မန္တလေးတိုင်းဒေသကြီးအတွင်း မိုးသည်းထန်စွာရက်ဆက်ရွာသွန်းမှုကြောင့် မိတ္ထီလာ-တောင်ကြီးသွား ကားလမ်းနှင့် သာစည်မြို့နယ်အတွင်းနေရာအချို့၌ လမ်းပိုင်းရေကျော်မှုဖြစ်ပွားနေ၍ အန္တရာယ်ကင်းစေရေး ယာဉ်အသွားအလာများရပ်တန့်ထားရကြောင်း မြို့နယ်စီမံအုပ်ချုပ်ရေးအဖွဲ့မှ သိရသည်။
သာစည်မြို့နယ်၌ စက်တင်ဘာ (၁၀) ရက်မှစတင်၍ မိုးသည်းထန်စွာရွာသွန်းမှုကြောင့် မိတ္ထီလာ-တောင်ကြီး ကားလမ်းပိုင်းနေရာအချို့ လမ်းရေကျော်မှုနှင့် လမ်းသားပဲ့ကျမှုများဖြစ်ပွားနေ၍ အန္တရာယ်ကင်းစေရေး ယာဉ်အသွားအလာများ ရပ်တန့်ထားရကြောင်း သိရသည်။
အဆိုပါ လမ်းပိုင်းအား မြို့နယ် လမ်းဦးစီးဌာနနှင့် တောင်ပေါ်ဒေသ လမ်းဆောက်လုပ်ရေး ကုမ္ပဏီတို့က ပြုပြင်ထိန်းသိမ်းခြင်းလုပ်ငန်းများကို ဆောင်ရွက်လျက်ရှိကြောင်း မြို့နယ်စီမံအုပ်ချုပ်ရေးအဖွဲ့မှ သိရသည်။
ရေကျော်မှုများဖြစ်ပွားရာတွင် မိုင်တိုင် (၂၁/ဝ-၂၁/၃) အထိ (၃) ဖာလုံခန့်၊ မိုင်တိုင် (၂၂/၆-၂၂/၇) အတွင်း (၁) ဖာလုံခန့်၊ မိုင်တိုင် (၄၅/၄-၄၅/၇) အတွင်း (၂) ဖာလုံခန့်တွင် ရေအမြင့် (၂) ပေခန့်နှင့် မိုင်တိုင် (၄၃/၆-၄၃/၇) အတွင်း (၁) ဖာလုံခန့်တွင် ရေအမြင့် (၄) ပေခန့် လမ်းပေါ်ရေကျော်နေကြောင်း သိရသည်။
ထို့ပြင် မိုင်တိုင် (၂၈/၄-၂၈/၅) အတွင်း (ယာဘက်) အလျား (၂) ပေ အကျယ် (၃) ပေခန့်၊ မိုင်တိုင် (၄၀/ဝ-၄၀/၃) အတွင်း (ဝဲဘ က်) အလျား (၂.၅) ဖာလုံ အကျယ် (၅) ပေခန့်၊ မိုင်တို င် (၄၅/၇၄၆/ဝ) အတွင်း (ဝဲဘက်) အလျား (၁၅၀) ပေ အ ကျယ် (၅) ပေခန့်၊ မိုင်တိုင် (၄၆/၁-၄၆/၃) အတွင်း (ဝဲဘက်) အလျား (၂) ဖာလုံခန့် အကျယ် (၆) ပေခန့်နှင့် မိုင်တိုင် (၄၇ /၂-၄၇/၃) အတွင်း (ဝဲဘက်) အလျား (၃၀၀) ပေခန့်အကျယ် (၁၄) ပေခန့်တို့တွင် ကတ္တရာလမ်းသားများ ပဲ့ကျလျက်ရှိကြောင်း သိရသည်။
မိုင်တိုင် (၄၂/၂-၄၂/၃) အတွင်း (၂၅) ပေခန့်နှင့် မိုင်တိုင် (၄၇/၄-၄၇/၅) အတွင်း (၃၀) ပေခန့် တောင်ပြိုမြေများအား ရှင်းလင်းဆောင်ရွက်ထားပြီးဖြစ်ကြောင်းလည်း သိရသည်။
အလားတူ ပျော်ဘွယ် – ဘုရားငါးဆူလမ်းတွင် လမ်းပိုင်းရေကျော်မှုနှင့် လမ်းသားပဲ့ကျမှုများဖြစ်ပွားခဲ့ရာ မိုင်တိုင် (၁၀/ဝ-၁၀/၃) အတွင်း (၃) ဖာလုံခန့်တွင် ရေအမြင့် (၂) ပေခန့် လမ်းပေါ်ရေကျော်လျက်ရှိပြီး မိုင်တိုင် (၁၁/၅-၁၁/၆) အတွင်း (၁) ဖာလုံခန့်တွင် ရေအမြင့် (၉) လက်မခန့် လမ်းပေါ်ရေကျော်လျက်ရှိကြောင်း သိရသည်။
ယာဂီမုန်တိုင်း လက်ကျန်လေပွေလှိုင်းအရှိန်ကြောင့် နိုင်ငံတဝန်း စက်တင်ဘာ (၁၀) နံနက်ပိုင်းမှစတင်၍ ရေကြီး ရေလျှံမှုများနှင့် ရင်ဆိုင်နေရပြီး၊ လမ်းပိုင်းအချို့တွင်လည်း မြေပြိုခြင်း လမ်းရေကျော်ခြင်းများ ဖြစ်ပွားနေကြောင်း ဒေသတွင်း သတင်းများအရ သိရသည်။
-
ပြည်ပတွင်ကစားနေသည့် ကြယ်ပွင့်ကစားသမားများကို ဘရာဇီးလ်သမ္မတ လူလာဒါဆေးလ်ဗား ဝေဖန်ခဲ့ပြီး ပြည်တွင်းကစားသမားများအား အခွင့်အရေးပေးသင့်ကြောင်း မှတ်ချက်ပြု
-
ဆာကာ၊ ဗန်ဒိုက်၊ ဆာလာတို့ လက်ရွေးစင်အသင်းမှ နုတ်ထွက်၍ ကလပ်များနှင့် ပြန်လည်ပူးပေါင်း
-
မြဝတီမြို့တွင် နိုင်ငံတကာ အဆင့်မီ အဝေးပြေး ယာဉ်ရပ်နားစခန်း စတင်တည်ဆောက်နေ
-
ဧရာဝတီတိုင်းအတွင်းရှိ ပြောင်းစိုက်ခင်းများတွင် ငမြှောင်တောင်ပိုး မျိုးစိတ်အသစ်ဖြစ်သည့် Fall Armyworm ပိုး ကာကွယ်နှိမ်နင်းရေးအတွက် ပြည်ထောင်စုမှ ရန်ပုံငွေ ကျပ်သိန်းငါးရာ ထောက်ပံ့ထားကြောင်း သိရ
-
ပလက်ဝမြို့နယ် ရီးမဝ ကျေးရွာအနီး ကုလားတန်မြစ်အတွင်း စက်လှေတစ်စင်း ပစ်ခတ်ခံရကာ အသက် ၁၁ နှစ်အရွယ် ကလေးနှစ်ဦး သေဆုံးပြီး စက်လှေမောင်းသူနှင့် ကလေးနှစ်ဦး ဒဏ်ရာရရှိ