မြောက်ကိုရီးယားစစ်တပ်က အောက်တိုဘာ ၉ ရက်မှစတင်၍ တောင်ကိုရီးယားနှင့် ဆက်သွယ်ထားသော လမ်းများနှင့် မီးရထားလမ်းများကို အပြီးတိုင်ဖြတ်တောက်သွားကာ နယ်စပ်ရှိ ၎င်းတို့ဘက်ခြမ်းဒေသကို အင်အားခိုင်မာစေရန် ပြုလုပ်သွားမည်ဟု ပြောကြားခဲ့ကြောင်း နိုင်ငံပိုင် KCNA သတင်းတွင်ဖော်ပြထားသည်။
အဆိုပါကြေညာချက်သည် ကိုရီးယားနှစ်နိုင်ငံကို ပိုင်းခြားထားသည့် နယ်နိမိတ်အနီး တင်းမာမှုများကို ပိုမိုပြင်းထန်လာစေသည်။
မတော်တဆဖြစ်စဉ်များရှိသော်လည်း မြောက်ကိုရီးယားသည် ယခုနှစ်၏ လပေါင်းများစွာကြာ စစ်အင်အားထူထပ်သော နယ်စပ်တစ်လျှောက် မြေမြှုပ်မိုင်းများနှင့် အတားအဆီးများ ကို ချထားပြီး မြေရိုင်းနေရာတစ်ခုအဖြစ် ဖန်တီးထားကြောင်း တောင်ကိုရီးယားစစ်တပ်က ဇူလိုင်လတွင် ပြောကြားခဲ့သည်။
မြောက်ကိုရီးယားက တောင်ကိုရီးယားတွင် ပြုလုပ်သော စစ်ရေးလေ့ကျင့်မှုများကို တုံ့ပြန်သည့်အနေဖြင့် ယင်းကဲ့သို့ ထုတ်ပြန်ကြေညာခဲ့ခြင်းဖြစ်ကြောင်း မြောက်ကိုရီးယားစစ်ဦးစီးချုပ်၏ကြေညာချက်ကို KCNA သတင်းက ဖော်ပြခဲ့သည်။
ကုလသမဂ္ဂစစ်ဘက်ဆိုင်ရာဌာန(UNC)ကို ထိုအကြောင်းအရာနှင့်ပတ်သက်၍ အသိပေးအကြောင်းကြားခဲ့သော်လည်း တောင်ကိုရီးယားကာကွယ်ရေးဝန်ကြီးဌာနက အသေးစိတ်ထုတ်ပြန်ရန် ငြင်းဆိုခဲ့သည်။
တောင်ကိုရီးယားအနေဖြင့် မြောက်ကိုရီးယား၏ ထုတ်ပြန်ချက်နှင့်ပတ်သက်ပြီး UNC နှင့် အနီးကပ်ဆက်သွယ်ကာ ပူးပေါင်းဆောင်ရွက်မှုများ ပြုလုပ်နေကြောင်း ထုတ်ပြန်ချက်တွင် ဖော်ပြထားသည်။
Ref:Reuters
-
ကမ္ဘောဒီးယားနှင့်ထိုင်းအကြား ရပ်နားထားသည့် ဒေါ်လာ ၃၀၀ ဘီလျံတန် ဓါတ်ငွေ့လုပ်ငန်း ပြန်လည်အကောင်အထည်ဖော်မည်
-
မိုးလွန်ကာလတွင် ဖျက်မိုးရွာသွန်းတတ်သည့်အတွက် စိုက်ပျိုးရေး လုပ်ကိုင်သူများ သတိထားရန် ပြင်ပမိုးလေဝသပညာရှင် ဦးဝင်းနိုင် အသိပေး ပြောဆို
-
မြန်မာ့လက်ဖက်အစိုကို ပြည်ပသို့တိုးမြှင့်တင်ပို့နိုင်ရေး အပင်များကို ပြုပြင်ထိန်းသိမ်းရန် လိုအပ်နေဟုဆို
-
ပိုးသတ်ဆေး (၂၃)မျိုးအား မှတ်ပုံတင်ဖျက်သိမ်းကြောင်း ကြေညာထားပြီး ဈေးကွက်အတွင်း ရောင်းချပါက အရေးယူမည်ဟုဆို
-
အမျိုးသားအားကစားပွဲတော်သို့ သွားရောက်ယှဉ်ပြိုင်မည့် စစ်ကိုင်းတိုင်းဒေသကြီးမှ အားကစားသမားများလေ့ကျင့်မှုများပြုလုပ်နေ