ဝက်စ်ဘရွန်းနှင့်ပွဲတွင် စပါးအတွက် တစ်လုံးတည်းသောအနိုင်ဂိုးကို သွင်းယူခဲ့သည့် ဟာရီကိန်းသည် ပရီးမီးယားလိဂ်သွင်းဂိုး (၁၅၀) ပြည့်မြောက်သည့် (၁၀)ဦးမြောက် ကစားသမားဖြစ်လာခဲ့ပြီး လီဗာပူးလ်၊ နယူးကာဆယ်၊ မန်ယူနှင့် စတုတ်စီးတီးတို့တွင် ကစားခဲ့သည့် အင်္ဂလန်တိုက်စစ်မှူးဟောင်း မိုက်ကယ်အိုဝင်၏စံချိန်ကိုလည်း လိုက်မီခဲ့သည်။
ဂျာမနီလက်ရွေးစင်အသင်း၏ နည်းပြဖြစ်သူ ယော်ကင်လိုးက လက်ရှိအချိန်တွင် ဝါရင့်လက်ရွေးစင်ဟောင်းများဖြစ်သည့် သောမတ်စ်မူလာ၊ မတ်စ်ဟမ်းမဲလ်နှင့် ဘိုတန်တို့သည် ခြေစွမ်းပြကစားနေကြသဖြင့် ပြန်လည်ရွေးချယ်ရန် စဉ်းစားနေသည်ဆိုသည့်သတင်းများအား "ကျွန်တော်တို့ နောက်ပြန်လှည့်မှာ မဟုတ်ပါဘူး" ဟု ဆိုကာ ငြင်းဆန်ပယ်ချခဲ့သည်။
မန်ယူအသင်း၏ အသင်းခေါင်းဆောင်ဟောင်းနှင့် ရုပ်သံသုံးသပ်သူ ရွိုင်ကင်းက မန်စီးတီးအသင်း၏တိုက်စစ်မှူး အဂွဲရိုးသည် ကာလရှည်ဒဏ်ရာက ပြန်လာပြီးကတည်းက ကိုယ်အလေးချိန်အလွန်များနေသည့်ပုံဖြစ်ပြီး၊ လေးလံနေကြောင်း၊ ယင်းအတွက်ကြောင့် ဒဏ်ရာများ ပိုမိုရလွယ်လိမ့်မည်ဖြစ်ကြောင်း သုံးသပ်ပြောကြားခဲ့သည်။
ပရီးမီးယားလိဂ် နာမည်ကျော်တိုက်စစ်မှူးဟောင်းတစ်ဦးနှင့် လက်ရှိဘောလုံးသုံးသပ်သူအဖြစ် ဆောင်ရွက်နေသည့် ခရစ္စဆပ်တန်က ယခုနှစ်ဘောလုံးရာသီတွင် မည်သည့်အသင်း ချန်ပီယံဖြစ်မလဲဆိုသည်ကို ဆုံးဖြတ်မည့်အချက်တစ်ခုမှာ ဒဏ်ရာပြဿနာဖြစ်နိုင်ကြောင်းနှင့် အသင်းဆေးအဖွဲ့များသည် အလွန်အရေးပါလာလိမ့်မည်ဖြစ်ကြောင်း သုံးသပ်ခဲ့သည်။
လက်စတာစီးတီးအသင်း၏ နည်းပြဖြစ်သူ ဘရန်ဒန်ရော်ဂျာက ယခုရာသီတွင် အမှတ်ပေးဇယားထိပ်ဆုံးတွင် ရပ်တည်နိုင်အောင်စွမ်းဆောင်နေကြသည့် အသင်း၏ကစားသမားများအား ချီးကျူးပြောဆိုမှုများပြုလုပ်ခဲ့ပြီး အသင်း၏ အကောင်းဆုံးအချိန်ဖြစ်သော်လည်း ချန်ပီယံဆုအတွက်မူ အာမမခံနိုင်ကြောင်း ပြောကြားခဲ့သည်။
-
ရေဘေးကြောင့် ပျက်စီးခဲ့သည့် ပညာရေးအဆောက်အဦများကို နိုင်ငံတော်အစိုးရမှအမြန်ဆုံးပြင်ဆင်တည်ဆောက်ပေးသွားမည်
-
စနေတစ်ရက်တွင် ခွဲစိတ်ဆရာဝန် လုပ်သည့် ဘူတန်ဝန်ကြီးချုပ်
-
ဒဂုံမြို့သစ်(တောင်ပိုင်း)မြို့နယ် ၁၀၇ ရပ်ကွက် အုပ်ချုပ်ရေးမှူးရုံး ဝင်ရောက်ပစ်ခတ်ခံရပြီး အုပ်ချုပ်ရေးမှူးနှင့် ရာအိမ်မှူးတစ်ဦး သေဆုံးကာ တစ်ဦးဒဏ်ရာရရှိ
-
အမေရိကန်သံတမန် တောင်ကိုရီးယားသို့ လာရောက်စဉ်အတွင်း မြောက်ကိုရီးယားက ဒုံးပစ်လွှတ်မှုထပ်မံပြုလုပ်
-
အိန္ဒိယဝန်ကြီးချုပ် မိုဒီက နယူးဒေလီတွင် ရွေးကောက်ပွဲ မတိုင်မီ ဧရာမ လူထုစုဝေးပွဲ ပြုလုပ်
