ဒုဋ္ဌဝတီမြစ်ရေသည် ယနေ့ ညနေ (၃)နာရီခွဲအချိန်တွင် မြစ်ငယ်မြို့၏ စိုးရိမ်ရေမှတ် ၂၈ ဒဿမ ၅၄ ပေ (၈၇၀ စင်တီမီတာ)အထက်သို့ (၁)ပေခွဲကျော်ရောက်ရှိလာပြီဖြစ်ကာ နောက်တစ်ရက်အတွင်း (၄)ပေခန့် ဆက်လက်မြင့်တက်လာနိုင်ပြီး စိုးရိမ်ရေမှတ်အထက်တွင် ဆက်လက်ရှိနိုင်ကြောင်း သိရသည်။
မိုး/ဇလ က ယနေ့ နံနက်ပိုင်းအချိန်တွင် ပထမအကြိမ် အသိပေးထုတ်ပြန်ရာ၌ မြစ်ငယ်မြို့၏ စိုးရိမ်ရေမှတ်အောက် (၁)ပေခွဲခန့်တွင် ရောက်ရှိနေပြီး နောက်တစ်ရက်အတွင်း စိုးရိမ်ရေမှတ်သို့ ရောက်ရှိနိုင်ကြောင်းထုတ်ပြန်ခဲ့သည်။
ယင်းကြောင့် ယနေ့ညနေပိုင်း ဒုဋ္ဌဝတီမြစ်ရေအခြေအနေသည် စိုးရိမ်ရေမှတ်အထက် တစ်ပေခွဲကျော်ရောက်ရှိလာပြီး (၄)ပေခန့်အထိ မြင့်တက်လာနိုင်သည်ဟု ထပ်မံအသိပေးထားခြင်းလည်းဖြစ်သည်။
ထို့ကြောင့် အဆိုပါမြို့ရှိ မြစ်ကမ်းအနီးနှင့် မြေနိမ့်ပိုင်းနေထိုင်သူများ အထူးသတိပြုနေထိုင်ကြရန် ထပ်မံနှိုးဆော်ထားသည်။
ယနေ့ မြန်မာစံတော်ချိန် (၁)နာရီခွဲ အချိန် မိုး/ဇလ၏ တိုင်းထွာချက်များအရ ဘင်္ဂလားပင်လယ်အော်အရှေ့မြောက်ပိုင်းနှင့် ယင်းနှင့်ဆက်စပ် လျက်ရှိသော ဘင်္ဂလားဒေ့ရှ်နိုင်ငံအ ရှေ့တောင်ပိုင်းကမ်းခြေတို့တွင် ဖြစ်ပေါ်နေသော လေဖိအားနည်းရပ်ဝန်း(Low Pressure Area)သည် ပိုမိုအားကောင်းလာကာ အားကောင်းသော လေဖိအားနည်းရပ်ဝန်း(Well Marked Low Pressure Area)အဖြစ်သို့ ရောက်ရှိခဲ့ကြောင်း ဆိုသည်။
အဆိုပါ အားကောင်းသော လေဖိအားနည်းရပ်ဝန်းသည်အ နောက်-အနောက် မြောက်ဘက်သို့ရွေ့လျားနိုင်ပြီး၊ မနက် ဖြန် စက်တင်ဘာ (၁၄)ရက်တွင် ပိုမိုအားကောင်းလာနိုင်ကာ အိန္ဒိယနိုင်ငံ၊ အနောက်ဘင်္ဂလားပြည်နယ်ကမ်းရိုးတန်း နှင့် ယင်းနှင့်ဆက်စပ်လျက်ရှိသော ဘင်္ဂလားပင်လယ်အော်အ နောက်မြောက်ပိုင်းတို့၌ မုန်တိုင်းငယ် (Depression)အဖြစ်သို့ ရောက်ရှိနိုင်သည်ဟု မိုး/ဇလက ခန့်မှန်းထားသည်။
ကပ္ပလီပင်လယ်ပြင်နှင့် ဘင်္ဂလားပင်လယ်အော်တောင်ပိုင်းတို့တွင် မုတ်သုံလေ အားကောင်းနေပြီး၊ ကျန်ဘင်္ဂလားပင်လယ်အော်တွင် မုတ်သုံလေ အားအလွန် ကောင်းနေသည်ဟု အသိပေးထားသည်။
ပုံစာ – ဒုဋ္ဌဝတီမြစ်ရေတက်မှုကြောင့် ရေဝင်နစ်မြုပ်မှုကြုံရသည့် ပြည်သူများအား ကူညီကယ်ဆယ်ပေးနေသည့် မြင်ကွင်း (ဓာတ်ပုံ – လောကပါလ လူမှုကူညီရေးအသင်း)
-
■မြန်မာအရေး ပါဝင်သည့် အာဆီယံထိပ်သီး ဆွေးနွေးပွဲများ လာအိုနိုင်ငံ ဗီယန်ကျင်းတွင် ကျင်းပ
-
ပြင်းအားအဆင့်ငါးရှိသော ဟာရီကိန်းအဖြစ် ပြန်လည်အားကောင်းလာသော မီလ်တန်မုန်တိုင်း တိုက်ရိုက်ဝင်ရောက်တော့မည့် ဖလော်ရီဒါပြည်နယ်၌ ပြင်ဆင်မှုများ ဆောင်ရွက်
-
တောင်ကိုရီးယားနှင့် ဆက်သွယ်ထားသော လမ်းများနှင့် မီးရထားလမ်းများကို အပြီးတိုင် ဖြတ်တောက်မည်ဟု မြောက်ကိုရီးယား ဆို
-
အာဆီယံထိပ်သီးအစည်းအဝေးကျင်းပနေစဉ် ထိုင်းနိုင်ငံက မြန်မာအရေးနှင့်ပတ်သက်၍ အစီအမံသစ်တစ်ရပ်ကို အဆိုပြု
-
ဟာရီကိန်းမုန်တိုင်းကြီး မီလ်တန် ပြင်းအားအဆင့်သုံးရှိသော မုန်တိုင်းအဖြစ် ဖလော်ရီဒါပြည်နယ်ကို ဝင်ရောက်တိုက်ခတ်
