PSG အသင်းတိုက်စစ်မှူး ဘာပေနှင့် ကိုယ်စားလှယ်အဖွဲ့သည် ကမ္ဘာ့စံချိန်တင်ပြောင်းရွှေ့ကြေးဖြင့် ကမ်းလှမ်းမှုရရှိထားသော်လည်း ဆော်ဒီကလပ် အယ်လ်ဟီလာအသင်းတာဝန်ရှိသူများနှင့် ပါရီမြို့၌ တွေ့ဆုံဆွေးနွေးရန် ငြင်းဆန်ခဲ့ကြောင်း သိရသည်။
ပြင်သစ်အားကစားသတင်းစာ L'Equipe ၏ ဖော် ပြမှုအရ အယ်လ်ဟီလာအသင်းတာဝန်ရှိသူများသည် ဗုဒ္ဓဟူးနေ့တွင် ပါရီမြို့၌ ဘာပေနှင့်ဆွေးနွေးရန် စီစဉ်ထားသော်လည်း ကစားသမားဘက်မှ ငြင်းဆန်ခဲ့ခြင်းဖြစ်ကြောင်း သိရသည်။
အယ်လ်ဟီလာအသင်းသည် အသက် (၂၄) နှစ်အရွယ် ပြင်သစ်ကြယ်ပွင့်တိုက်စစ်မှူး ဘာပေကို ကမ္ဘာ့စံချိန်တင်ပြောင်းရွှေ့ကြေး ယူရိုသန်း ၃၀၀ (ပေါင် ၂၅၉ သန်း) ဖြင့် ကမ်းလှမ်းထားသောကြောင့် PSG အသင်းမှ ကစားသမားနှင့် ဆွေးနွေးရန် ခွင့်ပြုထားခြင်းဖြစ်သည်။
သို့သော် ဘာပေအနေဖြင့် ဆော်ဒီလိဂ်ပြိုင်ပွဲသို့ ပြောင်းရွှေ့ရန် ဆန္ဒမရှိသောကြောင့် ငြင်းဆန်ခြင်းဖြစ်ကြောင်း L'Equipe သတင်းစာက ဖော်ပြခဲ့ပြီး PSG အသင်းကမူ အတည်ပြုခြင်းမရှိကြောင်း သိရသည်။
အယ်လ်ဟီလာအသင်းအနေဖြင့် ဘာပေအတွက် ကမ္ဘာ့စံချိန်တင်ပြောင်းရွှေ့ကြေးဖြင့် ကမ်းလှမ်းထားသလို တစ်ရာသီအတွက် လစာ ယူရိုသန်း (၇၀၀) အထိပေးချေရန် စီစဉ်ထားကြောင်း သတင်းများထွက်ပေါ်လျက်ရှိသည်။
အဆိုပါကမ်းလှမ်းမှုအရ ဘာပေအနေဖြင့် အယ်လ်ဟီလာအသင်းသို့ ပြောင်းရွှေ့ပါက တစ်စက္ကန့်လျှင် ၂၂ ယူရို၊ တစ်မိနစ်လျှင် ၁၃၃၂ ယူရို၊ တစ်နာရီလျှင် ၇၉၉၀၀ ယူရို၊ တစ်ရက်လျှင် ယူရို ၁.၉ သန်း၊ တစ်ပတ်လျှင် ယူရို ၁၃.၃ သန်း၊ တစ်လလျှင် ယူရို ၅၈.၃၃ သန်းအထိ ရရှိနိုင်ကြောင်း သိရသည်။
အပြောင်းအရွှေ့ကျွမ်းကျင်သူ အီတလီဂျာနယ်လစ် ဖာဘရီဇီယိုရိုမာနိုကမူ အယ်လ်ဟီလာအသင်း၏ ကမ်းလှမ်းမှုမှာ အသားတင်လစာ ယူရိုသန်း (၂၀၀) သာဖြစ်ပြီး ပုံရိပ်အသုံးပြုခအပါအဝင် အခြားဝင်ငွေများကို ထည့်တွက်လျှင် ယူရို သန်း (၇၀၀) ရရှိမည်ဖြစ်ကြောင်း ရေးသားဖော်ပြထားသည်။
-
မန္တလေးတိုင်း မြို့နယ်သုံးမြို့နယ်ရှိ ကျေးရွာများသို့ ပြင်ဦးလွင် မူစလင်လူမှုကူညီရေးအသင်း မှကျပ်သိန်း(၄၀၀)တန်ဖိုးရှိ စားနပ်ရိက္ခာများ သွားရောက်လှူဒါန်း
-
စက်သုံးဆီလုပ်ငန်းရှင်များအား အမေရိကန်ဒေါ်လာ သန်း ၃၀ ရောင်းချပေးမည်
-
မြန်မာနိုင်ငံတွင်းရေကြီးရေလျှံမှုကို ပံ့ပိုးကူညီရန်နှင့် ပြန်လည်ထူထောင်ရေးကြိုးပမ်းမှုများအတွက် အက်တမ် (ATOM) မှ ကယ်ဆယ်ရေးပြန်လည်ထူထောင်ရေးမတည်ငွေ မြန်မာငွေကျပ်သိန်းပေါင်း ၁၀,၀၀၀ လှူဒါန်း
-
အပူပိုင်း မုန်တိုင်း “ဆိုးလစ်ခ်” ၏ မုန်တိုင်းအကြွင်းအကျန်နှင့် လေပွေလှိုင်းများကြောင့် နိုင်ငံတစ်ဝန်းနေရာကွက် မိုးကြီးနိုင်
-
ရေဘေးသင့်ပြည်သူများအတွက် မြန်မာဂုဏ်ထူးဆောင် ကောင်စစ်ဝန်က ယန်း(၃)သိန်းလှူဒါန်း
