ရခိုင်ပြည်နယ်ရှိ ဘိုးဘွားရိပ်သာတစ်ခုသို့ သရုပ်ဆောင်ခိုင်နှင်းဝေ လှူဒါန်းမှုများ ပြုလုပ်ခဲ့သည်ဟု သိရသည်။ အဆိုပါလှူဒါန်းမှုကို ဧပြီ ၂၀ ရက်က ဘိုးဘွားရိပ်သာရှိ ဘိုးဘွားတစ်ဦးလျှင် အလှူငွေ ၅၀၀၀ ကျပ်စီနှင့် နေ့လယ်စာတို့ကို သရုပ်ဆောင်ခိုင်နှင်းဝေ ကိုယ်တိုင်သွားရောက်လှူဒါန်းခဲ့ခြင်း ဖြစ်သည်။
ယင်းလှူဒါန်းမှုနှင့်ပတ်သက်၍ သရုပ်ဆောင်ခိုင်နှင်းဝေက သူ၏လူမှုကွန်ရက်စာ မျက်နှာတွင် “ရခိုင်ပြည်နယ်ဘက် ဘိုးဘွားရိပ်သာတစ်ခုမှ ဘိုးဘွား ၄၁ ဦးအတွက် တစ်ဦးလျှင် အလှူငွေ ငါးထောင်ကျပ်နှင့် နေ့လယ်စာ တစ်နပ်တို့အား ကျွေးမွေးကုသိုလ် ယူခဲ့ပါတယ်ရှင်...ကျွန်မနဲ့အတူ ခုနစ်ရက် သားသမီးများ အားလုံး သာဓုခေါ်ဆို ထပ်တူကုသိုလ်ယူနိုင်ကြပါစေရှင်” ဟု ရေးသားထားသည်။
သရုပ်ဆောင်ခိုင်နှင်းဝေသည် ရခိုင်ပြည်နယ်သို့ရောက်ရှိနေစဉ်အတွင်း ယင်းလှူဒါန်းမှုကို ပြုလုပ်ခဲ့ခြင်းဖြစ်သည်။ ထို့ပြင် သရုပ်ဆောင် ခိုင်နှင်းဝေသည် အခြေခံလူတန်းစား မိသားစုများအတွက် ဆန်များကိုလည်း ဧပြီ ၂၀ ရက်က လှူဒါန်းခဲ့သည်ဟု သိရသည်။
ထို့ပြင် သရုပ်ဆောင် ခိုင်နှင်းဝေသည် ရန်ကုန်မြို့ရှိ အခြေခံလူတန်းစားအိမ်ထောင်စုများအတွက် လှူဒါန်းမှုများပြုလုပ်ခဲ့သည်ဟု သိရသည်။ ဧပြီ ၁၁ ရက်တွင် တောင်ဒဂုံဘက်မှ အိမ်ခြေ ၃၀၀ အား တစ်အိမ်ထောင်လျှင် ဆန်ငါးပြည်စီကို လှူဒါန်းခဲ့သည်။ ထို့ပြင် ခိုင်နှင်းဝေ ရင်သွေးလေးများဂေဟာရှိ ကလေးငယ်များအတွက် လာရောက်လှူဒါန်းထားသည့် နို့ဘူးနှင့်အားဆေးတို့အား အခြားသောကလေးငယ်များအတွက် ပြန်လည်ခွဲဝေလှူဒါန်းမှုများကိုလည်း ပြုလုပ်ခဲ့သည်ဟု သိရသည်။ ယင်းအပြင် သင်္ကြန်အကျနေ့ဖြစ်သည့် ဧပြီ ၁၄ ရက်ကလည်း အခြေခံလူတန်းစားအိမ်ထောင်စုများအတွက် ဆန်များလှူဒါန်းခဲ့သည်ဟု သိရသည်။ ယင်းလှူဒါန်းမှုများကို သရုပ်ဆောင် ခိုင်နှင်းဝေနှင်း စေတနာရှင်များက ပူးပေါင်းလှူဒါန်းခဲ့ကြခြင်းဖြစ်ကြောင်း သိရသည်။
ထို့ပြင် သရုပ်ဆောင်ခိုင်နှင်းဝေသည် ခိုင်နှင်းဝေရင်သွေးလေးများဂေဟာတွင် မိဘမဲ့ကလေးငယ်သုံးဦးကို ဧပြီလဆန်းပိုင်းက ထပ်မံခေါ်ယူမွေးစားခဲ့သည်ဟု သိရသည်။
-
နိုင်ငံတော်သမ္မတနှင့် နိုင်ငံတော်၏အတိုင်ပင်ခံပုဂ္ဂိုလ်တို့ ပြည်ထောင်စုနယ်မြေ နေပြည်တော်တွင် ပုံစံ ၁၅ ဖြင့် ကြိုတင်ဆန္ဒမဲပေး
-
မန္တလေးခရိုင်ရှိ ခုနစ်မြို့နယ်အနက် လူဦးရေ ထူထပ်သည့် ငါးမြို့နယ်၌ အသက် ၆၀ နှစ်နှင့်အထက် ကြိုတင်ဆန္ဒမဲပေးခြင်းကို အိမ်တိုင်ရာရောက် လိုက်လံကောက်ယူ
-
ရွေးကောက်ပွဲသည် တရားမျှတမှု နည်းနိုင်ကြောင်း ပြောဆိုနေသည့် အယူအဆအား မှားသည်ဟု ပြော၍မရကြောင်း ပြည်ထောင်စု ကောင်းကျိုးဆောင်ပါတီဥက္ကဋ္ဌ သူရဦးရွှေမန်း ပြောကြား
-
ပြည်ခိုင်ဖြိုးပါတီ၏ မဲဆွယ်စည်းရုံးရေးကို နှောင့်ယှက်ခဲ့သည့် NLD ပါတီ ထောက်ခံသူများအား အမှုဖွင့်
-
တောင်ကုတ်နှင့် ရမ်းဗြဲမြို့သို့ သွားရောက်ခဲ့သည့် ANP ဗဟိုအောင်နိုင်ရေး မဲဆွယ်စည်းရုံးရေးအဖွဲ့ ဇက်ရေယာဉ် ကမ်းကပ်ခွင့် မရသဖြင့် ချောင်းရေကိုသာ သောက်သုံးရေအဖြစ် တင်ဆောင်လာခဲ့ရ
