မလေးရှားစူပါလိဂ်ကလပ် ဂျိုဟိုးဒါရူးလ် အသင်းသည် အစိုးရ၏ ခွင့်ပြုချက်မရသဖြင့် အာရှချန်ပီယံလိဂ်ပြိုင်ပွဲ သွားရောက်ယှဉ်ပြိုင် ခွင့်မရဘဲ နုတ်ထွက်ခဲ့ရကြောင်း သိရသည်။
ဂျိုဟိုးဒါရူးလ်အသင်းသည် ၂၀၂၀ အာရှချန်ပီယံလိဂ်ပြိုင်ပွဲ အုပ်စု (G) တွင် ဂျပန်ကလပ် ဗစ်ဆဲလ်ကိုဘီ၊ တရုတ်ကလပ် ကွမ်ကျိုးအဲဗားဂရန်း၊ တောင်ကိုရီးယားကလပ် ဆူဝန်ဆမ်ဆောင်းဘလူးဝင်းအသင်းတို့နှင့် အတူ ကျရောက်နေသည်။ ဂျိုဟိုးဒါရူးလ် အသင်းသည် COVID-19 ကပ်ရောဂါ မဖြစ်ပွားမီ အုပ်စုပွဲစဉ်နှစ်ပွဲသာ ယှဉ်ပြိုင် ကစားထားပြီး တစ်ပွဲနိုင်၊ တစ်ပွဲရှုံး၊ ရမှတ် (၃)မှတ်ဖြင့် အုပ်စုဒုတိယနေရာ ရပ်တည်လျက်ရှိသည်။
အရှေ့အာရှဇုန်အသင်းများပါဝင်သည့် အုပ်စု (E)၊ (F)၊ (G)၊ (H) ၏ လက်ကျန်ပွဲ များနှင့် ရှုံးထွက်ပွဲစဉ်များကို နိုဝင်ဘာ ၁၈ ရက်မှစ၍ ကာတာနိုင်ငံ၌ ကျင်းပမည်ဖြစ် သော်လည်း မလေးရှားအစိုးရက ဂျိုဟိုးဒါ ရူးလ်အသင်းအား နိုင်ငံအတွင်းမှ ထွက်ခွာ မပေးသဖြင့် နုတ်ထွက်ခဲ့ရခြင်းဖြစ်သည်။ အာရှဘောလုံးအဖွဲ့ချုပ် (AFC) ကလည်း ဂျိုဟိုးဒါရူးလ်အသင်း နုတ်ထွက်ကြောင်း သောကြာနေ့တွင် အတည်ပြုကြေညာခဲ့ပြီး အုပ်စု (G) တွင် (၃)သင်းသာကျန်ရှိတော့ ကြောင်း ထုတ်ပြန်ထားသည်။
အရှေ့အာရှဇုန်မှ ဗိုလ်လုပွဲတက် ရောက်နိုင်သည့်အသင်းမှာ အနောက်အာရှ ဇုန်မှ ဗိုလ်လုပွဲတက်ရောက်ထားသည့် အီ ရန်ကလပ် ပါဆီပိုလစ်အသင်းနှင့် ဒီဇင်ဘာ (၁၉) ရက်တွင် ယှဉ်ပြိုင်ကစားရမည်ဖြစ်သည်။
-
မိုင်းဆတ်မြို့၊ ပိန်းခမ်းကျေးရွာ တစ်ရွာလုံး ရေနစ်မြှုပ်ခဲ့ပြီး အရေးပေါ် အကူအညီများလိုအပ်နေ
-
KNU အုပ်ချုပ်နယ်မြေအတွင်းရှိ မြို့နယ်(၃)ခုမှ ကျေးရွာ(၃၀၀)ခန့်အတွင်း ရေဝင်ရောက်မှုကြောင့် လူဦးရေ(၁)သိန်းခွဲကျော်ရေဘေးသင့်နေ
-
ရေဘေးအလှူအတွက် လေလံတင်သည့် အကယ်ဒမီ ဒွေး ဝတ်ဆင်ခဲ့သည့် အင်္ကျီအား ငွေကျပ် (၃၂)သိန်းဖြင့် အဆိုတော် လွှမ်းပိုင်မှ ဝယ်ယူ
-
ပုဂံဒေသ ငှက်ပစ်တောင်ရပ်၊ ငှက်ကြီးခေါင်းချ ကျောင်းတိုက်အတွင်း သက်တမ်း (၁၀၀) ကျော်ရှိ (၂) ထပ် ကျောင်းဆောင်တစ်ဆောင် မီးလောင်ကျွမ်းဆုံးရှုံး
-
ရေဘေးသင့် ပြည်သူများကို လှူဒါန်းမည့် ခြိမ့်ကေကို (banana) ၏ “ရိုးသားကြိုးစား”သီချင်း ကျပ်(၁၇)သိန်းခွဲဖြင့် လေလံအောင်
