင်းအကြွင်းအကျန်နှင့် လေပွေလှိုင်းများကြောင့် နိုင်ငံတစ်ဝန်းနေရာကွက် မိုးကြီးနိုင်
-
ရေဘေးသင့်ပြည်သူများအတွက် မြန်မာဂုဏ်ထူးဆောင် ကောင်စစ်ဝန်က ယန်း(၃)သိန်းလှူဒါန်း