ရှမ်းပြည်နယ်တောင်ပိုင်း ပြည်ထောင်စုလမ်းမကြီးပေါ်ရှိ ကလောနှင့် ယင်းမာပင်ကြားတွင် ယနေ့ စက်တင်ဘာ(၁၃)ရက် မွန်းလွဲပိုင်းအချိန်၌ တောင်ပြိုကျမှုများကြောင့် လျှပ်စစ်မီးတိုင်များအားလုံး နီးပါးလဲကျခြင်း၊ ကတ္တရာလမ်းများပြိုကျခြင်းများ ဖြစ်ပွားခဲ့ပြီး လမ်းပိုင်းပိတ်ဆို့နေကြောင်း အဆိုပါလမ်းပိုင်းအတွင်း ကိုယ်တိုင်သွားလာခဲ့သူ ဒေသခံတစ်ဦးက ပေါ်ပြူလာနယူးစ်ကိုပြောသည်။
ထို့ကြောင့် လမ်းပိုင်းတာဝန်ရှိသူများမှ စက်ယန္တယားများဖြင့် လိုက်လံရှင်းလင်းပေးနေပြီ ဖြစ်သော်လည်း အချိန်ယူပြင်ဆင်ရမည့်အခြေအနေဖြစ်သည်ဟု ၎င်းကပြောသည်။
” အခုရှမ်းတောင်ကနေ ရှမ်းမြောက်ကိုပြန်ဖို့က ဟိုပုံးဘက်က ပြန်လို့မရတော့ဘူး။ ရပ်စောက်ဘက်ကပဲ ရမယ်။ ရပ်စောက်ဘက်လည်း ရေကြီးနေတော့ အင်တောနဲ့ တောင်နီကြားက အရိုးခေါင်းတောင်ပေါ့ အဲ့ဒီကြားမှာ ရေတော်တော်တက်တယ်။ ဇော်ဂျီ ရေလှောင်တမံက ရေတွေပေါ့။ မနက်ဖြန်တော့ တောင်ကြီးကနေ ရှမ်းမြောက်ဘက်ကို ရပ်စောက် လမ်းနဲ့ ဟိုပုံးလမ်း နှစ်လမ်းမှာ တစ်လမ်း ကနေ မိုးလေဝသအခြေအနေကြည့်ပြီးတော့သွားရမှာပဲ။ လမ်းပိုင်းတွေပိတ်နေလို့ တောင်ကြီးမှာ (၄)ရက်လောက်ရှိပြီ မပြန်နိုင်တာ”ဟု အဆိုပါ ဒေသခံ ခရီးသွားသူအမျိုးသားကပြောသည်။
ယနေ့ ညနေ(၄)နာရီဝန်းကျင်တွင်လည်း မိုးသည်းထန်စွာ ထပ်မံရွာသွန်းနေသောကြောင့် ရေကြီးရေလျှံမှု၊ တောင်ပြိုမှုများ ထပ်မံဖြစ်ပွားနိုင်သည့်အတွက် လမ်းပိုင်း အခြေအနေအား စုံစမ်း၍ သွားလာကြရန်လိုကြောင်း သိရသည်။
ဓာတ်ပုံ-ဒေသတွင်း ခရီးသွားတစ်ဦး
-
■မြန်မာအရေး ပါဝင်သည့် အာဆီယံထိပ်သီး ဆွေးနွေးပွဲများ လာအိုနိုင်ငံ ဗီယန်ကျင်းတွင် ကျင်းပ
-
ပြင်းအားအဆင့်ငါးရှိသော ဟာရီကိန်းအဖြစ် ပြန်လည်အားကောင်းလာသော မီလ်တန်မုန်တိုင်း တိုက်ရိုက်ဝင်ရောက်တော့မည့် ဖလော်ရီဒါပြည်နယ်၌ ပြင်ဆင်မှုများ ဆောင်ရွက်
-
တောင်ကိုရီးယားနှင့် ဆက်သွယ်ထားသော လမ်းများနှင့် မီးရထားလမ်းများကို အပြီးတိုင် ဖြတ်တောက်မည်ဟု မြောက်ကိုရီးယား ဆို
-
အာဆီယံထိပ်သီးအစည်းအဝေးကျင်းပနေစဉ် ထိုင်းနိုင်ငံက မြန်မာအရေးနှင့်ပတ်သက်၍ အစီအမံသစ်တစ်ရပ်ကို အဆိုပြု
-
ဟာရီကိန်းမုန်တိုင်းကြီး မီလ်တန် ပြင်းအားအဆင့်သုံးရှိသော မုန်တိုင်းအဖြစ် ဖလော်ရီဒါပြည်နယ်ကို ဝင်ရောက်တိုက်ခတ်