ရေဘေးသင့် ပြည်သူများကို သွားရောက်လှူဒါန်းရန် အကယ်ဒမီ ဒွေး ဝတ်ဆင်ခဲ့သည့် အင်္ကျီအား သရုပ်ဆောင် ဇွဲနိုင်ဝင်းမှ လေလံတင် ရောင်းချခဲ့ရာ ငွေကျပ် (၃၂)သိန်းဖြင့် အဆိုတော် သရုပ်ဆောင် လွှမ်းပိုင်မှ လေလံရရှိခဲ့ကြောင်း သိရသည်။
စက်တင်ဘာ (၂၁)ရက်၊ ည(၉)နာရီမှ စတင်၍ ကြမ်းခင်းဈေး ကျပ် (၂)သိန်းဖြင့် လေလံတင်ခဲ့ခြင်းဖြစ်ရာ ယနေ့ စက်တင်ဘာ (၂၂)ရက်၊ နေ့လယ် (၁၂)နာရီတွင် ငွေကျပ် (၃၂) သိန်းဖြင့် အဆိုတော် သရုပ်ဆောင် လွှမ်းပိုင်မှ လေလံရရှိခဲ့ခြင်းဖြစ်ကြောင်း သိရသည်။
အဆိုပါ လေလံကို ဦးစွာ အဆိုတော် သရုပ်ဆောင် လွှမ်းပိုင်မှ ငွေကျပ် (၈)သိန်းဖြင့် လေလံဝင်ပေးခဲ့ပြီး ယနေ့ စက်တင်ဘာ (၂၂)ရက်တွင် လွှမ်းပိုင်မှပင် ကျပ် (၃၂)သိန်းဖြင့် လေလံအောင်မြင်ခဲ့ကြောင်း သိရသည်။
လေလံအောင်မြင်သူမှ ယနေ့ စက်တင်ဘာ နေ့လယ် (၁) နာ ရီ မှာနောက်ဆုံးထား၍ ငွေလွှဲပေးရမည်ဖြစ်ပြီး ရေဘေးသင့်ပြည်သူများအတွက် သွားရောက်လှူဒါန်းမည်ဖြစ်ကြောင်း သရုပ်ဆောင် ဇွဲနိုင်ဝင်းက ဆိုသည်။
အဆိုပါ အင်္ကျီမှာ City FM နှစ်ပတ်လည် ဆုပေးပွဲတွင်အကယ်ဒမီ ဒွေး သီချင်းသီဆိုရာ၌ ဝတ်ဆင်ခဲ့သည့် အင်္ကျီဖြစ်ကြောင်း သိရသည်။
-
ယူကရိန်းက ရုရှားလက်နက်တိုက်ကိုပစ်ခတ်၊ အရေးပေါ်အခြေအနေထုတ်ပြန်ထားရ
-
ညောင်ရွှေ အင်းလေးဒေသရှိ ရေဘေးသင့် ကျေးရွာ(၄)ရွာသို့ ဝေဠုဝန်ဆရာတော်ဦးဆောင်၍ စားနပ်ရိက္ခာများ ကူညီထောက်ပံ့
-
နေပြည်တော် ကောင်စီနယ်မြေအတွင်းရှိ ဆက်သွယ်ရေးစနစ်များ ပြန်လည်ကောင်းမွန်စေရေး စက်ပစ္စည်းများနှင့် မြေစိုက် ကြိုးစနစ်များကို စစ်ဆေးလုပ်ဆောင်နေ
-
ရေဘေးသင့် ပြည်သူများအတွက် ရန်ကုန်တိုင်းဒေသကြီးရှိ အလှူရှင်များ၏ လှူဒါန်းမှု ပစ္စည်းနှင့် အလှူငွေ စုစုပေါင်း ကျပ်သန်း (၈၀၀) ကျော်ရရှိ
-
မိုင်းဆတ်မြို့၊ ပိန်းခမ်းကျေးရွာ တစ်ရွာလုံး ရေနစ်မြှုပ်ခဲ့ပြီး အရေးပေါ် အကူအညီများလိုအပ်နေ