အာဆင်နယ်အသင်း တောင်ပံကစားသမား ဘူကာယိုဆာကာ၊ လီဗာပူးလ်အသင်း နောက်ခံလူ ဗာဂျီလ်ဗန်ဒိုက်နှင့် တိုက်စစ်ကစားသမား မိုဟာမက်ဆာလာတို့သည် ၎င်းတို့၏ လက်ရွေးစင်အသင်းလူစာရင်းမှ နုတ်ထွက်၍ ကလပ်အသင်းများနှင့် ပြန်လည်ပူးပေါင်းခဲ့ပြီဖြစ်ကြောင်း သိရသည်။
အင်္ဂလန်လက်ရွေးစင်ကစားသမားဖြစ်သူ ဆာကာ (၂၃ နှစ်) သည် အောက်တိုဘာ ၁၀ ရက်က ဂရိအသင်းအား အိမ်ကွင်း၌ ရှုံးနိမ့်သည့် UEFA Nations League ပွဲစဉ်တွင် ယာဘက်ခြေထောက်ဒဏ်ရာရရှိခဲ့ပြီး ဒုတိယပိုင်းအစ ၅၁ မိနစ်မှာပင် လူစားလဲခဲ့ရ သည်။ ၎င်းအနေဖြင့် ဖင်လန်အသင်းနှင့် အဝေးကွင်းကစားရမည့်ပွဲအတွက် လိုက်ပါသွားခြင်းမရှိဘဲ ဒဏ်ရာကို စစ်ဆေးမှုပြုလုပ်ရန် အာဆင်နယ်အသင်းသို့ ပြန်သွားခြင်း ဖြစ်သည်။
နယ်သာလန်လက်ရွေးစင်အသင်းခေါင်းဆောင် ဗန်ဒိုက် (၃၃ နှစ်) မှာလည်း အောက်တိုဘာ ၁၁ ရက်က ဟန်ဂေရီအသင်းနှင့် ကစားသည့် UEFA Nations League ပွဲစဉ်တွင် လက်ရွေးစင်ကစားသမားဘဝ ပထမဆုံး အနီကတ်ပြခံခဲ့ရသည်။ သို့ဖြစ်ရာ ဂျာမနီ အသင်းနှင့်ကစားမည့်ပွဲကို လွဲချော်မည်ဖြစ်သောကြောင့် လီဗာပူးလ်အသင်းသို့ပြန်ရန် ဆုံးဖြတ်ခဲ့ခြင်းဖြစ်သည်။
အီဂျစ်လက်ရွေးစင် အသင်းခေါင်းဆောင် ဆာလာ (၃၂ နှစ်) မှာမူ အောက်တိုဘာ ၁၁ ရက်က မော်ရီတေးနီးယား အသင်းနှင့်ကစားသည့် အာဖရိကနိုင်ငံများဖလား ခြေစစ်ပွဲတွင် တစ်ဂိုးသွင်းယူပေးနိုင်ခဲ့သည်။ ၎င်းအနေဖြင့် ဒဏ်ရာပြဿနာမရှိသော်လည်း လက်ရွေးစင်အသင်းမှ ကြိုတင်၍ ပြန်သွားခြင်းဖြစ်ကြောင်း သိရသည်။
-
ပဲ့ထိန်းဒုံးကျည်တပ် အမေရိကန်စစ်သင်္ဘော USS Milius ထိုင်ဝမ်ရေလက်ကြားကို ဖြတ်သန်း
-
ငြိမ်းချမ်းရေး သဘောတူညီမှုရရှိခဲ့သည့် နှစ်ပတ်လည်နေ့ အထိမ်းအမှတ်အတွက် ကုလသမဂ္ဂ အတွင်းရေးမှူးချုပ် ကိုလံဘီယာသို့ သွားရောက်
-
တရုတ်၏ ဟိုက်ပါဆောနစ် ဒုံးကျည်စမ်းသပ်မှုအတွင်း ဒုတိယဒုံးကျည်တစ်စင်း ပစ်လွှတ်မှုကိုပါ တစ်ပါတည်း လုပ်ဆောင်ခဲ့သည်ဟု သတင်းများတွင် ဖော်ပြ
-
အစ္စရေးတွင် ကိုရိုနာဗိုင်းရပ်စ်ကူးစက်မှုများ မြင့်တက်နေစဉ် အသက်ငါးနှစ်မှ ၁၁ နှစ်အရွယ် ကလေးငယ်များကို ကိုဗစ်ကာကွယ်ဆေး စတင်ထိုးနှံပေးနေ
-
ကိုရိုနာဗိုင်းရပ်စ်ကူးစက်မှုများ ပြန်လည်မြင့်တက်နေသည့် ဂျာမနီနှင့် ဒိန်းမတ်သို့ မိမိနိုင်ငံသားများ သွားလာခြင်းမပြုကြရန် အမေရိကန်နိုင်ငံခြားရေးဝန်ကြီးဌာနက အကြံပြု