အာဆင်နယ် ၀-၃ အက်စတွန်ဗီလာ
အာဆင်နယ်အတွက်တော့ သင်ခန်းစာတွေ အများကြီးရတဲ့ပွဲလို့ပဲ ပြောရမယ်။ သူတို့ကိုယ်တိုင်က ခံစစ်ကနေ တိုက်စစ်ကို အလျင်အမြန် Transition လုပ်ပြီး ကစားလေ့ရှိတဲ့အသင်းဆိုပေမဲ့ ဒီပွဲမှာ ဗီလာက သူတို့ကို ဒီလိုပုံစံမျိုးပဲ ပြန်ကစားသွားခဲ့ပြီး အနိုင်ယူသွားခဲ့ခြင်းဖြစ်တယ်။ လီဗာပူးလ်နဲ့ပွဲတုန်းက အံ့သြသင့်စရာတွေလုပ်ပြခဲ့ဖူးတဲ့ ဗီလာဟာ ဒီရာသီမှာ အ့ံသြစရာတွေနဲ့ ပြည့်နှက်နေတဲ့အသင်းပါ။
လီဗာပူးလ်ကိုတင်မဟုတ်ဘဲ၊ လက်စတာကို အဝေးကွင်းမှာ ထပ်နိုင်တယ်။ ပြီးတော့ တန်းတက် လိဒ်စ်ကို ရှုံးတယ်၊ ဆောက်သမ်တန်ကို ထပ်ရှုံးတယ်။ ဒီတစ်ခါတော့ အာဆင်နယ်ကို အဝေးကွင်းမှာ ဂိုးပြတ်သွင်းတဲ့ အလှည့်ဖြစ်နေပြန်တယ်။ ဒီရာသီမှာ ပရီးမီးယားလိဂ် ကြီး (၆)ကြီးထဲက (၄)သင်းနဲ့ ကစားထားပြီး မန်ယူ၊ လီဗာပူးလ်၊ လက်စတာ၊ အာဆင်နယ်တို့ အားလုံးကို အနိုင်ကစားခဲ့တာလည်း အံ့သြစရာကောင်းတယ်။
အကောင်းဆုံးပုံစံပြခဲ့သူကတော့ ထုံးစံအတိုင်း ကွင်းလယ်လူ ဂရီးလစ်ရှ်နဲ့ တိုက်စစ်မှူး ဝက်ကင်စ်တို့ ဖြစ်ပြီး ဘာကလေ၊ ထရာဇီဂေး၊ မက်ဂင်းတို့လည်း ခြေစွမ်းပြနိုင်ခဲ့ပါတယ်။ အက်စတွန်ဗီလာအတွက် အဖွင့်ဂိုးကို (၂၅)မိနစ် မှာ ဆာကာက OG သွင်းယူခဲ့လို့ ရရှိခဲ့ပြီး နောက်ထပ်ဂိုးတွေကိုတော့ အော်လီဝတ်ကင်စ်တစ်ဦးတည်းက (၇၂၊ ၇၅) မိနစ်တွေမှာ သွင်းယူသွားခဲ့တာဖြစ်ပါတယ်။
-
ရေဘေးကြောင့် ပျက်စီးခဲ့သည့် ပညာရေးအဆောက်အဦများကို နိုင်ငံတော်အစိုးရမှအမြန်ဆုံးပြင်ဆင်တည်ဆောက်ပေးသွားမည်
-
စနေတစ်ရက်တွင် ခွဲစိတ်ဆရာဝန် လုပ်သည့် ဘူတန်ဝန်ကြီးချုပ်
-
ဒဂုံမြို့သစ်(တောင်ပိုင်း)မြို့နယ် ၁၀၇ ရပ်ကွက် အုပ်ချုပ်ရေးမှူးရုံး ဝင်ရောက်ပစ်ခတ်ခံရပြီး အုပ်ချုပ်ရေးမှူးနှင့် ရာအိမ်မှူးတစ်ဦး သေဆုံးကာ တစ်ဦးဒဏ်ရာရရှိ
-
အမေရိကန်သံတမန် တောင်ကိုရီးယားသို့ လာရောက်စဉ်အတွင်း မြောက်ကိုရီးယားက ဒုံးပစ်လွှတ်မှုထပ်မံပြုလုပ်
-
အိန္ဒိယဝန်ကြီးချုပ် မိုဒီက နယူးဒေလီတွင် ရွေးကောက်ပွဲ မတိုင်မီ ဧရာမ လူထုစုဝေးပွဲ ပြုလုပ်
