ရေဘေးသင့်ဒေသများလှူဒါန်းရန် မန္တလေးတွင် အဆိုတော်ချယ်ရီသင်းမှ အနုပညာနှင့် ဖျော်ဖြေကာ အလှူခံမှုပြုလုပ်ခဲ့သည်။
အဆိုတော်ချယ်ရီသင်းနှင့်အတူ fire cracker music band နှင့် မန္တလေးဂီတမောင်နှမများ၊ မန္တလေးမြို့ရှိ အနုပညာရှင်များ၊ TikTok cele များပူးပေါင်းကာ မန္တလေးတက္ကသိုလ်အနီးရှိ အညာသူ ကဖေးတွင် သီဆိုဖျော်ဖြေအလှူခံမှု ပြုလုပ်ခဲ့ခြင်းဖြစ်သည်။
"ချယ်တို့ဒီမှာ မနက် ၉ နာရီကနစပြီး ဖျော်ဖြေအလှူခံမှုတွေ ပြုလုပ်နေတယ်။ လမ်းသွားလမ်းလာ အများပြည်သူအလှူငွေက အခုနေ့လည်ပိုင်းအထိ သိန်း ၃၀ ကျော်ရပါပြီ။ k pay တို့၊ သီခြားနာမည်စာရင်းနဲ့တကွ လှူဒါန်းထားတာတွေလည်းရှိပါတယ် အကုန်လုံးကိုတော့ စာရင်းမပေါင်းရသေးပါဘူး။ လုပ်ဖြစ်သွားတာက ရေကြီးတဲ့ဒေသတွေက အခြေအနေတွေကို အွန်လိုင်းမှာ တွေ့ပြီး ချယ်အနေနဲ့ တတ်နိုင်တဲ့ဘက်ကနေ ကူညီတာတဲ့သဘောပါ။ မန္တလေးမှာလုပ်ဖြစ်တာက ချယ်က လတ်တလော မန္တလေးမှာရှိနေတာအတွက်ကြောင့်ပါ။ "ဟု အဆိုတော် ချယ်ရီသင်းက ပြောကြားသည်။
ရေဘေးအတွက်အလှူခံခြင်းကို နှစ်ရက်တိုင်ပြုလုပ်မည် ဖြစ်ပြီးစက်တင်ဘာလ ၁၄ ရက်နေ့တွင်လည်းမနက်၉ နာရီမှ ညနေ ၄ နာရီအထိ ယင်းဆိုင်၌ ဆက်လက်ပြုလုပ်သွားမည်ဖြစ်ကြာင်း သိရသည်။
-
■မြန်မာအရေး ပါဝင်သည့် အာဆီယံထိပ်သီး ဆွေးနွေးပွဲများ လာအိုနိုင်ငံ ဗီယန်ကျင်းတွင် ကျင်းပ
-
ပြင်းအားအဆင့်ငါးရှိသော ဟာရီကိန်းအဖြစ် ပြန်လည်အားကောင်းလာသော မီလ်တန်မုန်တိုင်း တိုက်ရိုက်ဝင်ရောက်တော့မည့် ဖလော်ရီဒါပြည်နယ်၌ ပြင်ဆင်မှုများ ဆောင်ရွက်
-
တောင်ကိုရီးယားနှင့် ဆက်သွယ်ထားသော လမ်းများနှင့် မီးရထားလမ်းများကို အပြီးတိုင် ဖြတ်တောက်မည်ဟု မြောက်ကိုရီးယား ဆို
-
အာဆီယံထိပ်သီးအစည်းအဝေးကျင်းပနေစဉ် ထိုင်းနိုင်ငံက မြန်မာအရေးနှင့်ပတ်သက်၍ အစီအမံသစ်တစ်ရပ်ကို အဆိုပြု
-
ဟာရီကိန်းမုန်တိုင်းကြီး မီလ်တန် ပြင်းအားအဆင့်သုံးရှိသော မုန်တိုင်းအဖြစ် ဖလော်ရီဒါပြည်နယ်ကို ဝင်ရောက်တိုက်ခတ်