စပိန်အသင်းနည်းပြ အင်းနရစ်က ဘာစီလိုနာအသင်းအနေဖြင့် မက်ဆီ မရှိတော့လျှင်လည်း ဆုဖလားများ ရယူနိုင်ဦးမည်ဖြစ်ကြောင်း ပြောကြားခဲ့သည်။
အသက်(၃၃)နှစ်အရွယ်ရှိ အာဂျင်တီးနားတိုက်စစ်မှူး မက်ဆီသည် အသင်းမှထွက်ခွာရန် တောင်းဆိုခဲ့သော်လည်း ဘာစီလိုနာအသင်းက လျော်ကြေးယူရိုသန်း (၇၀၀) ရမှသာ ထွက်ခွာခွင့်ပေးမည်ဟု အကြောင်းပြန်ခဲ့ကြောင်း သိရသည်။
ထို့ကြောင့် မက်ဆီက မိမိအနေဖြင့် ဘာစီလိုနာအသင်းနှင့် တရားရုံးတွင် ရင်မဆိုင်လိုသဖြင့် အသင်းတွင်ဆက်ကစားမည်ဖြစ်ကြောင်း ကြေညာခဲ့သည်။
ဘာစီလိုနာအသင်းကို ၂၀၁၄ ခုနှစ်မှ ၂၀၁၇ ခုနှစ်အထိ ကိုင်တွယ်ခဲ့သည့် အင်းနရစ်က အသင်းထက်ပိုအရေးကြီးသူ မရှိကြောင်း ပြောကြားခဲ့သည်။
အင်းနရစ်က "အသင်းရဲ့အထက်မှာ ဘယ်သူမှ မရှိပါဘူး။ ကစားသမားလည်း မရှိဘူး။ အသင်းဥက္ကဋ္ဌလည်း မရှိဘူး။ ဘာစီလိုနာအသင်းကို ၁၈၉၉ ခုနှစ်က တည်ထောင်ခဲ့ပြီး ကမ္ဘာ့အကောင်းဆုံးအသင်းတွေထဲက တစ်သင်းဖြစ်ပါတယ်။ ဘာစီလိုနာအသင်းဟာ အမြဲတမ်း ဆုဖလားတွေ ရရှိခဲ့တဲ့အသင်းပါ။ ဘာစီလိုနာနဲ့မက်ဆီတို့အကြား အလွန်အံ့သြစရာကောင်းတဲ့ ဆက်ဆံရေးရှိပါတယ်။ မက်ဆီဟာ ဘာစီလိုနာအသင်းကို ကြီးထွားအောင်လုပ်ပေးခဲ့တာ သံသယဖြစ်စရာ မလိုပါဘူး။ ဒါပေမဲ့ အနည်းနဲ့ အမြန်ဆိုသလို မက်ဆီဟာ ဘာစီလိုနာမှာ ကစားတော့မှာ မဟုတ်ပါဘူး။ ဘာစီလိုနာအသင်းဟာ မက်ဆီမရှိဘဲ ဆုဖလားတွေ ရနေဦးမှာ ဖြစ်သလို၊ မက်ဆီဟာလည်း အံ့သြစရာကောင်းတဲ့ ကစားသမားအဖြစ် ရှိနေပါလိမ့်မယ်"ဟု ပြောကြားခဲ့သည်။
လာမည့် ၂၀၂၀-၂၁ ရာသီတွင် ဘာစီလိုနာအသင်း၌ ဆက်ရှိနေမည်ဟု ကြေညာခဲ့သည့် မက်ဆီက မိမိအနေဖြင့် အသင်းအတွက် အကောင်းဆုံးပေးဆပ်သွားမည်ဖြစ်ကြောင်းလည်း ပြောကြားခဲ့သည်။
-
အာလူးတပိဿာ (၁၀,၀၀၀) ကျပ်ဝန်းကျင်ထိ ဈေးမြင့်တက်လာ
-
ရှန်ဟိုင်းတွင် သီတင်းတစ်ပတ်အတွင်း ဒုတိယမြောက်တိုင်ဖွန်း ဝင်ရောက်တိုက်ခတ်
-
အစွန်းရောက်ကြိုးကိုင်မှုများကိုတားဆီးရန် CLV ဖွံ့ဖြိုးတိုးတက်ရေးတြိဂံဒေသမှ ကမ္ဘောဒီးယားနှုတ်ထွက်
-
အင်းလေးဒေသတွင် ရေဘေးသင့်ပြည်သူများ ခိုလှုံနေသည့် ဘုန်းကြီးကျောင်းများ၌ လူပြည့် လူလျှံရှိနေပြီး အကူအညီ အထောက်ပံ့များ လိုအပ်နေ
-
ရေဘေးသင့် ဒေသများသို့ ဆေးဝါးလှူဒါန်းမည့် အလှူရှင်များကို အထူးကိစ္စရပ်အနေဖြင့် ရောင်းချပေးနေ