ခရစ်စတီယာနို ရော်နယ်ဒိုသည် အဓိကကျသည့် ဆိုရှယ်မီဒီယာပလက်ဖောင်းအားလုံးတွင် ဖော်လိုဝါတစ်ဘီလျံကျော်အထိရရှိခဲ့သည့် ကမ္ဘာ့ပထမဆုံးသော ပုဂ္ဂိုလ်တစ်ဦးဖြစ်လာကာ နောက်ထပ်ထူးခြားသော မှတ်တိုင်တစ်ခုကိုထပ်မံစိုက်ထူနိုင်ခဲ့ကြောင်းသိရသည်။
အသက် ၃၉ နှစ်အရွယ်ရှိ ပေါ်တူဂီဘောလုံးအကျော်အမော်သည် အားကစားနှင့် ဒစ်ဂျစ်တယ်လွှမ်းမိုးမှု၏လမ်းဆုံကို ပြန်လည်သတ်မှတ်ခဲ့ပြီး စံသတ်မှတ်ချက်အသစ်တစ်ခုကိုလည်းသတ်မှတ်နိုင်ခဲ့သည်။
ဆိုရှယ်မီဒီယာပလပ်ဖောင်းအားလုံးရှိ ရော်နယ်ဒို၏အောင်မြင်မှုသည် ယှဉ်ပြိုင်၍မရနိုင်ဟူ၍လည်း မီဒီယာများ၌ဖော်ပြထားသည်။
၂၀၂၄ ခုနှစ် စက်တင်ဘာ ၁၃ ရက်အထိ ၎င်း၏ အင်စတာဂရမ်အကောင့်သည် ဖော်လိုဝါ ၆၃၉ သန်းဖြင့် ဦးဆောင်နေပြီး အင်စတာဂရမ်၌ ၎င်း၏သြဇာလွှမ်းမိုးနိုင်မှုအားပြသခဲ့သည်။
ထို့အပြင် ၎င်း၏ဖေ့စ်ဘွတ်ခ်တွင်လည်း ဖော်လိုဝါ ၁၇၀ ဒသမ ၅ သန်းရှိပြီး ယခင်ကတွစ်တာဟုခေါ်သည့် X လူမှုကွန်ရက်တွင်မူ ဖော်လိုဝါ ၁၁၃ သန်းအထိရရှိထားသည်။
၎င်း၏ ယူကျုချန်နယ်သည်လည်း ချန်နယ်ဖွင့်ပြီးနာရီပိုင်းအတွင်းမှာပင် ဖော်လိုဝါ ၆၀ ဒသမ ၅ သန်းအထိရရှိခဲ့ပြီး Kuaishou တွင် ဖော်လိုဝါ ၉ ဒသမ ၃ သန်းနှင့် Weibo တွင် ၇ ဒသမ ၅ သန်းအထိလည်းတိုးလာခဲ့သည်ဟုဖော်ပြထားသည်။
Source : Pulse Sports Nigeria
-
ကော့လှိုက်ကျေးရွာမှ ကမ်းပါးပြိုမှုကြောင့် ပျက်စီးသွားသည့် အိမ်ထောင်စုများအား ငွေကျပ်သိန်း(၂၀)စီ ထောက်ပံ့မည်
-
မြန်မာနိုင်ငံအနေဖြင့် အာဆီယံအသိုက်အဝန်းထူထောင်ရေးဆိုင်ရာ ကိစ္စရပ်များတွင် အဖွဲ့ဝင်နိုင်ငံကောင်း ပီသစွာဖြင့် ဆက်လက်ပူးပေါင်း ဆောင်ရွက်သွားမည်
-
ယိုရှီဟီဒေဆူဂါက ရှင်ဇိုအာဘေးကို ဆက်ခံသည့် ဂျပန်ဝန်ကြီးချုပ်သစ် တရားဝင်ဖြစ်လာ
-
ကာကွယ်ဆေးဝယ်ယူရန်အတွက် အနောက်တိုင်း ဆေးကုမ္ပဏီများနှင့် ဆွေးနွေးညှိနှိုင်းနေကြောင်း ဖိလစ်ပိုင်ထုတ်ပြန်
-
တစ်လအတွင်း ကိုရိုနာဗိုင်းရပ်စ်ကာကွယ်ဆေး အဆင်သင့်ဖြစ်နိုင်ကြောင်း ထရန့်ပြောကြား