မြဝတီနယ်စပ်မြို့တွင် ရွှေ့ပြောင်းလုပ်သားများ၏ မိသားစုဝင်များ ဆုံစည်းနေနိုင်ရန်နှင့် အိမ်ငှားနေရသည့် ပြည်သူများ အိုးပိုင်အိမ်ပိုင်ဖြစ်ရန် ရည်ရွယ်ပြီး နှစ် ၂၀ အရစ်ကျ ငွေပေးချေသည့် စနစ်ဖြင့် ရောင်းချမည့် အိမ်ရာနှင့် အဝေးပြေးကားဝင်း စီမံကိန်းတစ်ခုကို ကရင်ပြည်နယ် အစိုးရအဖွဲ့၏ ခွင့်ပြုချက်ဖြင့် စတင်ဆောင်ရွက်နေပြီဖြစ်ရာ ဇန်နဝါရီ ၂၂ ရက် နံနက်က မြေသန့်မင်္ဂလာ ပြုလုပ်ခဲ့ကြောင်း သိရသည်။
အဆိုပါနှစ် ၂၀ အရစ်ကျ ပေးအိမ်ရာနှင့် နိုင်ငံတကာ အဆင့်မီ အဝေးပြေးကားဝင်း စီမံကိန်းသည် မြဝတီချစ်ကြည်ရေးတံတားမှ လေးမိုင်ခန့်အကွာ အေးသုခကျေးရွာအနီး မြေဧက ၄၈ ဧကတွင် Stepping Stone Company Ltd က တည်ဆောက်သွားမည်ဖြစ်ပြီး အဝေးပြေးကားဝင်းအဖြစ် ရှစ်ဧကနှင့် ကျန်ဧက ၄၀ တွင် ခြောက်ထပ်အိမ် အလုံး ၁၀၀ မှ၂၀၀ အထိ တည်ဆောက်သွားမည်ဖြစ်ကြောင်း သိရသည်။
ဒေသခံပြည်သူများ၊ ရွှေ့ပြောင်းလုပ်သားများ၊ အခြေခံပြည်သူများအတွက် ရည်ရွယ်တည်ဆောက်မည့် အိမ်ရာဖြစ်ပြီး အပေါ်ဆုံး အထပ်အား လစဉ် ဘတ်၂၅၀၀ နှင့် အောက်ဆုံးထပ်အခန်း ဘတ် ၆၅၀၀ ပေးသွင်းရမည်ဖြစ်ပြီး မည်သူမဆို အနှစ်၂၀ အရစ်ကျ ငွေပေးချေစနစ်ဖြင့် ပေးသွင်းဝယ်ယူနိုင်ကြောင်း သိရသည်။ ယခုတည်ဆောက်မည့် ကားဝင်းနှင့် အိမ်ရာစီမံကိန်းသည် ၂၀၁၉ ခုနှစ်အစ ဇန်နဝါရီလတွင် စတင်တည်ဆောက်နေပြီဖြစ်ကာ စီမံကိန်းကာလမှာ အဝေးပြေးယာဉ်ရပ်နားစခန်းအား နှစ်နှစ်နှင့်အပြီး တည်ဆောက်သွားမည်ဖြစ်ပြီး အိမ်ရာစီမံကိန်းကို ငါးနှစ်အတွင်း အပြီးတည်ဆောက်မည်ဟု ဆိုသည်။
မြဝတီမြို့၏ အရေးတကြီး လိုအပ်နေသော အဝေးပြေးကားဝင်းအတွက် ကျပ်သိန်းပေါင်း ၆၀၀၀၀ ကျော် အကုန်ကျခံ တည်ဆောက်သွားမည်ဖြစ်ကြောင်းလည်း သိရသည်။ အဆိုပါ အဝေးပြေးယာဉ်ရပ်နားစခန်းတွင် ယာဉ်လိုင်းပေါင်း ၆၀ ကျော်အတွက် အလျား ၄၀ ပေ၊ အနံ ၂၅ ပေရှိ ကားဂိတ်နှစ်ထပ် အဆောက်အအုံများ ပါဝင်မည်ဖြစ်ကြောင်း သိရသည်။
-
ပြည်ပတွင်ကစားနေသည့် ကြယ်ပွင့်ကစားသမားများကို ဘရာဇီးလ်သမ္မတ လူလာဒါဆေးလ်ဗား ဝေဖန်ခဲ့ပြီး ပြည်တွင်းကစားသမားများအား အခွင့်အရေးပေးသင့်ကြောင်း မှတ်ချက်ပြု
-
ဆာကာ၊ ဗန်ဒိုက်၊ ဆာလာတို့ လက်ရွေးစင်အသင်းမှ နုတ်ထွက်၍ ကလပ်များနှင့် ပြန်လည်ပူးပေါင်း
-
မြဝတီမြို့တွင် နိုင်ငံတကာ အဆင့်မီ အဝေးပြေး ယာဉ်ရပ်နားစခန်း စတင်တည်ဆောက်နေ
-
ဧရာဝတီတိုင်းအတွင်းရှိ ပြောင်းစိုက်ခင်းများတွင် ငမြှောင်တောင်ပိုး မျိုးစိတ်အသစ်ဖြစ်သည့် Fall Armyworm ပိုး ကာကွယ်နှိမ်နင်းရေးအတွက် ပြည်ထောင်စုမှ ရန်ပုံငွေ ကျပ်သိန်းငါးရာ ထောက်ပံ့ထားကြောင်း သိရ
-
ပလက်ဝမြို့နယ် ရီးမဝ ကျေးရွာအနီး ကုလားတန်မြစ်အတွင်း စက်လှေတစ်စင်း ပစ်ခတ်ခံရကာ အသက် ၁၁ နှစ်အရွယ် ကလေးနှစ်ဦး သေဆုံးပြီး စက်လှေမောင်းသူနှင့် ကလေးနှစ်ဦး ဒဏ်ရာရရှိ