ဖနွမ်းပင်၊စက်တင်ဘာ ၂၁
ကမ္ဘောဒီးယားပြည်သူ့ပါတီဥက္ကဌ မစ္စတာဟွန်ဆန်၊ဝန်ကြီးချုပ် ဟွန်မာနက်နှင့် အခြားအကြီးတန်းအရာရှိများက ၎င်းတို့နိုင်ငံအနေဖြင့် ကမ္ဘောဒီးယား – လာအို – ဗီယက်နမ် ဖွံ့ဖြိုးတိုးတက်ရေးတြိဂံနယ်မြေ (CLV-DTA) မှ နှုတ်ထွက်ကြောင်းထုတ်ပြန်ကြေငြာခဲ့ကြသည်။
အထက်လွှတ်တော် ဥက္ကဋ္ဌက စက်တင်ဘာ ၂၀ ရက်ညပိုင်းတွင် ၎င်း၏ဖေ့စ်ဘွတ်ခ်စာမျက်နှာမှ အဆိုပါ ဆုံးဖြတ်ချက်ကို ထုတ်ပြန်ကြေငြာရာ၌ စက်တင်ဘာ ၂၀ ရက်မှစ၍ အကျုံးဝင်သည်ဟုဆိုသည်။
ကမ္ဘောဒီးယား၏ထုတ်ပြန်ချက်၌ CLV ဒေသကို ၂၅ နှစ်တိုင်တိုင် အတူလက်တွဲဖော်ဆောင်နိုင်ခဲ့ပြီး Kratie၊ Stung Treng၊Mondulkiri နှင့် Ratanakkiri ဒေသများတွင် အမှန်တကယ်ဖွံ့ဖြိုးတိုးတက်မှုများရရှိအောင်မြင်ခဲ့သည်ဟုဖော်ပြထားသည်။
သို့သော် အစွန်းရောက်သမားများက CLV ဒေသကိုအသုံးချကာ ပြည်သူများဇဝေဇဝါဖြစ်စေရန် အစိုးရကို ဆဲဆိုတိုက်ခိုက်ဖို့ နိုင်ငံရေးလက်နက်အဖြစ်အသုံးပြုခဲ့ကြသဖြင့် ယခုကဲ့သို့ နှုတ်ထွက်ရခြင်းလည်းဖြစ်ကြောင်းပြောကြားထားသည်။
ကမ္ဘောဒီးယားဘက်ကအတည်ပြုထုတ်ပြန်ကြေငြာပြီးနောက် ကမ္ဘောဒီးယားနိုင်ငံခြားရေးဝန်ကြီးက လာအိုနှင့်ဗီယက်နမ်မှ သက်ဆိုင်သည့် နိုင်ငံခြားရေးဝန်ကြီးများထံ စာပေးပို့ဆက်သွယ်အကြောင်းကြားခဲ့သည်ဟုလည်းသိရသည်။
CLV ဖွံ့ဖြိုးတိုးတက်ရေးတြိဂံဒေသဆိုသည်မှာစီးပွားရေး၊အခြေခံအဆောက်အဦ၊ကျန်းမာရေးစောင့်ရှောက်မှု၊ပညာရေးနှင့် လုံခြုံရေးဆိုင်ရာ ပူးပေါင်းဆောင်ရွက်မှုများ မြှင့်တင်ရန်ရည်ရွယ်လျက်တည်ထောင်ခဲ့ကြခြင်းဖြစ်သည်။
Source : ခမာတိုင်းမ်စ်
-
အမြန်လမ်းတွင် ရေဘေးသင့်ဒေသသို့ သွားရောက်လှူဒါန်းသည့် အလှူကား(၁)စီး တိမ်းမှောက်မှု ထပ်မံဖြစ်ပွား
-
ပုဂံရှေးဟောင်းယဉ်ကျေးမှုနယ်မြေအတွင်း မိုးသည်းထန်စွာရွာသွန်းမှုကြောင့် သစ်ပင်လဲကျမှုများ ဆက်တိုက်ဖြစ်ပေါ်
-
ထိုင်းနိုင်ငံတွင် တန်းစီဝယ်ယူခဲ့ရသည့် iPhone 16S ကို ပထမဆုံးဝယ်ယူနိုင်ခဲ့သူမှာ မြန်မာအမျိုးသမီးတစ်ဦးဖြစ်
-
ဒညင်းကုန်းဂေါက်ကွင်းအနီးတွင် လမ်းဘေး၌ရပ်ထားသည့် လိုက်ထရပ်ယာဉ်အား ဘိလပ်မြေယာဉ်မှ တိုက်မိသဖြင့် ခြောက်ဦးဒဏ်ရာရရှိ
-
ပြည်နယ်အားကောင်းရေးမှ ပြည်ထောင်စုအားကောင်းရေးကို အခြေခံမူများနှင့်အညီ တည်ဆောက်မည်ဟု KNU ၊ KNPP ၊ CNF အပါအဝင် အဖွဲ့ကိုးဖွဲ့ထုတ်ပြန်
