ပြည်ထောင်စုနယ်မြေ နေပြည်တော်ရှိ ဇမ္ဗူသီရိမြို့နယ် ရွေးကောက်ပွဲကော်မရှင်အဖွဲ့ခွဲရုံးတွင် နိုင်ငံတော်သမ္မတ ဦးဝင်းမြင့်နှင့် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့သည် ၂၀၂၀ အထွေထွေရွေးကောက်ပွဲအတွက် ယနေ့ (အောက်တိုဘာ ၂၉ ရက်) တွင် ကြိုတင်၍ ဆန္ဒမဲပေးခဲ့ကြခြင်း ဖြစ်သည်။
နိုင်ငံတော်သမ္မတနှင့် နိုင်ငံတော်၏ အတိုင်ပင်ခံပုဂ္ဂိုလ်တို့သည် မဲဆန္ဒနယ်ပြင်ပရောက်အနေနှင့် ပုံစံ ၁၅ ဖြင့် ကြိုတင်ဆန္ဒမဲပေးခွင့် လျှောက်ထား၍ ပြည်ထောင်စုနယ်မြေ နေပြည်တော် ဇမ္ဗူသီရိမြို့နယ် ရွေးကောက်ပွဲကော်မရှင်အဖွဲ့ခွဲရုံးတွင် ကြိုတင်မဲ ပေးခဲ့ကြခြင်း ဖြစ်သည်။
ကြိုတင်ဆန္ဒမဲပေးအပြီး ထွက်ခွာလာချိန်တွင် မဲပေးမည့် ပြည်သူများအား မည်သည့် သတင်းစကား ပါးလိုပါသလဲဆိုသည့် မီဒီယာများ၏ မေးမြန်းမှုကို ' ပြည်သူတွေကတော့ ယုံကြည်အားကိုးပြီးသားပါ။ ပြည်သူတွေအပေါ်မှာ ကျွန်တော်တို့က ယုံကြည်မှုအပြည့်ရှိပါတယ်။ ပြည်သူတွေကလည်း ကျွန်တော်တို့ကို ယုံကြည်မှု အပြည့်ရှိတယ်လို့ ယုံကြည်ထားပါတယ်' ဟု နိုင်ငံတော်သမ္မတ ဦးဝင်းမြင့်က ပြန်လည်ဖြေကြားခဲ့သည်။
၂၀၂၀ အထွေထွေရွေးကောက်ပွဲတွင် နိုင်ငံတော်သမ္မတ ဦးဝင်းမြင့်သည် ရန်ကုန်တိုင်းဒေသကြီး တာမွေမြို့နယ်အတွက် ကြိုတင်ဆန္ဒမဲ ပေးခဲ့ခြင်းဖြစ်ပြီး နိုင်ငံတော်၏ အတိုင်ပင်ခံပုဂ္ဂိုလ်သည် ဗဟန်းမြို့နယ်အတွက် ကြိုတင်ဆန္ဒမဲ ပေးခဲ့ကြခြင်း ဖြစ်သည်။
၂၀၂၀ အထွေထွေရွေးကောက်ပွဲအား နိုဝင်ဘာ ၈ ရက်တွင် ကျင်းပမည်ဖြစ်ပြီး နိုင်ငံတော်သမ္မတနှင့် နိုင်ငံတော်၏ အတိုင်ပင်ခံပုဂ္ဂိုလ်တို့သည် မဲဆန္ဒနယ်ပြင်ပရောက်ဖြင့် ကြိုတင်ဆန္ဒမဲပေးခွင့် လျှောက်ထား၍ ပြည်ထောင်စုနယ်မြေတွင် ကြိုတင်မဲပေးခဲ့ကြခြင်း ဖြစ်သည်။
-
နိုင်ငံတော်သမ္မတနှင့် နိုင်ငံတော်၏အတိုင်ပင်ခံပုဂ္ဂိုလ်တို့ ပြည်ထောင်စုနယ်မြေ နေပြည်တော်တွင် ပုံစံ ၁၅ ဖြင့် ကြိုတင်ဆန္ဒမဲပေး
-
မန္တလေးခရိုင်ရှိ ခုနစ်မြို့နယ်အနက် လူဦးရေ ထူထပ်သည့် ငါးမြို့နယ်၌ အသက် ၆၀ နှစ်နှင့်အထက် ကြိုတင်ဆန္ဒမဲပေးခြင်းကို အိမ်တိုင်ရာရောက် လိုက်လံကောက်ယူ
-
ရွေးကောက်ပွဲသည် တရားမျှတမှု နည်းနိုင်ကြောင်း ပြောဆိုနေသည့် အယူအဆအား မှားသည်ဟု ပြော၍မရကြောင်း ပြည်ထောင်စု ကောင်းကျိုးဆောင်ပါတီဥက္ကဋ္ဌ သူရဦးရွှေမန်း ပြောကြား
-
ပြည်ခိုင်ဖြိုးပါတီ၏ မဲဆွယ်စည်းရုံးရေးကို နှောင့်ယှက်ခဲ့သည့် NLD ပါတီ ထောက်ခံသူများအား အမှုဖွင့်
-
တောင်ကုတ်နှင့် ရမ်းဗြဲမြို့သို့ သွားရောက်ခဲ့သည့် ANP ဗဟိုအောင်နိုင်ရေး မဲဆွယ်စည်းရုံးရေးအဖွဲ့ ဇက်ရေယာဉ် ကမ်းကပ်ခွင့် မရသဖြင့် ချောင်းရေကိုသာ သောက်သုံးရေအဖြစ် တင်ဆောင်လာခဲ့ရ
