ဘာစီလိုနာအသင်း၏တိုက်စစ်မှူးဟောင်းဖြစ်သူ အီတူးသည် ၎င်း၏နိုင်ငံ ကင်မရွန်းတွင် ပြင်းထန်သည့် ယာဉ်မတော်တဆမှုဖြစ်ပွားခဲ့သော်လည်း ထိခိုက်ဒဏ်ရာရရှိမှု မရှိခဲ့ကြောင်း စပိန်အားကစားသတင်းစာ Marca က ဖော်ပြခဲ့သည်။
အသက် (၃၉) နှစ်အရွယ်ရှိ ကင်မရွန်းလက်ရွေးစင်တိုက်စစ်မှူးဟောင်း အီတူးသည် ကင်းမရွန်းနိုင်ငံ နာကွန်ဂါဆမ်ဘာမြိို့တွင် ဖြစ်ပွားခဲ့သော ပြင်းထန်သည့်ယာဉ်တိုက်မှု၌ ပါဝင်ခဲ့ကြောင်းနှင့် ဒဏ်ရာတစ်စုံ တစ်ရာမရှိခဲ့ကြောင်း မီဒီယာများက ဖော်ပြခဲ့ကြသည်။
အီတူး၏ ပြောပြချက်အရ ၎င်းအနေဖြင့် မင်္ဂလာပွဲတစ်ခုမှပြန်အလာ တနင်္ဂနွေနေ့ (နိုဝင် ဘာ ၈ ရက်)နံနက်ခင်းတွင် အများသုံး ဘတ်စ်ကားနှင့် ၎င်း၏ကား တိုက်မိခဲ့ခြင်းဖြစ်ကြောင်းသိရသည်။
မျက်မြင်တွေ့ရှိသူတချို့၏ ပြောပြချက်အရ အီတူးအနေဖြင့် ထိခိုက်မှုတစ်စုံတစ် ရာမရှိဘဲ သက်ဆိုင်ရာဆရာဝန်များက ဂရုစိုက်ကုသမှုပြုလုပ်ပေးခဲ့ကြောင်း သိရသည်။
ယခုယာဉ်မတော်တဆမှုတွင် အီတူးအနေဖြင့် ထိခိုက်မှုတစ်စုံတစ်ရာမရှိခဲ့သော်လည်း ၎င်း၏ကားမှာမူ ပျက်စီးဆုံးရှုံးမှုကြီးမားခဲ့ကြောင်း သိရသည်။
အီတူးသည် ကစားသမားဘဝတွင် ဘာစီလိုနာအသင်းနှင့်အတူ အောင်မြင်မှုများစွာ ရယူနိုင်ခဲ့သလို၊ အင်တာမီလန်၊ ချယ်လ်ဆီးအစရှိသည့် ဥရောပထိပ်တန်းကလပ်အသင်းများတွင်လည်း ကစားခဲ့သူဖြစ်သည်။
-
ရေဘေးကြောင့် ပျက်စီးခဲ့သည့် ပညာရေးအဆောက်အဦများကို နိုင်ငံတော်အစိုးရမှအမြန်ဆုံးပြင်ဆင်တည်ဆောက်ပေးသွားမည်
-
စနေတစ်ရက်တွင် ခွဲစိတ်ဆရာဝန် လုပ်သည့် ဘူတန်ဝန်ကြီးချုပ်
-
ဒဂုံမြို့သစ်(တောင်ပိုင်း)မြို့နယ် ၁၀၇ ရပ်ကွက် အုပ်ချုပ်ရေးမှူးရုံး ဝင်ရောက်ပစ်ခတ်ခံရပြီး အုပ်ချုပ်ရေးမှူးနှင့် ရာအိမ်မှူးတစ်ဦး သေဆုံးကာ တစ်ဦးဒဏ်ရာရရှိ
-
အမေရိကန်သံတမန် တောင်ကိုရီးယားသို့ လာရောက်စဉ်အတွင်း မြောက်ကိုရီးယားက ဒုံးပစ်လွှတ်မှုထပ်မံပြုလုပ်
-
အိန္ဒိယဝန်ကြီးချုပ် မိုဒီက နယူးဒေလီတွင် ရွေးကောက်ပွဲ မတိုင်မီ ဧရာမ လူထုစုဝေးပွဲ ပြုလုပ်